Ephesi 5:9 - Caekäcai Kangthae (Lemi)

⁹ Ätephüng-a mei nädylä, nang ce thung-a awng saite kaevang lä nang ce tea hawi saite na, cüng saite na hai mitang khaw saite na sa hai ö te vi.

Asang Khongso New Testament

⁹ kawmawtiah hoihhaih cungri, toenghaih cungri hoi loktang lok cungri ka tacawtsakkung loa aanghaih ih hae ni.

Ephesi 5:9 ပူးပေါင်းရင်းမြစ်များ

Mathai 3:8

Nang ce lä tüng saite kälu sa te hai-a ae-ui tätang näte mätü mang re.

Johan 1:47

Isu lä Nathanela ly te nung ea “Kaeling sa vai y saite Isrelae khimi mitang vi” näpa.

Pawlae ma Rom märü üng kangkawng tähang tärü saite cae 15:14

Kai üng kangby jä-ai na ä, nang ce lä hawi saite na hai bälunghae saite angxynlyng na awng näte kai lä ae-y khü te vi. Nang ce lä nang ma ce tingtawi aemätu haw ö te vi.

Pawlae ma Rom märü üng kangkawng tähang tärü saite cae 2:4

Nang lä Säthaw üng bälung hawi saite käleng, khung saite hai änawngsa saite na tea mäthi y te vi. Säthaw lä nang ce tea bälung hawi te vi. Ätephüng-a mei nädylä äni lä nang ce tea ae-ui hethang ngai hai te vi. Honi tea nang ce lä mäny khaw te vi.

Ephesi 4:15

Hini jüng-a, mä-ai lä bälung aevaw te hai lo mitang tea thui te hai-a, mä-ai lä äte angxynlyng na-a Khrista kätyng aetawng rae kha ryng ö ai. Khrista lä kangkawng üng älö vi.

Ephesi 4:25

Tukätephüng-a nang ce lä ätete kaeling kaemae na jangni üng kätyng-a thui ö vi hang lawi. Mä-ai lä ätabung haetä üng kaepreng na kätyng vi te phüng-a, mä-ai angxynlyng na lä mä-ai ma üng yng saite rawijae na tea lo mitang xyng ni thui ö hethang kae.

Ephesi 6:14

Tukätephüng-a nang ce lä aedung hethang aerü kha awng ö rüng. Säthaw üng lo mitang lä khabai hai aetawng vi. Honi hai angkeng tea kähawi-a aekheng ö ba. Säthaw üng cüng saite lä tatärang-a aedung hai saite süng kä-o kätyng vi. Honi tea nang ce lä aelawng ö.

Filipi 1:11

Isu Khrista ma nang ce tea cüng hai te phüng-a, nang ce lä kälu kähawi na sa haw ö vi ai. Tukätephüng-a khimi ce lä Säthaw üng phung-ang tea bälaw ö ai.

Kolosa 3:18

Nawngpui na ä, nang ma ce üng nawngpaw na ma pyng saite täkui-a awng kha thui saite lo tea tängai ö. Areng Isu üng äkähui na lä hini kätyng sa hethang kae.

1 Timote 6:11

Säthaw tea yng saite Timothe ä, nang lä Säthaw hai aesui te vi. Tukätephüng-a nang lä honi angxynlyng na tea aehi ba. Tukha käcüng saite, Säthaw üng kängai-a awng saite, yng saite, bälung aevaw saite, änawngsa saite hai bälung kähawi awng hethang nang lä aethaw aesa ba.

Hebrai 1:8

Tungaila Äcäpaw phüng äni ma thui te lä, “Säthaw ä, nang üng pyng saite pre lä dungtäsa awng jawjaw vi ai. Nang lä nang ma üng khimi na tea cüng saite hai pyng te vi.

Hebrai 11:33

Äni ce lä yng te hai-a pre na tea täre aety kha bäja haw ö vi dy. Äni ce lä tüng saite na sa kha Säthaw üng aedo saite na dang ö vi dy. Äni ce lä xangsi täkai täbawng tea pä-üng pa te vi dy.

1 Johan 2:29

Khrista lä cüng vi näsaite tea nang ce lä mäny ö vi. Tukätephüng-a kätüng-a sa saite khimi angxynlyng na lä äni üng caw nade na näte nang ce lä mäny ö haw te vi.

3 Johan 1:11

Kai üng bälung aevaw saite äpy ä, hawi y sa saite khimi na üng kätyng täthei-a lä aetu hang. Tungaila kähawi sa saite khimi kätyng täthei-a lä aetu ba. Kähawi sa saite lawngtä lä Säthaw üng caw nade vi. Kähawi y sa saite lawngtä lä Säthaw bung mäny te y.