Filipi 1:27 - Caekäcai Kangthae (Lemi)

²⁷ Nang ce lä Khrista üng Angthang Kähawi yng saite tähang kaebäla-a awng hethang lä tätang aely leng te vi. Tukätephüng-a nang ce tea kai aeting haw y kha hanglaw mang nang ce üng angthang thai te läsy, aeting haw y te läsy, nang ce lä bälung mangtä aedü kha aedaw ö haw te kai lä mäny vi ai. Nang ce angxynlyng Angthang Kähawi üng yng saite tähang phüng-a aethaw mangtä aesa ea aety ö näte kai lä mäny vi ai.

Asang Khongso New Testament

²⁷ Vaihi nangcae hanah lokpui ah kaom hmuen loa nangcae ih hingh tuinuenh to Khrih ih tamthang kahoih mah a nguek ih batiah oh hanah oh, topongah nangcae to kangqum o thai doehsoe, kangqum o thai ai doehsoe, amsakhaih ih maeto hoiah kacak ah nangdoet o moa tamthang kahoih taanghaih ih pongah palungthin maeto amhonghaih hoiah misatuk o nawn tito ka thaih han ka koeh.

Filipi 1:27 ပူးပေါင်းရင်းမြစ်များ

Ephesi 4:1

Areng üng kälu sa te phüng-a kai bung lä thawng thung-a pä-ung te vi. Säthaw ma nang ce bung ka te hai kaeteng-a nang ce lä kähawi-a awng hethang kai lä aesi aebai te vi.

1 Korin 1:10

Kai üng kangby jä-ai na ä, mä-ai üng Areng Isu Khrista ma kai tea äma üng aenae hai thui hethang py vi dy. Nang ce lä lawng lawngtä ae-e ö hethang kae y dy lyng. Kangkawng thung-a aetäphü hethang kae y vi dy. Nang ce lä bälung mangtä, dawng saite la mangtä awng ö lawi näkha kai lä nang ce tea mäci khü te vi dy.

2 Piter 3:14

Tukätephüng-a, kai üng bälung aevaw te tea yng saite kangby jä-ai na ä, nang ce lä hini angxynlyng na tea aering ö te phüng-a, cy y hethang, cai hethang Säthaw hai awngneng hethang aethawsa ö.

Kolosa 1:10

Tupyng dylä Areng üng ngai te kätyng awng hethang, Areng ma kawng hai hethang nang ce lä sa haw jawjaw ö ai. Nang ce lä hawi saite kälu angxynlyng na sa ö ai. Tukha nang ce lä Säthaw tea mäny te qawng-a mäny rae ö ai.

Judae 1:3

Ngai bärai saite äpy na ä, Säthaw lä mä-ai angxynlyng na bung aeqang saite phüng nang ce tea kai lä cae tärü hethang tengxyng y ngaiphi te vi dy. Honi jüng-a vaihi nang ce lä yng saite tea aedung hai hethang kai lä cae tärü kha mäci he ngai te vi. Säthaw lä äma üng khimi angxynlyng na tea yng saite kätüng qengtä ma dungtäsa tähang py te vi dy.

1 Thesalon 4:1

Kangkhüng-a lä yng saite kangby jä-ai na ä, nang ce lä Säthaw üng kängai-a makä sa kha awng ai mei näsaite phüng, kai ce lä mätu ö pyng te vi dy. Tätang khaw, nang ce lä hini kätyng awng ö te vi. Mä-ai lä Areng Isu hai bungtä te phüng-a, nang ce lä Säthaw üng kängai-a aeme aeqa rae hethang mäteng ma awng hethang kai ce lä vaihi aesi aebai kha mäci ö te vi.

Filipi 2:12

Hokä dylä kai üng yng saite rawijae na ä, kai hai awng te kätü-a nang ce lä kai lo tängai jawjaw te kätyng vaihi kai hai hanglaw ea la älo tängai hethang lä aely lengky rae te vi. Nang ce lä Säthaw tea käsawtho kha ri te hai ma nang ma ce üng aeqang saite cungrü hai hethang aethawsa ö jawjaw ba.

Filipi 3:18

Kai ma nang ce tea thui leilae pyng te vi dy. Vaihi kai lä minaw tui rui te hai-a thui haile be dy ba. Khrista üng thinglang qawng-a dü saite üng täre na kätyng-a sa ö mang te vi ba.

2 Korin 13:11

Kai üng kängby jä-ai na ä, kangkhüng üng cibai sa saite lo lä nang ce lä nawsaw hawi kha anghawtho ö sy. Cungrü hethang aethawsa ö. Kai ma nang ce tea thui pyng saite tea tängai ea bälung haetä awng kha awngneng te hai-a ma awng ö. Hini kätyng nang ce sa dylä, bälung aevaw te hai awngneng te käpy Kung, Areng Säthaw, lä nang ce hai mangtä awng ai.

