Ephesi 5:3 - Caekäcai Kangthae (Lemi)

³ Nang ce thung-a täkü bäjang sa saite na, cai y saite na, ae-aw saite bälung na phüng cy nae awng y hethang kae. Hini na lä Säthaw üng khimi käcai na hai aeteng khaw te vi.

Asang Khongso New Testament

³ Sithaw kami ah na oh o pongah nongpui nongpa zaehaih, khet kamcuk aiah hinghaih hoi kaoeloe koehhaih ihnawk to thuih mataeng doeh thui o hmah.

Ephesi 5:3 ပူးပေါင်းရင်းမြစ်များ

Mathai 15:19

Khimi bälung thung üng tho saite na lä käsi dawng saite na, khimi bädü saite na, täkübäjang sa saite na, nawngpui nawngpaw y käla mangtä i saite na, bäru saite na, älo bälai saite na, khimi üng säri tea täphra saite na vi.

Luka 12:15

Tupyng-a Isu ma äni ce tea “Sädi khai ö. Ingthawng na tea bädö ö hang. Khimi lawng lawngtä lä ingthawng awng mang te phüng-a kawng anghawtho te hai hing sa y lyng” näpa.

Luka 16:14

Tangkae ngaiphi saite Pharisai na lä hini lo angxynlyng na thai kha Isu tea mänui hai pa ö dy.

Angtawtha 15:20

Mä-ai lä äni ce tea cae tärü hethang aevaw vi. Mimi tea löci sa saite mawi ca hang. Aepawng y käla nawngpui nawngpaw kätyng awng vai y. Känawngjang tära kha ra saite üng ängang la ca hethang kae y. Äthi la nei hethang kae y. Hini phüng lä Judae na känyngky saite na vi.

Angtawtha 20:33

Kai lä khimi üng sui, tangkae, kä-o nitha na bädö te y vi.

Pawlae ma Rom märü üng kangkawng tähang tärü saite cae 1:29

Äni ce lä cüng y saite cawngkhang hai käsi sa kha ae-aw saite, esäre saite, pä-e saite, khimi bädü saite, aejaw aemang saite, kaeling kaemae na sa ö vi. Äni ce lä khimi ce üng phüng aeqa ö saite na vi.

Pawlae ma Rom märü üng kangkawng tähang tärü saite cae 16:2

Säthaw üng khimi na lä lawng lawngtä tea lady hethang aeteng khaw te kätyng Areng üng ämüng hai-a hini nawngmädi bung lady pa ö. Äni üng ngai saite na tea säbawng pa ö. Hini nawngmädi lä Säthaw üng khimi awng mang saite na tea säbawng pa te vi. Kai tea la äni lä säbawng te vi.

Pawlae ma Rom märü üng kangkawng tähang tärü saite cae 6:13

Nang ce üng ätabung kaepreng na tea käsi sa hethang a ö hang. Honi jüng-a kädü thung üng nang ce bung mäning haile tyng pa saite Säthaw tea nang ma ce bung ae-a ö. Käcüng sa hethang nang ce üng ätabung kaepreng na lä äni tea a ö.

1 Korin 10:8

Äni ce thung üng phütä na täkübäjang sa te kätyng mä-ai lä sa ö hethang kae y. Tukätephüng-a Säthaw lä känitä-a äni ce thung üng khimi lawng 23,000tä na bung dü hai ö pa te vi dy.

1 Korin 5:1

Nang ce thung-a lawngtä lä täkübäjang sa vi näte khimi ce ma kai tea thui khü te vi. Säthaw bung mäny y saite na mäteng ma hini kätyng täkübäjang sa y lyng. Nang ce thung-a lawngtä lä änä-awitaw hai i vi näte kai lä thai te vi.

1 Korin 6:13

Khimi kälang lawngtä ma, “Käcakänei lä äjo tähang vi. Äjo lä käcakänei tähang vi” näkha nä vi. Älawng cy. Tungaila Säthaw lä hini känetä tea lä teng hai vi ai. Ätabung lä täkübäjang sa hethang tawng y käla, Areng üng mawsawng lawng hethang tawng ö vi ai. Areng lä mä-ai üng ätabung tea rui pa vi ai.

1 Korin 6:18

Täkübäjang sa ö hang. Khimi ma sa saite hunghö kälang qütä lä äma üng ätabung ärang mang üng kae vi. Tungaila täkübäjang sa saite khimi üng hunghö lä äma üng ätabung tea sa tämang te vi dy.

