Filipi 2:2 - Caekäcai Kangthae (Lemi)

² Tudylä nang ce lä bälung aedü saite bälung aevaw saite bälung kaedawng saite hai mangtä awng te hai-a kai tea tengxyng y kawng anghawtho hai ö ba.

Asang Khongso New Testament

² Topongah poekhaih maeto ah anghmonghaih, longto hoi longto amlunghaih hoi palungthin maeto ah amhonghaih hoiah kai hae anghoehaih acungsak oah tiah kang pacae o.

Filipi 2:2 ပူးပေါင်းရင်းမြစ်များ

Johan 3:29

Nawngmädi anglaw bung dang saite lä nawngpaw vi dy. Nawngpaw üng rawijae lä äni äteng-a awng kha äni üng ätüng tängai ea anghawtho te vi. Hini kätyng kai üng kawng te lä kawi dy.

Angtawtha 1:14

Angtawtha na angxynlyng lä aekäcö kha mangtä aetang leilae ö dy. Isu tea säbawng saite nawngmädi na hai äni üng nä-awi Maeri, äkangby na la awng ö by vi.

Angtawtha 2:1

Pengtikos pawi tyng te kätü-a, yng saite angxynlyng na lä mityng kähaetä-a mangtä aekäcö kha awng ö vi.

Angtawtha 2:46

Äni ce lä käni qütä Säthaw üng Ingkäcai käleng thung-a mangtä aeting ö dy. Tukha äni ce lä bälung mangtä kawng anghawtho te hai ma, äma ce üng ing-a Areng bö mangtä ca ö vi dy.

Angtawtha 5:12

Angtawtha na lä khimi ce tähang cangxei saite kamarae awng mawng-a sa pa ö dy. Käyng na angxynlyng lä Solomon üng bakhung-a aekäcö leilae ö dy.

Pawlae ma Rom märü üng kangkawng tähang tärü saite cae 12:16

Yng saite khimi qütä hai bälung mangtä aedü ö. Aethaw ö hang. Mätang saite khimi hai kangby jä-ai na aesa ö. Mä-ai ma tea mä-ai ma bälunghae te vi näkha aedawng ö hang.

1 Korin 1:10

Kai üng kangby jä-ai na ä, mä-ai üng Areng Isu Khrista ma kai tea äma üng aenae hai thui hethang py vi dy. Nang ce lä lawng lawngtä ae-e ö hethang kae y dy lyng. Kangkawng thung-a aetäphü hethang kae y vi dy. Nang ce lä bälung mangtä, dawng saite la mangtä awng ö lawi näkha kai lä nang ce tea mäci khü te vi dy.

2 Korin 13:11

Kai üng kängby jä-ai na ä, kangkhüng üng cibai sa saite lo lä nang ce lä nawsaw hawi kha anghawtho ö sy. Cungrü hethang aethawsa ö. Kai ma nang ce tea thui pyng saite tea tängai ea bälung haetä awng kha awngneng te hai-a ma awng ö. Hini kätyng nang ce sa dylä, bälung aevaw te hai awngneng te käpy Kung, Areng Säthaw, lä nang ce hai mangtä awng ai.

2 Korin 2:3

Tukätephüng-a kai lä nang ce tea honi cae tärü te vi dy. Nang ce tea kai tyng te kätü-a, kai tea bälungsi hai hethang kai lä ngai te y. Nang ce lä kai tea anghawtho hai hethang kae. Kai anghawtho dylä, nang ce angxynlyng la anghawtho ö by ai näte kai lä bälung ae-y khü te vi.

2 Korin 7:7

Kai ce lä Tita tyng te phüng-a qaitä anghawtho te y. Nang ce ma äni tea säbawng te phüng-a la anghawtho ö te by vi. Nang ce ma kai ce hai aeting hethang ngai phi vi näte phüng, kai ce üng mätang bälai saite phüng, nang ce lä bälungsi te hai kai ce tea säbawng hethang ngai ö te phüng, Tita ma thui pa te phüng-a, kai la tengxyng y anghawtho bärai te vi dy.

Filipi 1:4

Nang ce angxynlyng tähang aetang te qütä kai lä kawng anghawtho te hai aetang pa dy.

Filipi 2:16

Nang ce lä khimi ce tea dungtäsa hing saite angthang thui pa ö. Nang ce hini kätyng cai ö dylä, Khrista ly haile saite Käni-a lä kai la aethaw haw vi ai. Ätephüng-a mei nädylä kai aethawsa kha sa saite lä aetütü y näte nang ce ma mätü ö vi ai.

Filipi 2:20

Kai üng bälung kaedawng hai aedü saite Timothe lawngtä xyng ni awng te kae. Äni lä nang ce bung tätang khaw-a rui saite khimi vi.

Filipi 4:2

Euodia hai Syntuki ä, nang ni lä Areng hai aesui hawi te phüng-a, lawng lawngtä bälung mangtä aedü hawi hethang nang ni tea kai la mäkai te vi.

Kolosa 2:5

Kai üng ätabung lä nang ce hai hanglaw ngaila, bälung kaedawng-a lä nang ce hai mangtä awng jawjaw te vi. Nang ce lä bälung mangtä awng ea Khrista tea yng te leng phi ö te vi näkha mäny te phüng-a kai lä anghawtho bärai vi.

2 Thesalon 2:13

Areng Isu ma bälung aevaw saite yng te kangby jä-ai na ä, nang ce tähang-a kai ce lä Säthaw tea kawng te lo thui jawjaw ö hethang kae te vi. Ätephüng-a mei nädylä äni lä älawng sa te kätü-a ma, aeqang hethang nang ce bung re te vi dy. Äni lä Muilaw Käcai hai-a khimi käcai-a bälawng kha lo mitang tea nang ce üng yng te hai-a nang ce bung aeqang te vi.

2 Timote 1:4

Mä-ai ni aeprei hawi te thüng-a, nang üng minaw tui aeqa saite na tea aedawng haile kha kai lä nang hai aeting tyng hethang ngaiphi te vi. Tukä dylä kai lä tengxyng y anghawtho haw ai.

Filemon 1:20

Kai üng kangby ä, Areng üng phüng-a kai mäkai saite na nang lä sa pa khü jo. Mä-ai ni lä Khrista hai aesui hawi te phüng-a, kai üng bälung anghawtho hai kü jo ba.

2 Johan 1:4

Mä-ai üng Pä-ai Säthaw ma Ubädi py te kätyng nang üng caw nade phütä na lä lo mitang kätyng hing saite tea kai lä thai te phüng-a, tengxyng y anghawtho te vi.

3 Johan 1:4

Kai üng caw nade na lä Säthaw üng lo mitang-a hing te phüng thai kha kai lä anghawtho hai te qawng-a äte kälang haetä la awng y vi.