Ephesi 6:12 - Caekäcai Kangthae (Lemi)

¹² Mä-ai lä khimi ce hai täre aety ö te y. Käni khösang üng haidae hai aenae awng saite angra na, hini älawng käving pre tea pyng saite angra käleng na, älawng qawng-a aenae awng saite na hai täre aety ö te vi.

Asang Khongso New Testament

¹² Kawmawtiah aicae loa kami misa hae tuh o ai moa van ih kaom pakhra kasae tharahhaih ihnawk, ukkungnawk, akaatawn kungnawk hoi hi kaving dung ih longnui tharahhaih ihnawk to ni tuk o.

Ephesi 6:12 ပူးပေါင်းရင်းမြစ်များ

Mathai 16:17

Isu ma äni tea “Jonae üng cäpaw Simon ä, nang lä tähang hawi. Makäte phüng-a mei nädylä hini kätüng phüng lä khimi ma nang tea mätu te y, Känipre-a Kai üng Pä-ai ma nang tea mäny hai te vi.

Marka 4:19

Tungaila äni ce lä bälung mawng saite, tawngnang saite hai mä-ai ma üng kängai saite na phüng-a yng saite lä ryng haw ö y te vi. Säthaw üng lo tea lä bäja te phüng-a äthai lä aethai haw pa y dy.

Luka 13:24

Tukha Isu ma äni ce tea “Kätho kaecei mang kung hethang nang ce lä aethaw aesa ö. Tängai ö. Khimi märaw y na lä kätho kaecei mang hai Säthaw üng pre-a kung hethang aethaw aesa ö vi ai. Tungaila äni ce lä kung haw ö y lyng.

Luka 22:53

Kai lä käni qütä Säthaw üng Ingkäcai baesung thung-a nang ce hai mangtä awng ea lä kai bung ne ö y be. Tungaila vaihi lä nang ce üng kätü kha Setan angra ma pyng saite kätü vi dy” näpa.

Johan 12:31

Vaihi ma älawngpre üng khimi na tea tärae cei he kätü lä tyng te dy. Säthaw ma hini älawngpre tea pyng saite Setan angra bung lä mäthoja vi ai.

Johan 14:30

Älawngpre bung pyng saite Setan angra lä, ly sälö te phüng-a, Kai lä nang ce hai älo awng mang-a aepe haw y ai dy. Äni lä kai tea bäja haw y lyng.

Johan 16:11

Säthaw lä älawngpre bung pyng saite Setan angra tea tärae cei pyng te phüng-a, äni ce lä tärae cei te phüng aedawng te tämang ö vi.

Angtawtha 26:18

Nang lä ceng kälang khimi na üng ämi tea aevang hai pa he kae. Äni ce bung käving thung üng hai kaevang mang-a aekö hai lawi. Tukha Setan angra üng haidae thung üng hai Säthaw te mang-a, tyng hai hethang kae. Äni ce lä kai tea yng te phüng-a, Säthaw ma äni ce üng hunghö na bälawi pa ai. Säthaw ma re saite khimi na thung-a, awng haw hethang mityng py ai. Hini kä aelawng hethang kai lä nang bung mätaw te vi.’

Pawlae ma Rom märü üng kangkawng tähang tärü saite cae 8:38

Ätephüng-a mei nädylä, mä-ai bung Khrista üng bälung aevaw saite üng äte haetä hai la täprei haw y lyng näte tea kai lä yng khü te vi. Dü saite, hing saite, Känipre üng angtawtha saite na, Käni khösang üng pyng saite angra na, haidae awng saite na, vaihi awng saite ätete na, vaimaw mang-a tyng hethang awng saite ätete na la Khrista ma bälung aevaw saite thung üng mä-ai tea täprei ja ö haw y lyng.

1 Korin 15:50

Kangby jä-ai na ä, kai thui hethang ngai te lä, äthi ängang awng saite ätabung la Säthaw üng pyng saite pre thung-a qa haw y. Rawng saite ätabung lä dungtäsa hing te dang haw y lyng.

