Filipi 2:1 - Caekäcai Kangthae (Lemi)

¹ Khrista hai-a nang ce lä hing te phüng-a nang ce lä aethaw awng hai ö dy. Äni üng bälung aevaw te phüng-a nang ce lä bälung dang ö dy. Nang ce lä Muilaw Käcai hai mangtä rawijae aesa ö dy. Nang ma ce tingtawi aebäheng te hai bälung aevaw te awng ö dy.

Asang Khongso New Testament

¹ Khrih ah hinghaih ih mah nangcae to tha ang rahsak o moa a amlunghaih mah nangcae to ang mongsak o. Nangcae loa Pakhra hoiah angkomhaih ih to na tawnh o, longto hoi longto nuiah tahmenhaih hoi palungnathaih to na tawnh o.

Filipi 2:1 ပူးပေါင်းရင်းမြစ်များ

Luka 2:25

Honi kätü-a Simon näsaite khimi lawngtä lä Jerusalem märü-a awng pa vi. Äni lä khimi cüng saite lawngtä kha Säthaw üng lo tängai jawjaw saite khimi vi. Äni lä Isrelae na bung aeqang saite Säthaw üng Mesia tea aering te vi. Muilaw Käcai lä äni hai mangtä awng te vi.

Johan 14:18

“Kai lä nang ce bung ruicaw kätyng-a khaisö y lyng. Nang ce tea kai ly haile tyng ai rawng mang.

Johan 14:27

“Nang ce bälung awng derui saite Kai ma khai pa dy. Kai üng awngneng saite nang ce tea py dy. Älawng üng khimi na lä hini awngneng saite py haw y. Nang ce lä bälungbi ö hang. Ri ö hang.

Johan 17:13

Vaihi Kai lä nang tea vawi te dy. Äni ce lä Kai üng anghawtho saite käcung-a, dang hethang tähang hini älawngpre qawng-a, Kai awng te thüng-a ma, hini älo na äni ce tea thui pa te vi.

Angtawtha 2:46

Äni ce lä käni qütä Säthaw üng Ingkäcai käleng thung-a mangtä aeting ö dy. Tukha äni ce lä bälung mangtä kawng anghawtho te hai ma, äma ce üng ing-a Areng bö mangtä ca ö vi dy.

Angtawtha 4:32

Käyng angxynlyng na lä bälung mangtä aedü kha awng ö vi. Ämi lawngtä la vyngsai angxynlyng na mäsai te awng y käla ma mangtä mäsung ö vi.

Pawlae ma Rom märü üng kangkawng tähang tärü saite cae 5:5

Mä-ai lä aethang khai saite awng te phüng-a aethawsi ö te y. Ätephüng-a mei nädylä Säthaw ma mä-ai tea py saite Muilaw Käcai hai-a mä-ai üng bälung thung-a äni üng bälung aevaw saite mäkawi pa te phüng-a vi dy.

Pawlae ma Rom märü üng kangkawng tähang tärü saite cae 8:26

Honi kätyng-a Muilaw Käcai lä aethawdi saite mä-ai tea säbawng te by vi. Ätemakä sa kha aetang he kae mei näte mä-ai lä mäny ö te y. Tungaila älo hai thui haw y, hang saite ätüng na hai-a Muilaw Käcai äma khekhe lä mä-ai tähang Säthaw tea aesi aebai hai pa te vi.

1 Korin 12:13

Honi kätyng-a, Säthaw ma mä-ai angxynlyng na, Judae khimi na, khimi ceng kälang na, mawsawng tangnae na hai, khimi kaelawi na tea lä Muilaw Käcai hai-a mä-ai bung ätabung haetä thung-a baptismae py te vi dy. Säthaw lä mä-ai üng bälung thung-a mangtä saite Muilaw Käcai bung mäkung pyng vi dy.

1 Korin 15:31

Kangby jä-ai na ä, kai lä käni qütä dü saite hai aeting te vi. Nang ce lä mä-ai üng Areng Isu Khrista hai bungtä te phüng-a, kai lä hini kä thui te vi.

1 Korin 3:16

Nang ce lä Säthaw üng Ingkäcai kätyng vi näte mäny tätang ö vi. Säthaw üng Muilaw Käcai lä nang ce üng äthung-a awng te vi.

2 Korin 13:14

Areng Isu Khrista üng tähang kähawi, Säthaw üng bälung aevaw saite hai Muilaw Käcai üng aede saite lä nang ce angxynlyng na hai mangtä awng sy.

2 Korin 2:14

Mä-ai üng Säthaw tea mä-ai bälaw ö si. Säthaw lä mä-ai bung Khrista üng bäja saite pawi-a qa hai jawjaw hethang phüng-a vi. Mä-ai ly saite mityng qütä-a, Säthaw lä Khrista üng Angthang Kähawi thui hai jawjaw te vi. Honi lä ämui kähawi kätyng lawng hai hethang vi.

