Filipi 2:30 - Caekäcai Kangthae (Lemi)

³⁰ Äte makäte phüng-a mei nädylä äni lä Khrista üng kälu tähang dü aenai rung khytä sa te vi. Kai tea nang ma ce khekhe säbawng haw y saite na tea la äni lä säbawng te vi ba.

Asang Khongso New Testament

³⁰ kawmawtiah nangcae mah na paek o thaih ai ih abomhaih to kai han paek hanah a hinghaih to angthuh moa Khrih ih tok han-iah duek dui khoekto tok a sak.

Filipi 2:30 ပူးပေါင်းရင်းမြစ်များ

Angtawtha 20:24

Kai lä dü ea la, hing ea la, kai tähang aely leng y lyng. Tungaila Areng Isu ma sa hai hethang kai tea py saite kälu khüng haw hethang sa saite lä aely lengky te vi. Honi kälu lä, Säthaw üng tähang kähawi phüng-a, Angthang Kähawi thui hethang vi.

Pawlae ma Rom märü üng kangkawng tähang tärü saite cae 16:4

Änini lä kai üng hing saite tea aeqang hethang dü he aerü hawi rüng te vi. Änini tea lä kai ma qaitä cang y, ceng kälang üng kangkawng na la kawng te thui ö te by vi.

1 Korin 15:53

Säthaw lä phra haw saite mä-ai üng ätabung tea phra y saite ätabung-a mäqa vi ai. Säthaw lä dü haw saite ätabung tea dü haw y saite ätabung-a mäqa pa ai.

1 Korin 16:10

Timothe tyng dylä, äni bung kähawi-a lady ö. Äni lä kai kätyng Areng üng kälu sa saite khimi lawngtä vi.

1 Korin 16:17

Kai lä Stephana, Fawtuna hai Akhika ce tyng ö te phüng-a, anghawtho te vi. Ätephüng-a mei nädylä, äni ce lä nang ce ma kai tähang säbawng haw y saite na tea sa ö pyng te phüng-a vi.

2 Korin 12:15

Kai tea awng saite angxynlyng na nang ce tea py hethang tähang-a kai lä anghawtho vi ai. Kai lä nang ce tea säbawng he kai üng hing saite mäteng ma py hethang awng rüng te vi. Kai lä nang ce tea bälung aevaw phi te phüng-a, nang ce lä kai tea äje cäcaw bälung aevaw ö te vi mei.

2 Korin 4:12

Kai ce lä dü saite hai aeting ö jawjaw te vi. Tungaila nang ce lä dungtäsa kähing tea dang ö ai.

Filipi 2:17

Nang ce üng yng te lä Säthaw tea löci aesa saite kätyng vi. Khimi ce ma kai bung bädü daila awng ai. Kai üng dü saite lä nang ce üng löci aesa te qawng-a bälawng saite Cäpje thai tui kätyng aelawng haw vi ai. Hini kätyng vi dylä kai lä kawng anghawtho vi ai. Kai lä nang ce angxynlyng hai mangtä kawng anghawtho vi ai.

Filipi 2:27

Tätang äni lä dü pheng-a naw khaw te vi. Tungaila Säthaw ma äni tea bäheng te vi. Äni tea qaitä bäheng te kae y, bälung mawng te qawng-a mawng rae y hethang kai tea la bäheng te by vi.

Filipi 4:10

Kai lä Areng hai aesui saite lawngtä kha tengxyng y anghawtho te vi. Ätephüng-a mei nädylä nang ce lä kätü käqae-a, kai tähang rui pa saite lä mätü haile haw ö te phüng-a vi. Nang ce ma kai tähang rui pa ö jawjaw saite na kai lä mäny vi. Tungaila nang ce lä honi phüng kai tea mätü hethang älang dang ö y.

Filipi 4:18

Vaihi kai lä nang ce tha saite angxynlyng na dang te vi dy. Kai lä vaihi aely ngai te qawng-a cang y awng vi dy. Nang ce ma Epaprodita te mang hai-a tha saite na kai lä dang vi dy. Honi na lä kai tähang tengxyng y bälai hai mang te vi. Nang ce üng säbawng te lä Säthaw üng maw-a mui üng saite rimui kätyng löci aesa saite na lawng te vi. Honi na lä Säthaw tea kawng hai te vi.

Filemon 1:13

Isu Khrista üng Angthang Kähawi thui te phüng-a, thawng thung-a pä-ung te thüng-a, kai tea säbawng hethang äni bung kai lä khai jawjaw he ngai te vi. Äni lä nang üng jüng-a kai tea säbawng haw te vi dy.

Lokphong 12:11

Äni ce lä Beram caw üng äthi hai, äni ce thui saite Säthaw üng lo mitang hai-a Setan tea bäja ö vi dy. Äni ce lä dü hethang ri y käla äma ce üng hing saite tea la mäsai ö y vi dy.