Angtawtha 4:32

Käyng angxynlyng na lä bälung mangtä aedü kha awng ö vi. Ämi lawngtä la vyngsai angxynlyng na mäsai te awng y käla ma mangtä mäsung ö vi.

2 Piter 3:11

Hini kätyng ätete angxynlyng lä pra king vi ai te phüng-a, nang ce lä ätemakä sa kha awng hethang kae ö te mei. Nang ce üng hing saite angxynlyng lä cai kha Säthaw tea kawng hai hethang kae.

1 Korin 15:58

Tukätephüng-a, kai bälung aevaw saite kangby jä-ai na ä, yng te cakhi kha kätüng lang mang kätaw-a ly ö jawjaw lawi. Areng üng kälu tea anghawtho bärai te hai ma sa ö jawjaw ba. Areng tähang nang ce ma sa saite angxynlyng na lä aetütü y lyng näte nang ce lä mäny ö.

Pawlae ma Rom märü üng kangkawng tähang tärü saite cae 1:16

Kai lä Angthang Kähawi tähang aejae te y. Honi Angthang Kähawi yng saite angxynlyng na tea aeqang hethang lä Säthaw üng haidae vi. Honi Angthang Kähawi lä angcüky-a Judae khimi na tähang hai honi pyng-a lä ceng kälang khimi ce tähang by vi.

Jako 3:18

Khimi kälang na aede hai hethang sa saite na lä awngneng saite üng ämöti hi te khimi na kätyng vi. Äni ce lä cüng saite üng äthai na tea ae ö vi ai.

Filemon 1:5

Ätephüng-a mei nädylä nang lä Areng Isu tea yng te hai Säthaw üng khimi na tea la bälung aevaw näte thai te phüng-a vi.

Titas 2:10

Ingkung na te üng ätete cawngkhang na la bäru ö hang. Ingkung lä äma ce üng mawsawng na tea ae-y king haw hethang kae. Hokä mawsawng ma awng dylä äma üng ingkung lä mä-ai üng Aeqangkung Säthaw üng Angthang Kähawi tea tängai hethang ngai ai.

2 Timote 4:7

Kai lä kähawi-a aety pyng te vi dy. Aehui saite pawi-a la kai lä kangteng khytä aehui te khüng pyng te vi dy. Kai lä yng saite tea aekhaw khü te vi dy.

1 Timote 1:19

Nang lä käsi sa y näkha mäny te hai Khrista tea yng khi ba. Khimi phütä lä käsi kähawi mäny saite bälung tea khaisö ö te vi. Tukätephüng-a äni ce lä yng haw ö y vi dy.

1 Timote 1:11

Hini mätu saite kätüng lä cangxei saite Säthaw üng phung-ang phüng Angthang Kähawi hai mangtä aebäla te vi. Hini lä Säthaw ma kai tea sa hai saite kälu vi dy.

Angtawtha 2:46

Äni ce lä käni qütä Säthaw üng Ingkäcai käleng thung-a mangtä aeting ö dy. Tukha äni ce lä bälung mangtä kawng anghawtho te hai ma, äma ce üng ing-a Areng bö mangtä ca ö vi dy.

Mathai 12:25

Äni ce üng aedawng saite na Isu lä mäny kha äni ce tea “Pre haetä lä äma tea äma ma täre aety raw dylä, honi pre lä pra vi ai baw. Märü y dylä, engthung khaw üng khimi na lä lawng lawngtä aety raw vi dylä, hini ingthung lä aetäprei vi ai.

1 Thesalon 3:6

Timothe lä nang ce te üng hai vaihi ma kai ce tea tyng haile vi dy. Äni lä nang ce üng bälung aevaw saite hai yng saite phüng angthang na kai ce tea thui pyng te vi dy. Kai ce la nang ce hai aeting hethang tengxyng y ngai te kätyng, nang ce ma kai ce üng ämaw aedawng ö phi jawjaw te phüng na äni lä thui pyng te vi dy.

Kolosa 1:4

Ätephüng-a mei nädylä Isu Khrista tea nang ce üng yng saite hai-a Säthaw üng khimi angxynlyng na tea nang ce ma bälung aevaw saite na kai ni lä thai hawi te phüng-a vi.

Filipi 2:24

Kai ma khekhe lä qae y tea ma nang ce tea ly haw hethang Areng tea kai lä ae-y te vi.

Ephesi 1:15

Areng Isu tea nang ce üng yng saite hai Säthaw üng khimi angxynlyng na tea nang ce ma bälung aevaw saite phüng na kai ce lä thai vi dy.

