Ephesi 5:6 - Caekäcai Kangthae (Lemi)

⁶ Älo pawngpang na hai-a nang ce tea kaeling kaemae sa te na tea lä yng ö hang. Äqawng-a thui saite na kätyng hunghö na sa te phüng-a, Säthaw ma äma üng lo tängai y saite na tea lä qae y tea ma dengpy vi ai.

Asang Khongso New Testament

⁶ Mimah doeh atho kaom ai lok hoiah na ling o hmah na soe; ahi hmuennawk pongah Sithaw palungphuihaih ih loa a lok tahngai ai kaminawk nuiah to pha tih.

Ephesi 5:6 ပူးပေါင်းရင်းမြစ်များ

Mathai 24:24

Mesia käjüng aesa saite hai buisaw käjüng aesa saite na tho kha cangxei saite na hai kamarae na mätü ö vi ai. Äni ce sa haw dylä, Säthaw ma re saite khimi na tea mäteng ma yng te tämang rung khytä sa vi ai.

Mathai 24:4

Isu ma äni ce tea “Nang ce tea ämi ma kaeling kaemae sa y hethang aerü rüng kha awng ö.

Marka 13:22

Mesia käjüng aesa saite hai buisaw käjüng aesa saite na tho kha cangxei saite na hai kamarae na mätü ö vi ai. Äni ce sa haw dylä Säthaw ma re saite khimi na tea yng te tämang rung khytä sa vi ai.

Marka 13:5

Isu ma äni ce tea “Nang ce tea khimi ce ma kaeling kaemae sa y hethang sädi khai ö ba.

Pawlae ma Rom märü üng kangkawng tähang tärü saite cae 1:18

Hunghö sa saite na hai Säthaw tea tämö khai y saite khimi angxynlyng na tea Säthaw üng kädawtho saite lä khösang mang üng hai mätü vi dy. Honi käsi sa saite na üng älang na lä Säthaw üng Lo mitang khimi kälang tea mäny hai y hethang mäkhangky te vi.

Kolosa 2:18

Särae kälang na lä sa tämang te hai aemäneng kha Känipre üng angtawtha na tea cäphaw hethang mätu pa te vi. Äni ce üng the saite mang-a hui ö hang ba. Honi kätyng hui dylä, nang ce üng aeqang saite vang lä laja ö ai. Honi särae na lä äsämai mang aetüng te phüng-a, Säthaw üng Angthang tea hawihai pailai thaikaw te vi näkha näte lä äni ce üng käjüng aesa ö saite na kae. Äni ce lä khimi ce üng kaedawng hai thui ea aethaw ö vi dy. Tungaila äni ce aethaw hai nae lä äte haetä la awng y lyng.

Kolosa 2:4

Ämi ma la lo kätui hai nang ce tea kaeling kaemae sa ea bähawi haw y hethang, kai lä hini kätyng thui hethang ngai vi.

Kolosa 2:8

Ämi ma la nang ce tea mäthang sa kha ne y hethang sädi khai ö. Särae kälang na lä khimi ce üng reitae, käni khösang tea pyng saite Setan angra te üng ly te kaedawng hai bälung kähae na, nang ce tea mätu ö te vi. Honi kaedawng hai bälung kähae na lä Khrista hai aesui te y lyng.

Kolosa 3:6

Khimi ce lä hini kätyng sa te phüng-a, Säthaw lä äni ce tea dengpy vi ai. Hini käsi na phüng-a, Säthaw üng dengpy saite lä äma üng älo tängai y saite na qawng-a tyng tätang khaw ai.

2 Thesalon 2:3

Nang ce lä khimi ce ma kaeling kaemae sa saite tea yng ö hang ba. Ätephüng-a mei nädylä Areng Isu ly haile be y te kälang-a, khimi awng mang saite na ma Säthaw tea aety saite kätü lä tyng ai rawng. Honi kätyng awng te kätü-a, Säthaw üng Ubädi tea elekhei sa saite kung lä tho vi ai. Äni bung lä Säthaw ma täphra ai.

Hebrai 13:9

Angthang Kähawi y käla äte cawngkhang kätüng y kangthae mätu saite na tea hui y hethang nang ce lä sädi khai ö. Säthaw üng tähang kähawi hai-a mä-ai üng bälung thung-a aethaw awng hai hethang lä hawi ö te vi. Judae khimi na üng reitae kätyng ca hethang lä ävang ting te y vi.

Hebrai 3:19

Tudylä äni ce lä yng y te phüng-a, Säthaw üng aehae saite mityng-a kung haw y te tea mä-ai lä mäny ö vi.

1 Piter 2:8

Caekäcai thung-a, “Hini lungphö lä khimi ce tea äkho hai mäthui khy hai kha äni ce bung täbakhu hai ö vi ai” näkha tärü te la awng te vi. Äni ce lä Säthaw üng lo tängai y te phüng-a, äkho mäthui khy ö te vi. Honi lä äni ce tähang Säthaw üng aely kängai vi dy.

1 Johan 4:1

Kai üng bälung aevaw saite rawijae na ä, Säthaw üng Muilaw lä kai tea awng näsaite khimi qütä üng älo na tea lä yng ö hang. Khimi lawngtä lä Säthaw üng Muilaw hai thui mei, thui y mei näte tea mäny hethang nang ce lä kähawi-a aedawng khü kha säny hethang kae ö te vi. Buisaw kaeling awng mang saite na lä älawngpre mityng qütä-a tyng kha awng ö te phüng-a vi dy.