Filipi 1:6 - Caekäcai Kangthae (Lemi)

⁶ Nang ce thung-a hini kälu kähawi aetawng hai saite Säthaw lä Isu Khrista ly haile te käni tyng y rytä, hini kälu tea khüng rung khytä sa vi ai näte kai lä ae-y khü te vi.

Asang Khongso New Testament

⁶ Topongah nangcae thungah hi tok kahoih patongkung Sithaw mah Khrih Jesuh Ni ah hi tok hae pacoeng khoekto sah tih tiah ka oeptang.

Filipi 1:6 ပူးပေါင်းရင်းမြစ်များ

Johan 6:29

Isu ma “Säthaw üng kängai saite kälu lä äma mätaw saite Kung tea yng hethang kae vi” näkha näpa.

Angtawtha 11:18

Honi älo thai ea, äni ce lä käsi thui ö y käla ma, Säthaw tea bälaw ö vi dy. “Säthaw lä ceng kälang khimi na tea hing te kangthae dang hethang äni ce tea ae-ui hai pa te vi” näkha näpa.

Angtawtha 16:14

Äni ce thung-a Lidia näsaite nawngmädi lawngtä awng vi. Äni lä Thetaria märü üng ly kha ävang ting saite äsae kangthing na rang kha jaw te nawngmädi lawngtä vi. Äni lä Säthaw tea cäphaw kha awng vi. Pawlae thui saite angthang na tängai khü hethang Areng Isu ma äni üng bälung tea mäny hai va pa vi dy.

1 Korin 1:8

Kangteng khytä yng te cakhi haw hethang nang ce tea Säthaw lä säbawng vi ai. Tukätephüng-a mä-ai üng Areng Isu Khrista tyng haile te kätü-a lä, ämi lawngtä ma la nang ce tea hunghö awng näkha cy haw y vi ai.

2 Korin 1:15

Kai lä hini phüng na tea ae-y khü te phüng-a, qengnetä nang ce tea ly hethang aedawng rüng te vi dy. Hini kätyng ly te phüng-a, Säthaw lä nang ce tea qengnetä tähang kähawi py rae vi ai.

2 Korin 2:3

Tukätephüng-a kai lä nang ce tea honi cae tärü te vi dy. Nang ce tea kai tyng te kätü-a, kai tea bälungsi hai hethang kai lä ngai te y. Nang ce lä kai tea anghawtho hai hethang kae. Kai anghawtho dylä, nang ce angxynlyng la anghawtho ö by ai näte kai lä bälung ae-y khü te vi.

2 Korin 7:16

Kai lä nang ce tea tengxyng ae-y khü haw te phüng-a, anghawtho phi te vi.

2 Korin 9:4

Kai hai mangtä Makedonia khö üng hai hui saite yng te khimi na ma nang ce üng aerü rüng y saite tea nung dylä, nang ce tea ae-y khü te phüng-a, kai ce la tengxyng y saerae ö by vi ai. Nang ma ce khekhe la saerae ö by ai.

Galati 5:10

Nang ce lä kaesyng y mätu saite lo na tea tängai y hethang Säthaw lä nang ce tea säbawng ai näkha kai lä ae-y te vi. Nang ce tea bälung xhuxa hethang thui saite khimi na tea lä Säthaw ma dengpy ai mang.

Ephesi 4:12

Khrista ma hini kätyng sakaw saite na py te lä Säthaw üng khimi na tea äma tähang kälu sa hethang aerü rüng hai te vi. Tudylä Khrista üng ätabung lawng saite Säthaw üng kangkawng angxynlyng na lä aethaw awng kha ryng ö rae vi ai.

Filipi 1:10

Tukätephüng-a nang ce lä kähawiky saite re haw ö ai. Tukha Khrista tyng haile saite käni-a, nang ce lä cai kha khimi ce ma cy haw ö y ai mang.

Filipi 1:29

Nang ce lä Khrista tea yng te cang y äni tähang mätang hethang Säthaw ma khai te vi.