2 Korin 12:21

Nang ce tea tyng haile te kätü-a, nang ce üng maw-a kai üng Säthaw ma kai bung aemäneng hai ai näte kai lä bälung mawng te vi. Tudylä jangni üng hai ma hunghö sa kha ae-ui y käla vaihi khytä hunghö sa saite khimi awng mang te tähang bälung nawphi ai näkha kai lä bälung mawng te vi. Nang ce thung üng khimi awng mang saite na lä pawprae saite, täkübäjang sa saite, hai ngaiphi tüng y saite na awng kha ae-ui ö y te phüng-a kai lä bälungsi vi ai.

Ephesi 5:12

Säthaw üng lo tängai y saite na lä kangru-a sa saite na phüng thui hethang mäteng ma saerae he hawi te vi.

Ephesi 5:5

Täkü bäjang sa saite khimi na, cai y saite na, ae-aw te bälung awng saite na lä Säthaw hai Khrista üng pre-a kung haw y lyng näte nang ce lä mäny hethang kae. Ae-aw te bälung awng saite na lä mimi tea cäphaw te kätyng by vi.

Filipi 1:27

Nang ce lä Khrista üng Angthang Kähawi yng saite tähang kaebäla-a awng hethang lä tätang aely leng te vi. Tukätephüng-a nang ce tea kai aeting haw y kha hanglaw mang nang ce üng angthang thai te läsy, aeting haw y te läsy, nang ce lä bälung mangtä aedü kha aedaw ö haw te kai lä mäny vi ai. Nang ce angxynlyng Angthang Kähawi üng yng saite tähang phüng-a aethaw mangtä aesa ea aety ö näte kai lä mäny vi ai.

Kolosa 3:5

Tudylä nang ce lä bädö saite bälung üng kängai-a hui ö hang ba. Täkübäjang sa saite na, cai y saite na, deirei saite na, ngaiphi tüng y sa hethang ngai saite na, ae-aw saite bälung na awng ö vi hang lawi. (Ae-aw saite bälung näte lä mimi tea cäphaw te kätyng by vi.)

1 Thesalon 4:3

Säthaw lä nang ce tea täkübäjang sa saite na aehi king kha käcai-a awng hai hethang ngai te vi.

1 Thesalon 4:7

Säthaw lä känyng he kähawi-a hing hai hethang mä-ai bung ka te y. Käcai ping-a hing hethang ka te vi dy.

1 Timote 2:10

Säthaw üng kängai-a hing saite nawngmädi na lä khimi kälang na tea säbawng ö sy. Hikä sa te hai äma ce tea äcae kähawi aesa ö te vi dy.

1 Timote 3:3

Äni lä Cäpje tui neipro hethang kae y. Aejaw aemang rungrang hethang y käla bälung kähawi awng te hai awng pü he kae. Tangkae tea ngai ngae he kae y.

1 Timote 6:10

Tangkae phawisae tea bälung aevaw te lä käsi angxynlyng na üng älangdüng vi. Khimi phütä na lä tangkae dang hethang ngai phi te phüng-a, äma ce yng saite na tea kädephae ö te vi. Äni ce lä mä-ai ma tea aeteng hai thung te kätyng nawphi rung khytä sa ö te vi.

2 Timote 3:2

Khimi ce lä äma ce tea xyng hai äma ce üng tangkae tea bälung aevaw ö ai. Äni ce lä aethaw te hai bälungleng kha khimi ce phüng käsi thui ö ai. Änä-awi äpä-ai üng lo tängai ö y ai. Säbawng saite khimi na tea kawng te lo thui y te hai, Säthaw tea tämö khai ö y ai.

Titas 1:11

Honi khimi ce tea lä mätu hai hethang py ö hang. Ätephüng-a mei nädylä äni ce lä mätu sang y saite hini cawngkhang na mätu te kätü-a, engthung rütä yng saite na tea mäne ö baw te vi. Äni ce lä khimi ce te üng tangkae dang hethang ngai te phüng-a, hini kätyng mätu ö te vi.

