Ephesi 5:2 - Caekäcai Kangthae (Lemi)

² Khrista lä mä-ai tea bälung aevaw kha mä-ai tähang dü pa te kätyng-a khimi kälang na tea la bälung aevaw ö lawi. Khrista lä äma üng hing saite lä löci aesa hethang Säthaw tea py pa te vi dy. Honi löci lä Säthaw tähang ämui hawi te vi.

Asang Khongso New Testament

² Khrih mah aicae hae ang palung moa Sithaw mah koeh ih angbawnhaih hoi hmuihoih tahlang ih batih toengah a hinghaih ang paek pongah nangcae hinghaih to amlunghaih ih mah uk na soe.

Ephesi 5:2 ပူးပေါင်းရင်းမြစ်များ

Mathai 20:28

Kai, Khimi üng Cäpaw, tea khimi ce ma mawsawng sa hai hethang ly te y vi. Kai lä khimi ce üng mawsawng-a awng hethang hai khimi ce bung awng mang-a aeqang hethang hai Kai üng hing saite khaisö hethang ly te kae vi” näkha näpa.

Johan 13:34

Kai lä nang ce tea särilo kangthae py dy. Nang ma ce tingtawi bälung aevaw ö. Kai lä nang ce tea bälung aevaw te kätyng nang ma ce tingtawi lawng lawngtä tea bälung aevaw hethang kae.

Johan 6:51

Kai lä Känipre üng cäqa saite hing te Täkaw vi. Hini Täkaw ca saite khimi na lä dungtäsa hing te dang vi ai. Hini Täkaw lä kai üng ängang vi. Älawng üng khimi na tea hing hai hethang tähang-a kai üng ängang py te vi.”

Pawlae ma Rom märü üng kangkawng tähang tärü saite cae 15:16

Kai lä ceng kälang na tähang kälu sa hethang Khrista Isu üng mawsawng-a lawng vi dy. Säthaw ma kawng hai saite löci mawi käcai lawng hethang kai lä Säthaw üng Angthang Kähawi ceng kälang na tea thui hethang mäthykung lawngtä kätyng sa te vi dy. Muilaw Käcai lä honi na tea Säthaw tähang kälang khai pa te vi.

Pawlae ma Rom märü üng kangkawng tähang tärü saite cae 4:25

Mä-ai üng hunghö tähang Säthaw ma Isu bung lä dü hethang a pa te vi. Säthaw lä mä-ai üng hunghö bälawi kha khimi käcüng-a awng haw hethang Khrista bung kädü thung üng mäning haile pa te vi dy.

Pawlae ma Rom märü üng kangkawng tähang tärü saite cae 8:3

Ngaiphi tüng y saite bälung phüng-a, Mosi üng Ubädi lä mä-ai bung aeqang haw te y vi. Tukätephüng-a Säthaw lä mä-ai bung aeqang hethang äni lä Äcäpaw khekhe bung mä-ai tea mätaw pa vi dy. Äni üng Cäpaw lä mä-ai kätyng hunghö sa hethang ngai saite ätabung awng vi. Äni lä mä-ai bung pyng saite hunghö tea täphra te vi dy.

Pawlae ma Rom märü üng kangkawng tähang tärü saite cae 8:37

Mä-ai tea bälung aevaw saite Khrista hai-a mä-ai lä äte angxynlyng na tea bäja king te vi dy.

1 Korin 16:14

Nang ce sa saite angxynlyng na tea bälung aevaw saite hai sa ö.

1 Korin 5:7

Nang ce lä hunghö hai aesui saite täkaw aepae te aesi kangrüng tea lä käde phae ö la. Hini kätyng sa dylä, nang ce lä täkaw aepae saite aesi qa y te täkaw kangthae kätyng lawng ö vi ai. Nang ce lä Säthaw üng khimi käcai tätang na lawng ö vi ai. Khrista lä mä-ai üng hunghö na tähang äma bung löci aesa te vi dy. Äni lä Judae na üng Cäqengja te pawi-a löci mawi-a bädü saite beram caw kätyng vi.

2 Korin 2:14

Mä-ai üng Säthaw tea mä-ai bälaw ö si. Säthaw lä mä-ai bung Khrista üng bäja saite pawi-a qa hai jawjaw hethang phüng-a vi. Mä-ai ly saite mityng qütä-a, Säthaw lä Khrista üng Angthang Kähawi thui hai jawjaw te vi. Honi lä ämui kähawi kätyng lawng hai hethang vi.

