Filipi 1:5 - Caekäcai Kangthae (Lemi)

⁵ Ätephüng-a mei nädylä, nang ce lä Angthang Kähawi yng te käni üng hai vaini khytä, Angthang Kähawi hi saite kai tea säbawng ö te phüng-a vi.

Asang Khongso New Testament

⁵ kawmawtiah tamthang kahoih tok ka sak na-ah amtong tangsuek hoitoah vaihi khoekto kai hae nang bomh o toemoe pongah ni.

Filipi 1:5 ပူးပေါင်းရင်းမြစ်များ

Angtawtha 2:42

Äni ce lä angtawtha na üng mätu te lo na tängai ö dy. Äni ce lä käni qütä-a aekäcö kha Areng bö ca te hai aetang ö vi dy.

Pawlae ma Rom märü üng kangkawng tähang tärü saite cae 11:17

Olive thingkawng kung kähawi üng cangpre phütä na tea tängang vi dylä, khimi ce lä daithung üng olive kung cangpre na tea lä cangpre kälang na thung-a sätawng kha e vi dy. Nang ce ceng kälang na lä daithung üng olive cangpre na kätyng vi. Jangni-a Säthaw ma Judae khimi na tea aedo saite üng tähang kähawi na vaihi nang ce lä tengxyng y dang ö vi dy.

Pawlae ma Rom märü üng kangkawng tähang tärü saite cae 12:13

Mätang saite Khristen kangby jä-ai na tea nang ce lä säbawng ö. Angvüng angvaw na bung kähawi-a nang ce lä üng ingthung-a mäkung ö.

Pawlae ma Rom märü üng kangkawng tähang tärü saite cae 15:26

Makedonia khö hai Käri pre üng Khristen kangkawng na lä Jerusalem märü-a awng saite mätangbälai-a yng saite Judae khimi na tea säbawng hai hethang kawng te hai tangkae na py pa vi dy.

1 Korin 1:9

Säthaw lä nang ce bung mä-ai üng Areng, äma üng Cäpaw Isu Khrista hai mangtä kangby jä-ai lawng hai hethang re pyng vi dy. Säthaw lä äma üng aedo saite älo kätyng sa te vi.

2 Korin 8:1

Kangby jä-ai na ä, kai lä hini Makedonia khö üng kangkawng na tea Säthaw ma py saite tähang kähawi phüng nang ce tea mäny hai hethang ngai te vi.

Ephesi 3:6

Säthaw üng ho saite mawlang kaedawng lä hini vi. Angthang Kähawi phüng-a, ceng kälang na lä Judae khimi na hai mangtä Säthaw py saite tähang kähawi angxynlyng na lä dang ö by ai. Ceng kälang na hai Judae khimi na lä ätabung haetä kätyng lawng ö te vi. Nang ce ceng kälang na lä Isu Khrista hai-a Säthaw ma Judae khimi na tea aedo saite älo dang ö te by vi.

Filipi 1:12

Kai üng kangby jä-ai na ä, kai aeting saite amäjy na phüng-a khimi nyng nyng na lä Angthang Kähawi thai hai te vi näte kai lä nang ce tea mäny hai hethang ngai te vi.

Filipi 1:16

Kai tea bälung aevaw ö te phüng-a thui ö dy. Kai lä Angthang Kähawi tea aekung hai hethang Säthaw lä kai bung thawng thung-a khai te äni ce lä mäny ö vi.

Filipi 1:27

Nang ce lä Khrista üng Angthang Kähawi yng saite tähang kaebäla-a awng hethang lä tätang aely leng te vi. Tukätephüng-a nang ce tea kai aeting haw y kha hanglaw mang nang ce üng angthang thai te läsy, aeting haw y te läsy, nang ce lä bälung mangtä aedü kha aedaw ö haw te kai lä mäny vi ai. Nang ce angxynlyng Angthang Kähawi üng yng saite tähang phüng-a aethaw mangtä aesa ea aety ö näte kai lä mäny vi ai.

Filipi 1:7

Nang ce tea kai lä tengxyng y bälung aevaw te vi. Tukätephüng-a nang ce angxynlyng üng phüng hikä bälung dawng hethang kai tähang lä aesyng khaw te vi. Ätephüng-a mei nädylä vaihi kai lä thawng thung-a awng te kätü-a läsy, aelawi te kätü-a läsy, Angthang Kähawi kätüng thui mäcai hethang läsy, nang ce angxynlyng lä kai hai mangtä Säthaw üng tähang kähawi na thung-a qa ö te vi dy.

Filipi 2:12

Hokä dylä kai üng yng saite rawijae na ä, kai hai awng te kätü-a nang ce lä kai lo tängai jawjaw te kätyng vaihi kai hai hanglaw ea la älo tängai hethang lä aely lengky rae te vi. Nang ce lä Säthaw tea käsawtho kha ri te hai ma nang ma ce üng aeqang saite cungrü hai hethang aethawsa ö jawjaw ba.

Filipi 2:22

Timothe lä yng te cakhi te phüng mätü te nang ce lä mäny ö te vi dy. Äni hai kai lä mangtä äcäpaw hai äpä-ai kätyng Angthang Kähawi khimi ce thai hai hethang kälu sa hawi te vi.

Filipi 4:3

Honi qawng-a cang y, kai üng ae-yky saite äpy ä, nang la honi nawngmädi ni tea säbawng pa jo ba. Änini lä khimi ce tea Angthang Kähawi thui hethang tähang kai hai mangtä aethawsa bärai hawi saite ni vi. Klement hai kai hai mangtä kälu sa saite äpy kälang na la qa ö by vi. Dungtäsa hing saite na üng ämüng tärü saite Säthaw üng cae-u thung-a äni ce üng ämüng la qa ö te vi.

Filemon 1:17

Tukätephüng-a nang lä kai bung kälu sa te rawijae tätang näkha dawng dylä, kai tea bälung anghawtho bärai te hai lady te kätyng Onesimae bung la lady hethang kae te by vi.

Hebrai 3:14

Mä-ai lä angcü üng yng te kätyng kangteng khytä Säthaw tea bälung ae-y khü kha awng dylä, Säthaw ma Khrista tea py hethang awng saite thung-a mä-ai lä qa ö te by vi.

2 Piter 1:1

Hini cae lä Isu Khrista üng mawsawng hai angtawtha lawng saite, kai, Simon Peterae, te üng vi. Kai lä Säthaw hai mä-ai üng Aeqangkung Isu Khrista üng cüng saite hai-a kai ce kätyng yng te ävang käting dang saite na tea cae tärü te vi.

1 Johan 1:3

Kai ce nung kha thai saite na nang ce tea la thui te ö by vi. Hokä ea ni mä-ai lä mangtä rawijae aesa hethang dang ö ai. Mä-ai lä Pä-ai Säthaw hai Äcäpaw Isu Khrista hai rawijae aesa ö saite na vi.

1 Johan 1:7

Tungaila Säthaw lä kaevang-a awng te kätyng mä-ai la kaevang-a awng nädylä, mä-ai lä lawng lawngtä tea rawijae sa ö te vi dy. Säthaw üng Cäpaw Isu üng äthi lä mä-ai üng hunghö angxynlyng na tea mäcai pang te vi dy.