Filipi 1:10 - Caekäcai Kangthae (Lemi)

¹⁰ Tukätephüng-a nang ce lä kähawiky saite re haw ö ai. Tukha Khrista tyng haile saite käni-a, nang ce lä cai kha khimi ce ma cy haw ö y ai mang.

Asang Khongso New Testament

¹⁰ Tona-ah ni kahoih koek to na qoi o thai tih. Topacoengah Khrih Ni ah to thoengcaihaih ai hoi coekhaih ih boiboih thung hoitoah na loih o thaih tih.

Filipi 1:10 ပူးပေါင်းရင်းမြစ်များ

Mathai 16:23

Isu lä aehawi kha Peterae tea “Nang lä Setan angra kätyng älo thui te kae vi. Kai te üng aehi la. Nang lä kai tea sa tälokhei te vi. Nang lä Säthaw kätyng aedawng y käla khimi ce kätyng aedawng te kae vi” näkha näpa.

Mathai 26:33

Peterae ma Isu tea “Khimi kälang angxynlyng na ma nang bung khaisö ngaila kai lä manila nang bung khaisö y lyng” näkha näpa.

Johan 1:47

Isu lä Nathanela ly te nung ea “Kaeling sa vai y saite Isrelae khimi mitang vi” näpa.

Johan 3:20

Hunghö sa saite khimi angxynlyng na lä kaevang tea esäre ö te vi. Äma ce üng hawi y sa te na aetüng y hethang äni ce lä kaevang teng-a ly he ngai y.

Angtawtha 24:16

Tukätephüng-a kai lä Säthaw hai khimi ce maw-a, bälung käcai-a awng hethang käni qütä aethaw aesa kha awng te vi.

Pawlae ma Rom märü üng kangkawng tähang tärü saite cae 12:2

Nang ce lä hini älawngpre-a awng saite khimi üng reitae kätyng hing jawjaw ö hang. Nang ce lä mä-ai ma üng bälung kaedawng tea Säthaw ma mäqa king te hai-a äni ce ma nang ce tea kangthae lawng hai sy. Hokä dylä hawi saite na, Areng üng bälung-a kawng hai saite na näte Säthaw üng cungrü saite aely kängai lä mani mei näte tea nang ce lä mäny haw ö vi ai.

Pawlae ma Rom märü üng kangkawng tähang tärü saite cae 12:9

Nang ce üng bälung aevaw saite lä käjüng sa hethang kae y. Hawi y saite na tea lä esäre kha hawi saite tea lä aekhaw ceng ö.

Pawlae ma Rom märü üng kangkawng tähang tärü saite cae 16:17

Kai üng kangby jä-ai na ä, nang ce tea täphü hethang sa saite khimi tea sädi khai hethang kai lä mäci te vi. Khristen na üng yng saite tea täphra hethang äni ce lä sa ö te vi. Nang ce üng aetu saite na tea elekhei sa kha nang ce tea tämang saite mätu te tea nang ce lä sädi khai ö. Äni ce hai lä kangby jä-ai aesa ö hang.

Pawlae ma Rom märü üng kangkawng tähang tärü saite cae 2:18

Säthaw ma nang ce tea sa hai hethang ngai saite nang ce lä mäny ö vi. Ubädi lä nang ce tea kätüng hai kätüng y tea mäny haw hethang mätu te vi dy.

Pawlae ma Rom märü üng kangkawng tähang tärü saite cae 7:16

Kai ma sa hethang ngai y saite tea kai lä sa te vi dy. Tudylä Ubädi lä tüng vi näte kai lä bälung aedü te vi.

Pawlae ma Rom märü üng kangkawng tähang tärü saite cae 7:22

Säthaw üng Ubädi lä kai üng bälung tea kawng hai te vi.

Pawlae ma Rom märü üng kangkawng tähang tärü saite cae 8:7

Ngaiphi tüng y saite ma pyng saite khimi lä Säthaw üng täre na vi. Äni ce lä Säthaw üng Ubädi tea tängai ö y. Äni ce lä tätang tängai ö haw y te vi.

1 Korin 1:8

Kangteng khytä yng te cakhi haw hethang nang ce tea Säthaw lä säbawng vi ai. Tukätephüng-a mä-ai üng Areng Isu Khrista tyng haile te kätü-a lä, ämi lawngtä ma la nang ce tea hunghö awng näkha cy haw y vi ai.

1 Korin 10:32

Nang ce lä Judae khimi na, Ceng kälang na, Khristen kangkawng üng khimi na ma hunghö sa hai y hethang-a awng ö ba.

1 Korin 8:13

Tukätephüng-a kai üng ca saite, yng saite hai-a kai üng kangby jä-ai tea hunghö sa hai vi dylä, kai lä manila ängang ca haile tyng y vi ai. Tudylä yng saite na lä hunghö sa hai ö y vi ai.

2 Korin 1:12

Kai ce lä hini phüng aethaw ö te vi. Hini älawngpre-a Säthaw ma py saite käcai hai tüng saite na kai ce lä awng näte kai ma ce üng käsi kähawi sa saite bälung ma thui te vi dy. Nang ce hai mangtä awng khaw te thüng-a ämi lawngtä ma la cy haw y hethang kai ce lä sädi khai ö te vi. Tungaila kai ce lä hini tea khimi ce üng bälunghae saite hai-a sa ö te y. Säthaw üng tähang kähawi hai-a sa ö te vi dy.

