Filipi 1:20 - Caekäcai Kangthae (Lemi)

²⁰ Kai lä manila saerae te awng y lyng näkha aethang khai te vi. Kätü qütä vaihi üng hai dung jungtä kai lä aethaw hawi te hai hing ea läsy, dü ea läsy, Khrista üng phung-ang leng hai hethang aethang khai te vi.

Asang Khongso New Testament

²⁰ Ka koeh koek ih hoi ka oepdoeng ih loa ka tok hae ka pacoeng moa natuek tue ah doehsoe, lokpui koek ah vaihiah doehsoe, misahoihhaih hoiah koi moa ka hingh doehsoe, ka duek doehsoe, ka takbum boih hoiah Khrih hae khangzahaih paek thaih nahaeloa tihae ni.

Filipi 1:20 ပူးပေါင်းရင်းမြစ်များ

Johan 21:19

(Isu ma hini kätyng thui pa te lä, Peterae lä Säthaw üng phung-ang aetüng hai hethang ätemakä sa kha dü ai mei näte phüng thui rüng pa te vi.) Tupyng-a Isu ma Peterae tea “Kai leithung hui lawi” näkha näpa.

Angtawtha 20:24

Kai lä dü ea la, hing ea la, kai tähang aely leng y lyng. Tungaila Areng Isu ma sa hai hethang kai tea py saite kälu khüng haw hethang sa saite lä aely lengky te vi. Honi kälu lä, Säthaw üng tähang kähawi phüng-a, Angthang Kähawi thui hethang vi.

Angtawtha 21:13

Tungaila Pawlae ma “Nang ce lä ätephüng-a, hini kä raw kha kai tea bälungsi hai ö te vi mei. Kai lä Areng Isu tähang Jerusalem märü-a, aemäkhing hethang cang y, dü hethang mäteng ma, aerü rüng kha awng te vi” näkha mäthang pa.

Angtawtha 4:31

Äni ce aetang pyng ea äni ce awng saite mityng aehüng pa vi. Äni ce angxynlyng Muilaw Käcai hai kawi kha Säthaw üng älo thui vawng ö phi vi dy.

Pawlae ma Rom märü üng kangkawng tähang tärü saite cae 12:1

Tukä dylä kai üng kangby jä-ai na ä, Säthaw lä mä-ai tea tengxyng y bäheng te phüng-a kai lä nang ce tea mäci hethang ngai te vi. Hing saite löci mawi kätyng nang ma ce ma Säthaw tea ae-a ö. Äni üng kälu sa hethang hai äni tea kawng hai hethang la ae-a ö. Hini nang ce üng ae-a saite lä Säthaw tea cäphaw tätang te vi.

Pawlae ma Rom märü üng kangkawng tähang tärü saite cae 5:5

Mä-ai lä aethang khai saite awng te phüng-a aethawsi ö te y. Ätephüng-a mei nädylä Säthaw ma mä-ai tea py saite Muilaw Käcai hai-a mä-ai üng bälung thung-a äni üng bälung aevaw saite mäkawi pa te phüng-a vi dy.

Pawlae ma Rom märü üng kangkawng tähang tärü saite cae 6:13

Nang ce üng ätabung kaepreng na tea käsi sa hethang a ö hang. Honi jüng-a kädü thung üng nang ce bung mäning haile tyng pa saite Säthaw tea nang ma ce bung ae-a ö. Käcüng sa hethang nang ce üng ätabung kaepreng na lä äni tea a ö.

Pawlae ma Rom märü üng kangkawng tähang tärü saite cae 6:19

Nang ce lä Säthaw üng phüng mäny y saite na awng mang te phüng-a khimi ce üng thaikaw saite lo hai kai lä thui ai. Jangni-a nang ce lä käsi na hai cai y saite na üng mawsawng na kätyng ae-a vai te phüng-a, hunghö sa rae sa rae ö te vi dy. Honi kätyng vaihi nang ce lä cüng saite üng mawsawng na lawng hethang nang ma ce bung Säthaw tea ae-a kha cai rae cai rae hethang kae.

Pawlae ma Rom märü üng kangkawng tähang tärü saite cae 8:19

Säthaw ma sa saite käni, älawng hai khöteng täki angxynlyng lä Säthaw ma aetüng hethang äma üng caw nade na tea tengxyng y aedawng rawng ö te vi.

Pawlae ma Rom märü üng kangkawng tähang tärü saite cae 9:33

Honi kätyng Säthaw lä Caekäcai thung-a, “Tängai ö. Khimi ce lä mäthui khy kha aetüng hai saite kälung tea Zaion märü-a kai lä khai vi ai. Honi kälung tea khimi ce lä mäthui khy kha täbakhu hai ö vi ai. Tungaila äni tea yng saite khimi lä manila aethawsi ö y vi ai” näkha awng te vi.