2 Korin 2:15

Mä-ai lä Säthaw tähang Khrista üng löci mui kähawi kätyng vi. Mä-ai lä Säthaw ma aeqang saite khimi na hai dengpy saite khimi na thung-a aehö saite ämui kätyng vi.

2 Korin 8:9

Nang ce lä mä-ai üng Areng Isu Khrista üng tähang kähawi tea mäny ö te vi. Äni lä tawngnang ngaila, nang ce tähang kangtang-a aelawng te vi dy. Äni üng kangtang saite hai-a, nang ce lä tawngnang ö te vi dy.

Galati 1:4

Mä-ai üng Pä-ai Säthaw aely kängai-a mä-ai üng hunghö sa te phüng-a, Isu Khrista lä dü pa te vi dy. Hini hai-a käsi kaedawng saite hai kähawi y sa saite khimi na kätyng awng y hethang äni lä mä-ai bung aeqang te vi.

Galati 2:20

Kai lä Khrista hai mangtä thinglang qawng-a dü pyng te kätyng vi. Kai lä leithung jungtä üng kätyng hing te y vi dy. Vaihi Khrista lä kai üng bälung thung-a hing te vi. Vaihi hing te lä Säthaw üng Cäpaw tea ae-y kha hing te kae. Cäpaw lä kai bung bälung aevaw kha kai tähang äma üng hing saite py vi dy.

Ephesi 1:4

Hini khölawng pre sa y te kälang üng hai ma mä-ai bung lä Khrista phüng-a re pyng te vi dy. Mä-ai bung lä äni üng maw-a caiping kha cy haw y hethang re te vi dy. Säthaw lä mä-ai tea bälung aevaw kha Isu Khrista ma sa pa saite hai-a äma üng caw nade na kätyng bälawng hai hethang aedawng rüng te vi dy. Säthaw ma hikä sa te lä äma kawng hethang äma üng aely kängai vi.

Ephesi 3:17

Tukäte hai-a nang ce üng yng te phüng-a, nang ce üng bälung thung-a Khrista lä awng ai. Thingkawng lä älawng thung-a angjüng ru kha ca khi te kätyng nang ce lä Säthaw üng bälung aevaw saite thung-a cakhi ö by hethang kai lä aetang te vi.

Ephesi 3:19

Khrista üng bälung aevaw saite lä leng bärai te phüng-a, khimi ce lä thaikaw haw king ö y lyng. Tungaila nang ce lä äni üng bälung aevaw saite tea mänykaw ö hethang kai lä aetang te vi dy. Tudylä Säthaw äma üng aeme aeqa saite na lä nang ce üng bälung thung-a awng kha cungrü haw ö vi ai.

Ephesi 4:15

Hini jüng-a, mä-ai lä bälung aevaw te hai lo mitang tea thui te hai-a, mä-ai lä äte angxynlyng na-a Khrista kätyng aetawng rae kha ryng ö ai. Khrista lä kangkawng üng älö vi.

Ephesi 4:2

Nang ce lä kätü qütä-a bälung aemäneng kha äkäneng-a awng ö. Änawngsa te hai lawng lawngtä tea bälung aevaw te hai khung kha awng ö jaw jaw ba.

Ephesi 5:15

Tukätephüng-a nang ce üng sa saite na tea lä sädi khai ö. Khimi kaerö na kätyng y käla bälunghae saite na kätyng sa ö lawi.

Ephesi 5:25

Nawngpaw na ä, Khrista lä kangkawng tea bälung aevaw kha kangkawng tähang dü hai pa te kätyng, änawngpui tea bälung aevaw hethang kae te by vi.

Filipi 4:18

Vaihi kai lä nang ce tha saite angxynlyng na dang te vi dy. Kai lä vaihi aely ngai te qawng-a cang y awng vi dy. Nang ce ma Epaprodita te mang hai-a tha saite na kai lä dang vi dy. Honi na lä kai tähang tengxyng y bälai hai mang te vi. Nang ce üng säbawng te lä Säthaw üng maw-a mui üng saite rimui kätyng löci aesa saite na lawng te vi. Honi na lä Säthaw tea kawng hai te vi.

Kolosa 3:14

Aely lengky te lä nang ma ce tingtawi lawng lawngtä tea bälung aevaw ö. Honi kätyng lawng lawngtä tea nang ce lä bälung aevaw te phüng-a, nang ce rawijae aesa saite lä cungrü ö ai dy mang.

