Filipi 2:6 - Caekäcai Kangthae (Lemi)

⁶ Äni lä Säthaw kätyng awng king te vi. Tungaila äni lä Säthaw kätyng aelawng vi näte süng khü hethang aedawng te y.

Asang Khongso New Testament

⁶ Khrih loa Sithaw coenghhaih ih to a oh poe, to-e Sithaw hoiah angvan hanah oh hanah a zom nganga ai.

Filipi 2:6 ပူးပေါင်းရင်းမြစ်များ

Mathai 1:23

Buisaw Isaia ma “Anglaw käcai lä äjopawng ea cäpaw aepeng ai. Khimi ce ma Emanuela näkha ka ö ai.” Honi älawngsai lä “Säthaw lä mä-ai hai mangtä awng” näte vi näkha näpa.

Johan 1:18

Ämi la Säthaw bung nung vai te y. Tungaila Pä-ai üng äteng-a awng saite Äcäpaw lawngtä xyng ma Säthaw bung khimi ce tea mäny hai pa te vi.

Johan 10:30

Pä-ai hai Kai lä bungtä kae vi” näkha näpa.

Johan 10:33

Äni ce ma “Nang kälu kähawi na sa te phüng-a, kälung hai käde hethang sa te y. Nang lä khimi by kae ea ma Säthaw müng aemäthi vi. Säthaw üng ämüng aengang te phüng-a kälung hai käde hethang sa te kae” näkha mäthang pa.

Johan 10:38

Pä-ai üng kälu sa ö dylä Kai tea yng y ngaila Kai üng sa te kälu tea yng ö. Pä-ai lä Kai tea awng kha Kai la Pä-ai tea awng näte nang ce mäny ö ai mang” näkha mäthang pa.

Johan 14:28

Kai lä ly ja ngaila nang ce tea ly haile tyng ai näte Kai thui te nang ce thai pyng te dy. Nang ce ma Kai tea bälung aevaw dylä, Kai üng Pä-ai tea ly te phüng-a, nang ce lä kawng ö by ai. Ätephüng-a mei nädylä, Pä-ai lä Kai qawng-a lengky.

Johan 14:9

Isu ma “Philip ä, Kai lä nang ce hai mangtä awng te qae vi dy. Nang ce lä vaihi khytä, Kai bung mae te y vi rawng mei. Kai bung nung saite khimi lä Kai üng Pä-ai bung nung te by kae dy. Kai üng Pä-ai bung kai ce tea mätü näkha ätephüng-a nang lä thui te mei.”

Johan 17:5

Pä-ai ä, vaihi nang ma üng maw-a Kai üng phung-ang aetüng hai lawi. Hini älawngpre awng y te kälang-a ma, Nang hai mangtä pyng saite phung-ang lä, Kai tähang py jo lawi ba.

Johan 20:28

Thawmae ma “Kai üng Areng, kai üng Säthaw” näkha näpa.

Johan 5:18

Hini kätyng-a thui te hai Aehae te Käni tea täphra te cang y Säthaw tea la äma üng Pä-ai näkha kähyng be vi rawng. Tukä sa te hai-a äma tea la Säthaw hai mangtä khai te phüng-a Judae mätawngky na lä Isu bung bädü hethang aeceng ö vi dy.

Johan 5:23

Khimi ce lä Pä-ai tea tämö khai te kätyng Äcäpaw tea la tämö khai hethang kae. Äcäpaw tea tämö khai y te na lä Äcäpaw bung mätaw saite Pä-ai tea tämö khai y saite na kae dy.

Pawlae ma Rom märü üng kangkawng tähang tärü saite cae 9:5

Äni ce lä ämüng aethang saite Hebrai kangsi kangjaw na üng kaepreng na vi. Khrista la khimi lawng te kätü-a, Isrelae khimi kätyng-a aepeng te vi. Äte angxynlyng na pyng saite Säthaw tea lä khimi ce ma dungtäsa bälaw hai ö sy. Amen.

2 Korin 4:4

Hini älawngpre tea pyng saite Setan lä yng y saite khimi na üng bälung kaedawng na tea ving hai pa te vi. Tukätephüng-a äni ce lä Khrista phüng Angthang Kähawi üng phung-ang aesang saite kaevang tea nung haw ö y. Khrista lä Säthaw hai aetawng khaw te vi.

2 Korin 8:9

Nang ce lä mä-ai üng Areng Isu Khrista üng tähang kähawi tea mäny ö te vi. Äni lä tawngnang ngaila, nang ce tähang kangtang-a aelawng te vi dy. Äni üng kangtang saite hai-a, nang ce lä tawngnang ö te vi dy.

1 Timote 1:17

Dungtäsa pyng saite Sanphrang, dungtäsa hing saite, ämi ma la nung haw y saite, lawngtä xyng awng saite, Säthaw tea dungtäsa tämö khai te hai bälaw jawjaw sy. Amen.

1 Timote 3:16

Ho ea khai saite na tea Säthaw ma mä-ai tea täphawng saite na lä cangxei hethang hawi bärai vi. Honi tea ämi ma eja haw y lyng. Khrista lä khimi cüngtang-a aelawng vi dy. Muilaw Käcai hai-a mä-ai tea Isu lä Säthaw üng Cäpaw tätang vi näkha mätü vi dy. Äni bung lä Känipre angtawtha na ma nung ö vi dy. Äni üng angtawtha na lä äni üng phüng ceng qütä na tea thui ö te vi dy. Hini älawngpre mityng qütä üng khimi na lä Äni tea yng ö dy. Säthaw ma Äni bung lä Känipre-a nähaija vi dy.

Titas 2:13

Mä-ai lä hikä awng te thüng-a, mä-ai tea kawng hai saite aethang khai te tea aering ö te vi. Honi lä mä-ai üng kaesangky Säthaw hai Aeqangkung Isu Khrista lä äma üng phung-ang hai aetüng ai te tea vi.

Hebrai 1:3

Äcäpaw lä Säthaw üng phung-ang matangtä cangxei hethang hawi mei näte tea mätü kha äma khekhe lä Säthaw üng aeme aeqa saite hai aetawng khaw te vi. Hini älawng hai käni äte angxynlyng na tea lä äma üng haidae awng saite lo hai äma ce üng mityng-a awng jawjaw hethang sa te vi. Äni lä khimi ce üng hunghö na tea mäcai pyng ea Känipre-a awng saite phung-ang kälengky Säthaw üng bangtang mang-a aety vi dy.

Hebrai 1:6

Säthaw lä äma üng Cäpaw äcälö bung hini älawngpre-a mätaw te kätü-a, “Säthaw üng Känipre üng angtawtha angxynlyng na lä äni tea cäphaw ö hethang kae” näkha äni ma näpa vi dy.

Hebrai 1:8

Tungaila Äcäpaw phüng äni ma thui te lä, “Säthaw ä, nang üng pyng saite pre lä dungtäsa awng jawjaw vi ai. Nang lä nang ma üng khimi na tea cüng saite hai pyng te vi.

Hebrai 13:8

Isu Khrista lä jangni üng hai, vaini la, dungtäsa la lang te awng y vi.

Lokphong 21:6

Tukha äni ma kai tea, “Kai lä kälu sa khüng dy. Kai lä Alpha hai Omeka vi. Angcü hai Kangteng la vi. Tui aehe saite khimi na tea lä, kähing py saite tui cäpring tea ävang mäkai y käla nei hethang Kai ma py ai.