Galati 4:6

Nang ce lä Säthaw üng caw nade na lawng ö te phüng-a, äni lä mä-ai üng bälung thung-a äma Cäpaw üng Muilaw Käcai bung mätaw vi dy. Muilaw Käcai phüng-a, mä-ai lä, “Üngai, Ä-ai” näkha ka hethang dang vi.

Galati 5:22

Muilaw Käcai ma mä-ai tea pyng dylä, äni ma mä-ai tea sa hai saite na lä: bälung aevaw saite, anghawtho saite, awngneng saite, änawngsa saite, bäsai y saite, kähawi sa saite, ae-y nae hawi saite, älo käneng aepe saite, mä-ai ma tea aeküng haw saite na vi. Honi na tea lä Mosi üng Ubädi la elekhei sa y lyng.

Ephesi 4:4

Mä-ai yng saite na lä khimi lawngtä üng ätabung kaesui kaebeng kätyng vi. Mä-ai üng bälung thung-a aeta saite Muilaw Käcai lä lawngtä kae. Hini kätyng Säthaw lä nang ce bung ka te kätü-a, aethang khai saite haetä py te kae.

Filipi 1:8

Isu Khrista ma kai tea py saite bälung aevaw te hai-a nang ce angxynlyng bung mätangtä bälung aevaw kha aeting hethang ngai mei näte Säthaw lä mäny te vi.

Filipi 3:3

Lengkhüng täke tätang te dang khaw saite na lä äni ce y. Mä-ai kae vi. Ätephüng-a mei nädylä mä-ai lä Säthaw üng Muilaw hai-a Äni tea cäphaw kha Isu Khrista hai bungtä awng ea anghawtho saite na phüng-a vi. Mä-ai lä khimi ce üng sa haw saite na tea äte haetä la ae-y ö te y.

Kolosa 2:2

Kai lä äte makäte phüng-a hini kätyng sa mei nädylä äni ce angxynlyng tea aethaw py hethang ngai te vi. Äma ce tingtawi bälung aevaw te hai aede ö näkha thui hethang kai lä ngai te vi. Säthaw üng älo käcai tea kätüng khaw-a thaikaw bawi te hai aethawng saite cangxei hethang hawi bärai te na äni ce tea dang hai bawi hethang kai lä ngai te vi. Honi kätyng Khrista näte Säthaw üng mätaw te tea äni ce lä mäny ö ai mang.

Kolosa 3:12

Nang ce lä Säthaw ma re saite khimi na vi. Säthaw lä nang ce bung bälung aevaw kha khimi käcai-a bälawng te vi dy. Tukätephüng-a nang ce lä bäheng te, änawng hawi te, aemäneng te, bälung äkäneng awng saite hai änawngsa saite na hai-a awng ö.

Hebrai 6:18

Säthaw lä äma üng älo aedo saite kätü-a täking saite lo la thui pa te vi dy. Honi känetä lä mäqa haw y saite na vi. Säthaw lä kaeling kaemae sa haw y te phüng-a, mä-ai lä Säthaw tea bälung ae-y khü ö te vi. Säthaw ma mä-ai bung aedung hai hethang äni tea aehui ö te vi. Säthaw ma py te aethang khai saite tea mä-ai lä kähawi-a süng khü hethang aethaw dang ö te vi.

1 Piter 1:2

Jangni üng hai ma Pä-ai Säthaw lä nang ce bung mäny kha re ea Äma üng Muilaw Käcai ma nang ce tea cai hai te vi dy. Tukätephüng-a nang ce lä Isu Khrista üng lo tängai kha äma üng äthi hai-a nang ce lä cai ö te vi dy. Säthaw ma nang ce tea lä tähang kähawi hai awngneng saite cungrü-a py sy.

1 Johan 3:24

Äni üng Ubädi na tea tängai saite na lä Säthaw hai bungtä awng kha Säthaw la äni ce hai bungtä awng te by vi. Säthaw ma mä-ai tea py saite Muilaw Käcai hai-a Säthaw lä mä-ai hai bungtä awng saite tea mä-ai lä mäny haw ö te vi.

1 Johan 4:12

Säthaw bung ämi la nung vai te y. Tungaila mä-ai lä lawng lawngtä tea bälung aevaw ö vi nädylä, Säthaw lä mä-ai hai bungtä awng te vi dy. Äni üng bälung aevaw saite lä mä-ai üng äthung-a cungrü hai ö te vi.

1 Johan 4:16

Tukha Säthaw ma mä-ai bung bälung aevaw saite tea mä-ai lä mäny khe kha yng ö te vi. Säthaw lä bälung aevaw saite Kung vi. Khimi lawngtä ma Säthaw hai khimi kälang na tea bälung aevaw jawjaw dylä Säthaw hai bungtä äni lä awng te vi. Säthaw la äni hai bungtä awng te by vi.