1 Korin 15:31

Kangby jä-ai na ä, kai lä käni qütä dü saite hai aeting te vi. Nang ce lä mä-ai üng Areng Isu Khrista hai bungtä te phüng-a, kai lä hini kä thui te vi.

1 Korin 6:20

Säthaw lä nang ce bung ävang py kha rang te vi dy. Tukätephüng-a nang ce lä Säthaw üng phung-ang leng hethang nang ma ce üng ätabung tea tawng ö hethang kae.

1 Korin 7:34

Tukätephüng-a äni üng bälung lä phü netä awng te vi. Ingthawng sa y saite nawngmädi, y dylä anglaw lä Areng üng kälu sa saite phüng xyng dawng te vi. Äni lä Areng hai aesui king kha cai hethang ngai te vi. Ingthawng sa saite nawngmädi lä käni qütä änawngpui hai caw nade na tähang aely ngai saite phüng dawng hethang kae te by vi. Äni lä änawngpaw üng bälung kawng hai hethang la ngai te vi.

2 Korin 10:8

Kai lä Areng ma py saite aenae phüng qengtä cang y aethaw dylä, saerae te y vi. Säthaw lä nang ce üng yng saite cakhi hai hethang kai ce tea aenae py vi dy. Honi aenae lä nang ce üng yng saite aethawdi hai hethang y vi.

2 Korin 3:12

Mä-ai lä älo aenai saite kangthae lä awng jawjaw ai näkha aethang khai te phüng-a, thui vawng ö te vi.

2 Korin 4:10

Khimi ce ma Isu bung bädü te kätyng, kai ce la kätü qütä-a dü saite hai aenai ö te by vi. Hini kätyng khimi angxynlyng na lä kai ce hai-a Isu lä hing vi näte mäny haw ö te vi.

2 Korin 5:15

Khrista lä khimi angxynlyng na tähang dü pa te vi dy. Tukätephüng-a hing saite kangthae dang te khimi angxynlyng na lä äma ce üng tähang hing hethang kae te y vi dy. Äni ce tähang dü pa saite hai Säthaw ma mäning haile tyng saite Areng üng tähang, hing pa hethang lä aeteng khaw ö te vi.

2 Korin 7:14

Kai lä nang ce üng phüng-a Tita tea aethaw jawjaw te vi dy. Hini aethaw te phüng-a, nang ce lä kai ce tea saerae hai ö te y. Kai ce lä nang ce tea kätü qütä lo mitang thui pyng ö te vi dy. Hini kätyng Tita tea kai ce lä aethaw kha thui pyng saite na la tätang khaw vi.

2 Korin 7:4

Kai lä nang ce tea bälung ae-y phi kha nang ce phüng tengxyng y aethaw te vi. Mätang bälai saite aeting te kätü-a, nang ce ma kai ce tea aethaw py kha tengxyng y anghawtho te vi.

Filipi 1:14

Areng tea yng saite känawiky na ma lä kai thawng-a awng te phüng-a aethaw dang ö kha Khrista phüng khimi ce tea thui ö vawng rae pa vi dy.

Filipi 2:17

Nang ce üng yng te lä Säthaw tea löci aesa saite kätyng vi. Khimi ce ma kai bung bädü daila awng ai. Kai üng dü saite lä nang ce üng löci aesa te qawng-a bälawng saite Cäpje thai tui kätyng aelawng haw vi ai. Hini kätyng vi dylä kai lä kawng anghawtho vi ai. Kai lä nang ce angxynlyng hai mangtä kawng anghawtho vi ai.

Kolosa 1:24

Nang ce tähang mätang bälai saite phüng-a vaihi kai lä anghawtho te vi. Khrista lä kai bung mätang bälai hai he ngai te angxynlyng na tähang-a kai lä aerü rüng te vi dy. Khrista üng ätabung kätyng awng saite kangkawng tähang mätang saite tea äma üng aely kängai cungrü hai hethang kai lä mätang te vi.

1 Thesalon 5:23

Awngneng te käpy Kung, Säthaw, lä nang ce te üng hing saite tea cai hai kha cungrü hai king vi ai. Mä-ai üng Areng Isu Khrista ly haile tyng te kätü khytä, nang ce tea cy y hethang Säthaw lä nang ce üng bälung hai hing saite ätabung na tea kähawi-a rui hethang kai lä aetang te vi.

1 Piter 4:16

Tungaila nang ce lä Khristen lawng te phüng-a, mätang bälaica dylä, saerae ö hang. Nang ce lä Khrista üng ämüng awng te phüng-a, Säthaw tea bälaw ö.

1 Johan 2:28

Kai üng bälung aevaw saite caw nade na ä, Khrista hai bungtä awng jawjaw ö ba. Hokä dylä Khrista ly haile tyng te käni-a, mä-ai lä äni üng maw-a ri hethang hai saerae hethang la ngai y dy lyng.