Titas 1:7

Ätephüng-a mei nädylä kangkawng üng mätawngky sa saite khimi lawngtä lä Säthaw üng kälu sa te phüng-a, khimi ce ma cy haw y saite khimi-a lawng hethang kae. Äni lä äma üng kängai kätyng kädaw rae saite, Cäpje tui neipro saite, khimi ce hai aejaw aemang rungrang saite, hai äe-aw te bälung awng saite khimi-a lawng hethang kae y.

Titas 2:3

Honi kätyng nawngmädi mätawng na tea lä Säthaw bung tämö khai saite lang-a awng hethang mätu pa. Äni ce lä khimi ce üng phüng thui rungrang y hethang hai jö nei ngae y hethang mätu pa. Honi jüng-a äni ce lä khimi kälang na tea kähawi sa hethang mätu sy.

Hebrai 12:16

Nang ce thung-a ämi la täkübäjang sa y hethang sädi khai ö. Esawka lä äcälöky üng tähang kähawi tea ang kaephi hai aeleng ja te vi. Hini kätyng Säthaw tea mäthi y sa hang.

1 Piter 5:2

Beram rui saite na kätyng Säthaw ma nang ce tea py saite beram kanghö na lawng saite äma üng khimi na tea rui ö ba. Honi lä nang ce üng kälu lawng te phüng-a y, Säthaw üng aely kängai phüng-a kawng te bälung hai nang ce lä sa ö. Nang ce lä tangkae dang hethang tähang y ngaila äni ce tea säbawng hethang ngai tätang ö te phüng-a vi.

2 Piter 2:10

Äma ce üng ngaiphi tüng y saite mang-a hui saite na hai Säthaw üng aenae tea mäthi y saite na tea Äni lä tengxyng y dengpy khaw vi ai. Käjüng sa saite särae na lä ri y käla aethaw ö te vi. Äni ce lä Känipre üng phung-ang awng saite na tea mäteng ma mäthi y käla käsi thui vawng ö te vi.

2 Piter 2:14

Äni ce lä nawngmädi na hai täkübäjang sa hethang xyng aedawng jawjaw ö te vi. Äni ce lä hunghö sa te tea manila mängae vai ö te y vi. Äni ce lä Khrista tea yng khi y saite khimi na tea hunghö mang-a bähawi pa ö te vi. Äni ce lä tengxyng y ae-aw tätang saite na lawng ö vi dy. Säthaw lä hini khimi ce tea täking te vi dy.

2 Piter 2:3

Hini särae na lä ae-aw te bälung awng ö vi ai. Äni ce lä äma ce sa saite cäkae na thui te hai-a nang ce te üng tangkae dang hethang aethawsa ö ai. Jangni-a ma Säthaw lä äni ce tea tärae cei hethang sa rüng pa te vi dy. Säthaw lä äni ce tea täphra hethang aering vi ai.

Lokphong 2:14

Tungaila kai lä nang ce tea hae haetä cy hethang awng vi. Nang ce thung-a phütä na lä Balam üng mätu saite lo tea hui ö vi. Jangni-a Balam lä Balak tea Isrelae khimi na bung hunghö sa hai hethang the pa te vi. Äni lä mimi na tea löci sa saite löci mawi na ca hethang hai täkübäjang sa hethang Isrelae khimi na tea the pa ö te vi dy.

Lokphong 2:21

Kai lä honi nawngmädi tea äma üng hunghö sa saite na ae-ui hethang kätü py pa vi dy. Tungaila äni lä ae-ui hethang ngai te y.

Lokphong 21:8

Tungaila bälung bähawrö saite na, yng y saite na, känyng hethang hawi saite na, khimi tea bädü saite na, täkübäjang sa saite na, angra üng haidae hai sa saite na, mimi tea cäphaw saite na hai kaeling kaemae sa saite angxynlyng na bung lä kai ma keng maipui tuilipui thung-a kädephae vi ai. Hini lä äbaeni üng dü saite vi” näpa.

Lokphong 22:15

Tungaila märü üng ärang mang-a lä hini hunghö sa te hai-a ui kätyng mä-ai ma tea pawprae-a awng saite na vi. Äni ce lä angra haidae hai käsi sa saite na, täkübäjang sa saite na, khimi bädü saite na, mimi tea cäphaw saite na, kaeling thui saite na-a lawng ö vi.

Lokphong 9:21

Khimi ce lä äma ce üng khimi kälang na tea bädü saite, angra üng ädawi na hai sa saite, ngaiphi tüng y saite mang-a hui saite na hai theru sa saite na üng ae-ui ö te y vi.