Filipi 2:29 - Caekäcai Kangthae (Lemi)

²⁹ Nang ce lä äni bung Areng tea yng saite khimi lawngtä kätyng kawng anghawtho te hai ma lady ö ba. Honi kätyng khimi angxynlyng na tea lä tämö khai ö.

Asang Khongso New Testament

²⁹ Topongah anih to Angraeng thungih naukamza longto batiah kawnhaih hoiah talawk oah. Anih batih kami to loa khangzahaih paek oah,

Filipi 2:29 ပူးပေါင်းရင်းမြစ်များ

Luka 9:5

Khimi ce ma nang ce tea äni ce märü-a lady y dylä honi märü üng tho saite kätü-a nang ma ce üng khodi na täkhy pang ö. Säthaw ma äni ce tea kädawtho te phüng mätü ö” näpa.

Johan 13:20

Tängai ö. Kai ma mätaw saite bung mäkung saite khimi lä kai bung mäkung te by kae dy. Kai bung mäkung saite khimi na lä, kai bung mätaw saite Säthaw bung mäkung te by kae dy” näpa.

Angtawtha 2:46

Äni ce lä käni qütä Säthaw üng Ingkäcai käleng thung-a mangtä aeting ö dy. Tukha äni ce lä bälung mangtä kawng anghawtho te hai ma, äma ce üng ing-a Areng bö mangtä ca ö vi dy.

Angtawtha 28:10

Äni ce lä kai ce tea tämö khai phi ö vi dy. Kai ce ly hethang kätü tyng ea kai ce üng aely ngai saite angxynlyng na tui sangphaw qawng-a tha pa ö vi dy.

Angtawtha 8:8

Tukätephüng-a hani märü üng khimi angxynlyng na lä tengxyng y kawng ö phi pa vi dy.

Pawlae ma Rom märü üng kangkawng tähang tärü saite cae 10:15

Tudylä Säthaw üng Angthang Kähawi thui hethang khimi ce bung Säthaw ma mätaw y dylä, makä sa kha äni ce lä Angthang Kähawi thui haw ö ai mei. Caekäcai thung-a thui te lä, “Angthang Kähawi thui saite khimi na üng ly saite äkho na lä tengxyng y cangxei he hawi vi” näkha nä vi.

Pawlae ma Rom märü üng kangkawng tähang tärü saite cae 16:2

Säthaw üng khimi na lä lawng lawngtä tea lady hethang aeteng khaw te kätyng Areng üng ämüng hai-a hini nawngmädi bung lady pa ö. Äni üng ngai saite na tea säbawng pa ö. Hini nawngmädi lä Säthaw üng khimi awng mang saite na tea säbawng pa te vi. Kai tea la äni lä säbawng te vi.

1 Korin 16:10

Timothe tyng dylä, äni bung kähawi-a lady ö. Äni lä kai kätyng Areng üng kälu sa saite khimi lawngtä vi.

1 Korin 16:18

Äni ce lä nang ce üng bälung tea kawng hai ö te kätyng kai üng bälung tea la kawng hai te by vi. Nang ce lä äni ce kätyng yng saite kangby jä-ai na tea tämö khai ö hethang kae.

2 Korin 10:18

Ätephüng-a mei nädylä, khimi lawngtä ma äma üng phüng aethaw saite tea Säthaw lä ngai te y. Areng lä äma khekhe tea bälaw saite khimi na xyngtä tea ni ngai te kae vi.

2 Korin 7:2

Kai ce tea nang ce üng bälung aevaw kha lady ö. Kai ce lä ämi tea la sa tämang ö te y. Yng saite tämang hai ö te y. Kaeling kaemae la sa ö te y vi.

Filipi 2:28

Nang ce lä äni bung nung haile dylä, kawng ö tyng ai näte hai kai ma üng bälung mawng saite na la haw by ai näte phüng-a vi. Tukätephüng-a äni bung nang ce tea mätaw hethang kai lä tengxyng y ngaiphi te vi.

Kolosa 4:10

Kai hai mangtä thawng thung-a pä-ung saite Aristaku ma nang ce tea cibai sa te lo thui by mang ba. Banaba üng kangby lawng saite Marka la nang ce tea cibai sa te lo thui by. Äni üng angthang tärü te cae tea nang ce lä dang ö dy. Nang ce tea änini tyng dylä lady ö ba.

1 Thesalon 5:12

Yng saite kangby jä-ai na ä, nang ce thung-a bälung aepy ea Säthaw kälu aethaw rae kha sa saite na tea nang ce lä tämö khai ö ba. Äni ce lä nang ce tea Säthaw lo mätu kha Khristen kangkawng na tea bähawi saite särae na vi.

1 Timote 5:17

Kangkawng tea kähawi-a rui saite mätawngky na tea yng saite na lä tämö khai ea bälung aepy bärai te hai tangkae phawisae na hai säbawng ö hethang kae. Äni ce lä Säthaw üng angthang mätu ea thui te phüng-a, äni ce tea lä tämö khai hethang aeteng te vi.

Hebrai 13:17

Nang ma ce üng mätawngky na älo tea lä tängai ö ba. Äni ce thui saite na kätyng sa ö. Äni ce lä nang ce üng bälung na tea aehae y käla rui khü ö te vi. Ätephüng-a mei nädylä, äni ce lä äma ce üng kälu na phüng Säthaw tea thui hethang kae ö te vi. Nang ce lä äni ce üng älo tea tängai dylä, äni ce lä äma ce kälu tea anghawtho te hai sa ö ai. Tungaila nang ce ma tängai y dylä, äni ce lä bälungsi saite hai kälu sa ö ai. Honi lä nang ce üng tähang äte la ävang ting y lyng.

3 Johan 1:10

Tukätephüng-a kai ly te kätü-a, äni üng sa saite na lä kangkawng üng khimi na üng maw-a kai ma thui mäcai ai mang. Äni lä kai ce üng phüng na tea käsi prawng kha thui te vi. Honi qawng-a cang y, äni lä Khristen äpy na tyng te kätü-a la, lady y. Lady hethang ngai saite khimi na tea la mäkhang pa te vi. Äni ce bung la kangkawng üng mäthoja pa ö te vi.