Ephesi 1:13

Vaihi nang ce la aeqang saite Angthang Kähawi, lo mitang tea lä thai ö pyng te by vi dy. Nang ce lä Khrista tea yng kha äni hai bungtä awng ö te vi dy. Äni hai bungtä te phüng-a Säthaw lä älo aedo saite kätyng Muilaw Käcai bung nang ce tea py vi dy. Hini Muilaw Käcai lä nang ce tea Säthaw üng khimi vi näkha mätü saite äsäny vi dy.

Galati 1:7

Honi mätu saite lä Angthang Kähawi y vi. Khimi phütä na lä nang ce tea xhuxa hai kha Khrista üng Angthang Kähawi tea mäqa hethang ngai ö te vi.

2 Korin 9:13

Nang ce lä Khrista hai aesui vi näte nang ce üng kälu kähawi sa te hai-a mätü ö te vi. Honi hai-a khimi awng mang saite na ma Säthaw tea bälaw ö ai. Nang ce lä Khrista üng Angthang Kähawi thui te qaitä y, äni tea hui hethang ngai saite bälung la awng vi näte nang ce üng bäsai y käla khimi qütä tea py te hai-a mätü ö te vi.

2 Korin 4:4

Hini älawngpre tea pyng saite Setan lä yng y saite khimi na üng bälung kaedawng na tea ving hai pa te vi. Tukätephüng-a äni ce lä Khrista phüng Angthang Kähawi üng phung-ang aesang saite kaevang tea nung haw ö y. Khrista lä Säthaw hai aetawng khaw te vi.

Pawlae ma Rom märü üng kangkawng tähang tärü saite cae 15:29

Tukha nang ce tea kai tyng te kätü-a, Khrista ma py saite tähang kähawi awng mang saite na hai ly ai näte kai lä mäny vi.

Pawlae ma Rom märü üng kangkawng tähang tärü saite cae 15:16

Kai lä ceng kälang na tähang kälu sa hethang Khrista Isu üng mawsawng-a lawng vi dy. Säthaw ma kawng hai saite löci mawi käcai lawng hethang kai lä Säthaw üng Angthang Kähawi ceng kälang na tea thui hethang mäthykung lawngtä kätyng sa te vi dy. Muilaw Käcai lä honi na tea Säthaw tähang kälang khai pa te vi.

Pawlae ma Rom märü üng kangkawng tähang tärü saite cae 10:8

Tungaila Caekäcai thung-a lä, “Säthaw üng angthang lä nang ce teng-a awng te vi. Nang lä thui pyng te vi dy. Nang üng bälung thung-a la awng te vi” näkha awng vi. Honi angthang nang ce tea kai ce ma thui pa saite lä Säthaw tea nang ce lä ae-y hethang kae te vi.

Pawlae ma Rom märü üng kangkawng tähang tärü saite cae 1:9

Säthaw üng Cäpaw Angthang Kähawi thui te hai-a kai lä Säthaw üng kälu tea bälung mäke angxynlyng na hai sa te vi. Kai lä nang ce tea aedawng jawjaw kha aetang te vi näte Säthaw ma mäny khe te vi.

Pawlae ma Rom märü üng kangkawng tähang tärü saite cae 1:5

Honi Areng hai-a Säthaw ma kai lä Khrista tähang mawsawng sa kha angtawtha lawng hai hethang tähang kähawi py te vi dy. Ceng angxynlyng üng khimi na lä yng kha tängai ö hethang Säthaw lä kai tea Angthang Kähawi thui hai te vi.

Angtawtha 24:24

Käni qae te kätü-a aecörae mätawngky Feli lä äma üng nawngpui Drusila hai mangtä tyng hawi vi. Änawngpui lä Judae khimi vi. Feli ma Pawlae bung kähyng hai kha Isu Khrista tea yng saite phüng Pawlae thui te lo tängai vi dy.

Filipi 1:5

Ätephüng-a mei nädylä, nang ce lä Angthang Kähawi yng te käni üng hai vaini khytä, Angthang Kähawi hi saite kai tea säbawng ö te phüng-a vi.

Filipi 3:20

Tungaila mä-ai lä Känipre üng khimi na vi. Känipre mang mä-ai üng Aeqangkung Isu Khrista ly haile be ai näte tea aethang khai te hai aering ö te vi.

Filipi 4:1

Ngai bärai saite kangby jä-ai na ä, hini cae-a kai ma tärü pyng te kätyng aedawng kha nang ce lä Areng tea yng te cakhi jawjaw ö he kae. Kai üng kangby jä-ai na ä, nang ce lä kai üng bälung aevaw saite na hai aeting haile hethang ngai bärai saite na vi. Nang ce lä kai üng anghawtho te hai kai üng kälu tähang dang saite ävang käting na vi.