2 Korin 2:17

Khimi awng mang saite na lä ävang dang hai hethang Säthaw üng lo thui ö te vi. Mä-ai lä hini khimi ce kätyng y. Säthaw ma mä-ai bung mätaw te phüng-a, mä-ai lä Säthaw üng maw-a bälung mitang khaw hai Khrista üng Angthang thui ö te vi.

2 Korin 6:3

Kai ce lä khimi ce ma hunghö sa kha Angthang Kähawi tea tängai y hethang äte la sa ö te y. Ätephüng-a mei nädylä kai ce tea Säthaw ma py saite kälu phüng khimi ce ma käsi thui hai hethang ngai ö te y vi.

2 Korin 8:8

Kai lä nang ce tea särilo thui y ngaila, yng saite khimi kälang na üng säbawng hethang aethaw awng saite mätü te hai-a nang ce üng bälung aevaw saite lä tätang mei, tätang y mei, näte mäny hai hethang nang ce tea käny te vi.

Galati 5:11

Yng saite kangby jä-ai na ä, khimi ce lä lengkhüng täke hethang kae näkha kai thui dylä, ätephüng-a kai tea vaihi khytä khimi ce lä sakälö khü ö te vi mei. Khrista lä thinglang qawng-a dü te hai-a aeqang saite dang te phüng thui te jüng-a, khimi ce lä lengkhüng täke hethang kae näkha kai thui vi dylä, Judae khimi na ma kai tea lä elekhei sa y dy lyng.

Ephesi 4:15

Hini jüng-a, mä-ai lä bälung aevaw te hai lo mitang tea thui te hai-a, mä-ai lä äte angxynlyng na-a Khrista kätyng aetawng rae kha ryng ö ai. Khrista lä kangkawng üng älö vi.

Ephesi 5:10

Säthaw üng kawng hai saite na äte mei näte tea lä aetu ö.

Ephesi 5:27

Areng lä äma üng kangkawng tähang dü pa te vi dy. Tukätephüng-a äni lä äma üng kangkawng angxynlyng na tea ämaw äcae hawi hai bawi kha äma üng maw-a nähai bawi haw te vi dy. Hikä sa te phüng-a äma üng kangkawng lä khimi üng mimai kätyng aeje te, pawprae te la awng y vi ai dy. Honi kangkawng lä caiping kha cungrü bawi vi ai.

Ephesi 6:24

Manila bynglei y saite bälung aevaw te hai-a, mä-ai üng Areng Isu Khrista bung bälung aevaw saite, nang ce angxynlyng na qawng-a Säthaw üng tähang kähawi lä tyng sy.

Filipi 1:16

Kai tea bälung aevaw ö te phüng-a thui ö dy. Kai lä Angthang Kähawi tea aekung hai hethang Säthaw lä kai bung thawng thung-a khai te äni ce lä mäny ö vi.

Filipi 1:6

Nang ce thung-a hini kälu kähawi aetawng hai saite Säthaw lä Isu Khrista ly haile te käni tyng y rytä, hini kälu tea khüng rung khytä sa vi ai näte kai lä ae-y khü te vi.

Filipi 2:16

Nang ce lä khimi ce tea dungtäsa hing saite angthang thui pa ö. Nang ce hini kätyng cai ö dylä, Khrista ly haile saite Käni-a lä kai la aethaw haw vi ai. Ätephüng-a mei nädylä kai aethawsa kha sa saite lä aetütü y näte nang ce ma mätü ö vi ai.

1 Thesalon 3:13

Säthaw ma nang ce tea bälung cakhi saite aethaw py sy. Tudylä mä-ai üng Areng Isu Khrista hai äni tea yng saite angxynlyng na mangtä ly haile te kätü-a, nang ce lä mä-ai üng Pä-ai Säthaw üng maw-a caiping kha cy nae awng ö y vi ai. Amen.

1 Thesalon 5:21

Hini jüng-a äte angxynlyng phüng na tea lä käny kha hawi saite na tea lä süng ö khü ba.

1 Thesalon 5:23

Awngneng te käpy Kung, Säthaw, lä nang ce te üng hing saite tea cai hai kha cungrü hai king vi ai. Mä-ai üng Areng Isu Khrista ly haile tyng te kätü khytä, nang ce tea cy y hethang Säthaw lä nang ce üng bälung hai hing saite ätabung na tea kähawi-a rui hethang kai lä aetang te vi.

1 Johan 4:1

Kai üng bälung aevaw saite rawijae na ä, Säthaw üng Muilaw lä kai tea awng näsaite khimi qütä üng älo na tea lä yng ö hang. Khimi lawngtä lä Säthaw üng Muilaw hai thui mei, thui y mei näte tea mäny hethang nang ce lä kähawi-a aedawng khü kha säny hethang kae ö te vi. Buisaw kaeling awng mang saite na lä älawngpre mityng qütä-a tyng kha awng ö te phüng-a vi dy.

Lokphong 2:2

Nang ce sa saite na tea kai lä mäny vi. Nang ce aethaw rae kha sa saite hai, änawngsa te na tea kai lä mäny. Hunghö sa saite khimi na tea bälungsa haw y te hai, angtawtha na y käla ma angtawtha na kätyng thui saite na tea käny kha äni ce lä khimi kaeling kaemae na vi näkha aeting saite na kai lä mäny vi.