2 Korin 11:14

Äni ce sa saite na lä cangxei hethang awng te y. Setan angra äma lä Känipre kaevang üng angtawtha lawng hethang käjüng aesa te vi dy.

2 Korin 4:4

Hini älawngpre tea pyng saite Setan lä yng y saite khimi na üng bälung kaedawng na tea ving hai pa te vi. Tukätephüng-a äni ce lä Khrista phüng Angthang Kähawi üng phung-ang aesang saite kaevang tea nung haw ö y. Khrista lä Säthaw hai aetawng khaw te vi.

Galati 1:16

Kai lä khimi ceng kälang na tea Khrista üng Angthang Kähawi thui hethang Säthaw lä äma üng Cäpaw bung aetüng hai pa vi dy. Honi kätü-a, kai lä ämi hai la älo aedüng aethui te y lyng.

Ephesi 1:21

Haidae leng saite angra na hai Säthaw üng angtawtha angxynlyng na qawng-a lä aesangky saite Khrista ma pyng te vi dy. Äni üng ämüng lä haidae awng te sanphrang hai mätawngky angxynlyng na üng ämüng na qawng-a lengky vi. Vaihi pyng te mätawngky na tea qaitä cang y, vaimaw mang üng mätawngky na qawng-a la äni üng aenae lä lengky vi.

Ephesi 1:3

Mä-ai üng Areng Isu Khrista üng Pä-ai Säthaw tea bälaw ö si. Äni lä Khrista hai-a mä-ai tähang Känipre-a Muilaw Käcai aesui saite üng tähang kähawi angxynlyng na py vi.

Ephesi 2:2

Nang ce lä hini älawngpre üng khimi na kätyng hunghö sa ö te vi dy. Khösang-a awng kha haidae awng te angra na bung pyng saite Setan angra tea hui ö vi dy. Hini Setan angra lä Säthaw lo tängai y saite khimi na bung hawi y saite mang-a bähawi jawjaw vi.

Ephesi 3:10

Hikä sa saite lä Säthaw üng cangxei te bälung kähae na tea vaihi lä yng saite kangkawng hai-a käni khösang-a haidae leng saite angra na hai angtawtha angxynlyng na tea mäny hai pa hethang vi dy.

Kolosa 1:13

Säthaw lä mä-ai bung käving ma pyng saite thung üng aeqang te vi dy. Äni lä mä-ai bung äma üng bälung aevaw saite Äcäpaw üng pre thung-a nähai ö vi dy.

Kolosa 2:15

Säthaw lä phung-ang leng saite angra na tea Khrista üng thinglang hai-a bäja te tea Känipre üng angtawtha na hai khimi ce maw-a mätü pa vi dy.

2 Timote 2:5

Honi kätyng-a, khimi lawngtä lä aehui te pawi-a qa dylä, honi aehui saite pawi üng älang na tängai y dylä, äni lä bäja saite ävang käting dang haw y lyng.

Hebrai 12:1

Mä-ai üng yng saite tea nung khe saite khimipui na lä mä-ai tea sävenglü kha awng ö vi. Mä-ai lä aehui kha aepreng saite khimi na kätyng vi. Tukätephüng-a mä-ai tea aebiceng saite hunghö na tea lä khaisö ö si. Mä-ai ämaw üng lolang-a aethawsa kha aehui ö si dy.

Hebrai 12:4

Vaihi khytä hunghö sa saite khimi na lä nang ce tea elekhei sa kha täre aety te kätü-a, nang ce lä dü saite hai aeting ö y vi ai.

1 Piter 3:22

Khrista lä Känipre-a paw kha Säthaw üng bangtang mang-a aety vi. Äni lä Känipre üng angtawtha na, Känipre-a awng saite haidae hai, aenae angxynlyng na tea pyng te vi dy.