Filipi 1:13 - Caekäcai Kangthae (Lemi)

¹³ Tukätephüng-a kai lä Khrista üng mawsawng lawng te phüng-a, thawng-a awng näte sanphrang ing bung rui saite reisae angxynlyng na hai khimi qütä ma lä mäny ö bawi te vi.

Asang Khongso New Testament

¹³ Hi hmuen pongah sangpahrang im congkungnawk boih hoi hi ih kaom mi kalahnawk boih mah Khrih ih tamtoeh ah ka oh pongah thongim thungah ka oh to panoek o.

Filipi 1:13 ပူးပေါင်းရင်းမြစ်များ

Angtawtha 26:29

Pawlae ma “Kätü dawi te, sa te lä aely leng y lyng. Sanphrang, nang hai vaini mangtä kai thui te lo tängai saite khimi angxynlyng na lä kai kätyng awng king by hethang Säthaw tea kai lä aetang te vi. Tungaila nang ce tea kai bung mäkhing te kätyng awng hai hethang lä ngai te y vi” näpa.

Angtawtha 26:31

Äni ce lä honi mityng üng ly ja pyng ea lä “Äni lä dü hethang hai thawng thung-a pä-ung hethang khytä, sa tämang saite haetä lä awng te y” näkha äma ce tingtawi aethui ö vi dy.

Angtawtha 28:17

Käni thungtä qae pyng ea Pawlae ma Judae mätawngky na bung kähyng vi dy. Äni ce lä aekäcö qu ea Pawlae ma “Kangby jä-ai na ä, kai lä mä-ai üng khimi na tea hai, kangsi na üng reitae tea äte haetä la sa tämang te awng y. Tungaila Judae khimi na lä Jerusalem märü-a kai bung ne kha Rom khimi na tea a ö te vi dy.

Angtawtha 28:20

Tukha nang ce hai aeting kha älo thui hethang kai lä mäkai te vi dy. Kai tea hini singqy rui hai mäkhing te lä, Isrelae khimi na aethang khai saite Mesia phüng-a vi” näpa.

Angtawtha 28:30

Pawlae lä honi märü-a äma vanglang saite ing-a säning netä awng vi dy. Äma üng ing-a ly saite khimi angxynlyng na tea kähawi-a lady pa vi dy.

Ephesi 3:1

Tukätephüng-a ceng kälang na tea Isu Khrista üng Angthang Kähawi thui te phüng-a thawng thung-a pä-ung saite kai, Pawlae, lä nang ce tähang aetang pa dy.

Ephesi 4:1

Areng üng kälu sa te phüng-a kai bung lä thawng thung-a pä-ung te vi. Säthaw ma nang ce bung ka te hai kaeteng-a nang ce lä kähawi-a awng hethang kai lä aesi aebai te vi.

Ephesi 6:20

Kai lä Angthang Kähawi thui hethang Isu Khrista ma re saite angtawtha lawngtä vi. Hini kätyng sa te phüng-a kai bung lä thawng thung-a pä-ung te vi. Angthang Kähawi tea ri y käla ma thui he kae te kätyng thui haw hethang kai tähang Säthaw tea aetang pa ö jo.

Filipi 1:30

Kai lä Angthang Kähawi tähang täre aety te phüng nang ce lä nung vai ö te vi. Vaihi la kai lä täre aety jawjaw te phüng, nang ce lä thai ö te vi. Vaihi nang ce la honi täre aety te thung-a qa ö te by vi dy.

Filipi 1:7

Nang ce tea kai lä tengxyng y bälung aevaw te vi. Tukätephüng-a nang ce angxynlyng üng phüng hikä bälung dawng hethang kai tähang lä aesyng khaw te vi. Ätephüng-a mei nädylä vaihi kai lä thawng thung-a awng te kätü-a läsy, aelawi te kätü-a läsy, Angthang Kähawi kätüng thui mäcai hethang läsy, nang ce angxynlyng lä kai hai mangtä Säthaw üng tähang kähawi na thung-a qa ö te vi dy.

Filipi 4:22

Hi-a awng saite Säthaw üng khimi angxynlyng na ma nang ce tea cibai sa te lo na thui ö by. Sica sanphrang ing-a awng saite mawsawng na ma la tengxyng y cibai sa te lo na thui ö by vi dy.

2 Timote 2:9

Hini Angthang Kähawi mätu te phüng-a, kai lä mätang bälai hai te vi. Käsi sa saite khimi lawngtä kätyng thawng thung-a singqy rui na hai mäteng ma kai tea khimi ce lä mäkhing te vi. Tungaila Säthaw üng lo tea lä ämi ma la mäkhing haw y lyng.