Ephesi 5:20 - Caekäcai Kangthae (Lemi)

²⁰ Mä-ai üng Areng Isu Khrista ämüng hai-a äte angxynlyng na tähang mä-ai üng Pä-ai Säthaw tea kawng te lo thui ö jawjaw ba.

Asang Khongso New Testament

²⁰ Aicae Angraeng Jesuh Khrih hmin hoiah cungriboih hanah Pa Sithaw khaeah kawn lok to thui o toemoe ah.

Ephesi 5:20 ပူးပေါင်းရင်းမြစ်များ

Johan 15:16

Nang ce ma kai bung re te y. Kai ma nang ce bung re te kae. Nang ce ly kha äthai aethai mang hethang kai lä mätaw te vi. Nang ce lä aekang jawjaw saite äthai na äthai he kae. Tupyng-a kai üng ämüng hai-a, nang ce mäkai saite angxynlyng na lä Pä-ai ma py ai mang.

Angtawtha 5:41

Tukha angtawtha na lä Isu tähang äni ce mätangbälai saite lä Säthaw üng lasawng näkha aedawng ö te phüng-a, bälung anghawtho te hai ma Sanhendrin kawngci mityng üng thoja pa ö vi dy.

Pawlae ma Rom märü üng kangkawng tähang tärü saite cae 1:8

Angcüky-a kai lä nang ce angxynlyng tähang Isu Khrista hai-a kai üng Säthaw tea kawng te lo thui te vi. Ätephüng-a mei nädylä nang ce üng yng saite phüng älawngpre qütä khimi ce ma thui ö te phüng-a vi.

1 Korin 1:4

Kai lä nang ce tähang Säthaw tea kawng te lo thui jawjaw vi. Ätephüng-a mei nädylä Säthaw lä Isu Khrista hai-a nang ce tea tähang kähawi py te phüng-a vi.

1 Korin 15:24

Honi pyng-a kangkhüng kätü lä tyng ai. Khrista lä haidae awng saite angra angxynlyng na, Känipre angtawtha na hai älawngpre tea pyng saite angra käleng na üng aenae na tea täphra vi ai. Tupyng-a Khrista lä äma üng pyng hethang haidae lä Äpä-ai Säthaw tea a ai.

Ephesi 5:4

Paesu paenai phüng na, rang saite lo na hai aenui aepai-a käcai y thui saite lo na la nang ce lä aepe ö hang. Hini na lä nang ce thui hethang hawi saite lo na y vi. Hini jüng-a Säthaw tea kawng saite älo na phai thui ö kae.

Filipi 1:3

Kai lä nang ce tea aedawng te kätü qütä kai üng Säthaw tea kawng te lo thui te vi.

Filipi 4:6

Ätete hae haetä phüng-a lä bälungbi ö hang. Tungaila aetang te kätü-a, nang ce ngai saite angxynlyng na phüng, Säthaw tea mäkai kha kawng te lo thui ö.

Kolosa 3:17

Nang ce lä kälu sa te hai, älo thui saite angxynlyng na hai Areng Isu üng jüng-a sa pa ö. Areng Isu hai-a nang ce lä Säthaw tea kawng te lo thui jawjaw ö ba.

1 Thesalon 3:9

Vaihi nang ce phüng-a mä-ai üng Säthaw tea kai ce lä kawng te lo thui lei ö y. Nang ce tähang Säthaw üng maw-a, kai ce lä anghawtho haw ö te vi.

1 Thesalon 5:18

Äte makäte la tyng mai sy, Säthaw tea kawng te lo thui ö. Khrista Isu hai-a Säthaw ma nang ce tea hini kätyng sa hai hethang ngai te vi.

2 Thesalon 1:3

Yng saite kangby jä-ai na ä, kai ce lä nang ce tähang kätü qütä Säthaw tea kawng te lo thui jawjaw hethang kae ö te vi. Kai ce lä hikä sa hethang hawi khaw ö vi. Ätephüng-a mei nädylä, nang ce üng yng saite ryng rae, ryng rae kha lawng lawngtä tea bälung aevaw qi saite lä äkung na kätyng aepa phung jawjaw ö te phüng-a vi.

2 Thesalon 2:13

Areng Isu ma bälung aevaw saite yng te kangby jä-ai na ä, nang ce tähang-a kai ce lä Säthaw tea kawng te lo thui jawjaw ö hethang kae te vi. Ätephüng-a mei nädylä äni lä älawng sa te kätü-a ma, aeqang hethang nang ce bung re te vi dy. Äni lä Muilaw Käcai hai-a khimi käcai-a bälawng kha lo mitang tea nang ce üng yng te hai-a nang ce bung aeqang te vi.

Hebrai 13:15

Tukätephüng-a mä-ai lä Isu hai-a Säthaw tea bälaw te hai löci sa jawjaw ö si. Honi löci lä, “Säthaw lä Areng vi” näkha mä-ai üng täbawng na hai thui saite lä Säthaw tea mä-ai üng löci sa te vi.

1 Piter 2:5

Nang ce la hing saite lungphö na kätyng by vi. Säthaw lä äma üng Muilaw Käcai hai-a Ingkäcai sa hethang nang ce bung tawng sy. Hini Ingkäcai-a, nang ce la mäthykung käcai na kätyng kälu sa ö by vi ai. Nang ce lä Muilaw Käcai ma mäci saite kätyng löci na sa ö vi ai. Isu Khrista hai-a Säthaw lä nang ce üng löci na tea täla haw vi ai.

1 Piter 4:11

Thuikaw saite khimi na lä Säthaw üng angthang thui hethang kae. Khimi kälang tea säbawng saite khimi na lä Säthaw üng aethaw hai-a säbawng hethang kae. Tudylä, nang ce sa saite angxynlyng na hai khimi ce lä Isu Khrista hai-a Säthaw tea bälaw haw ö ai. Äni üng haidae hai phung-ang lä dungtäsa awng jawjaw sy. Amen.