Filipi 2:12

Hokä dylä kai üng yng saite rawijae na ä, kai hai awng te kätü-a nang ce lä kai lo tängai jawjaw te kätyng vaihi kai hai hanglaw ea la älo tängai hethang lä aely lengky rae te vi. Nang ce lä Säthaw tea käsawtho kha ri te hai ma nang ma ce üng aeqang saite cungrü hai hethang aethawsa ö jawjaw ba.

Filipi 2:13

Ätephüng-a mei nädylä Säthaw lä nang ce üng bälung thung-a kälu sa jaw jaw te vi. Nang ce lä Säthaw üng aely kängai sa hethang hai äni üng kawng saite sa hai hethang äni lä nang ce tea säbawng te vi.

Filipi 2:16

Nang ce lä khimi ce tea dungtäsa hing saite angthang thui pa ö. Nang ce hini kätyng cai ö dylä, Khrista ly haile saite Käni-a lä kai la aethaw haw vi ai. Ätephüng-a mei nädylä kai aethawsa kha sa saite lä aetütü y näte nang ce ma mätü ö vi ai.

Kolosa 2:12

Nang ce lä baptismae la te kätü-a, nang ce üng hunghö sa he ngai saite tea Khrista hai mangtä ö pyng te kätyng awng haw vi dy. Äni bung kädü thung üng mätha kha hing hai pa saite Säthaw üng phung-ang tea nang ce lä yng te phüng-a, Khrista hai mangtä dü saite thung üng nang ce la hing haile ö te by vi dy.

1 Thesalon 1:3

Mä-ai üng Pä-ai Säthaw maw-a nang ce üng yng kha sa saite kälu tea kai ce lä aedawng haile jawjaw ö te vi. Nang ce üng bälung aevaw saite hai, kälang na tea aethaw rae kha säbawng saite hai, mä-ai üng Areng Isu Khrista tea aethang khai khü te phüng na tea kai ce lä aedawng haile jawjaw ö te vi.

2 Thesalon 1:11

Tukätephüng-a kai ce lä nang ce tähang aetang jawjaw ö te vi. Säthaw lä nang ce tea ka saite hai kaeteng khaw-a awng haw hethang säbawng he kai ce lä aetang pa ö te vi. Nang ce üng yng te hai ngai saite kälu kähawi na sa haw hethang haidae na äni ma nang ce tea py sy.

2 Thesalon 3:4

Nang ce lä kai ce thui saite särilo vaihi tängai te kätyng, vaimaw mang-a la tängai jawjaw vi ai näte, kai ce lä Areng hai-a bälung ae-y khü öte vi dy.

Filemon 1:21

Kai cae tärü kha mäkai saite na qawng-a cang y nang lä sa pa ai näte kai lä ae-y khü te vi. Kai mäkai te qawng-a cang y nang sa pa ai näte kai lä mäny dy.

Hebrai 10:35

Tukätephüng-a nang ce lä aethawsi ö hang. Tupyng dylä Säthaw ma nang ce tea ävang käleng py ai mang.

Hebrai 12:2

Mä-ai lä Isu tea kheng khü jawjaw ö si. Äni lä mä-ai üng yng saite tea aetawng angcü hai kha cungrü-a sa pa saite Kung la vi. Äni lä thinglang qawng-a täheng saite üng saerae dang te tea khung vi dy. Ätephüng-a mei nädylä hokä äni sa te lä ämaw mang-a anghawtho ai näte tea Äni lä mäny te phüng-a vi dy. Vaihi äni lä Säthaw üng aety nae bangtang mang-a aety te vi.

1 Piter 5:10

Nang ce lä tänaetä mätang bälai pyng-a, tähang kähawi angxynlyng na üng Säthaw lä nang ce tea yng te cakhi hai kha aethaw awng hai ea cungrü hai ö vi ai. Äni lä Isu Khrista hai-a äma üng dungtäsa phung-ang thung-a qa hethang nang ce bung re te vi dy.

2 Piter 3:10

Areng lä ämi lawngtä la aedawng y te kätü-a, theru kätyng ly haile vi ai. Honi käni-a khösang lä ätüng käleng hai laja kha khösang-a awng saite angxynlyng na tea lä maikang kha pra hai king vi ai. Älawng hai älawng qawng-a awng saite angxynlyng na lä la king ö vi ai.