1 Thesalon 4:9

Nang ma ce tingtawi bälung aevaw ö qi hethang phüng lä tärü he ngai näpi y dy. Lawng lawngtä tea bälung aevaw hethang kae näsaite lä Säthaw khekhe ma nang ce tea mätu pyng te vi dy.

1 Timote 2:6

Äni lä khimi qütä aelawi hai hethang äma üng hing saite aepy kha dü pa te vi dy. Säthaw ma khai khaw te kätü-a, hini angthang lä khimi qütä tea thai hai te vi dy.

1 Timote 4:12

Nang lä khösäning na te phüng-a, ämi ma la mäthi y te awng hang sy ba. Nang lä älo aepe saite, hing saite, khimi kälang na tea bälung aevaw saite, yng saite, sa tämang y käla awng saite hai yng saite khimi na tähang aetu hai nae lawng sy ba.

Titas 2:14

Äni lä mä-ai bung hunghö angxynlyng na üng aelawi hethang hai, äma üng khimi käcai hai khimi khekhe-a bälawng pa hethang vi dy. Tukha ätete kähawi sa hai hethang dawng khü saite na aelawng hai hethang äma ma mä-ai tähang aepy te vi dy.

Hebrai 8:3

Mäthykung kälengky qütä lä Säthaw tea lasawng hai tawngbawi na löci aesa hai he hethang khai te vi. Tukätephüng-a mä-ai üng Mäthykung kälengky lä Säthaw tea hae haetä hai löci aesa hethang kae.

Hebrai 9:14

Tungaila Khrista üng äthi lä hini qawng-a cang y sa haw te vi. Äni lä dungtäsa Muilaw hai-a äma ma löci sa te vi dy. Äni lä Säthaw tähang cungrü-a löci aesa saite vi dy. Tukätephüng-a äni üng äthi lä tengxyng y haidae awng kha mä-ai üng käsi kähawi mänykaw saite bälung kaedawng na tea ävang ting y saite reitae thung üng cai hai te vi. Vaihi mä-ai lä Säthaw kähing tea mawsawng sa haw ö te vi dy.

Hebrai 9:23

Hini na lä Känipre-a awng saite na üng täthei lawng te phüng-a, äthi hai cai hai hethang kae. Tungaila Känipre-a awng saite na tea cai hai hethang lä löci kähawiky sa hethang aely ngai vi.

Hebrai 9:26

Tudylä älawngpre sa angcü te kätü üng hai Isu lä mätang bälaica jawjaw hethang kae. Tungaila vaihi lä hini älawngpre angxynlyng na byng hethang aenai te kätü-a, äni lä qengtä hai ma tho kha äma ma bung löci aesa ea khimi ce angxynlyng üng hunghö na tea mäcai ping pa vi dy.

1 Piter 4:8

Äte angxynlyng na üng aely lengky te lä, lawng lawngtä tea bälung aevaw tätang saite vi. Ätephüng-a mei nädylä, nang ce üng bälung aevaw saite lä awng mang te hunghö na tea bälawi haw te vi.

1 Johan 3:16

Isu Khrista lä äma üng hing saite mä-ai tähang py te phüng-a, bälung aevaw saite lä äte mei näte tea mä-ai lä mäny haw ö te vi. Mä-ai la rawijae na tähang mä-ai üng hing saite tea py hethang kae ö te by vi.

1 Johan 3:23

Hini Säthaw üng Ubädi-a äma üng Cäpaw Isu Khrista vi näte yng kha lawng lawngtä tea mä-ai lä bälung aevaw hethang kae.

Lokphong 1:5

Isu Khrista lä sasi thui khü kha ae-y nae hawi khaw saite Kung vi. Säthaw ma äni bung lä kädü thung üng mätha angcü pa te vi. Äni lä älawngpre üng sanphrang angxynlyng na tea pyng saite Kung vi. Isu Khrista lä mä-ai tea bälung aevaw kha äma üng äthi hai-a mä-ai üng hunghö na aelawi hai te vi dy.

Lokphong 5:9

Tukha äni ce lä ae-awi kangthae thui ö vi dy. “Nang lä honi cae ang-yng la hethang hai, cakhi saite dengki na tea täphra hethang aeteng khaw vi. Ätephüng-a mei nädylä, khimi ce lä nang bung bädü kha nang üng löci aesa saite hai ceng qütä, älo cawngkhang aepe saite qütä, älawng qawng üng pre qütä awng saite na üng khimi na bung lä Säthaw tähang rang vi dy.