Ephesi 5:18 - Caekäcai Kangthae (Lemi)

¹⁸ Nang ce üng aeme aeqa te tea pra hai saite jö na tea lä nei ngae ö hang. Honi jüng-a Muilaw Käcai üng haidae lä nang ce tea pyng jawjaw sy.

Asang Khongso New Testament

¹⁸ Mu paqui o hmah, mu loa nangcae parokung khueh ah ni a oh; totoek pongloa Pakhra hoiah koi oah.

Ephesi 5:18 ပူးပေါင်းရင်းမြစ်များ

Mathai 23:25

“Pharisai hai Ubädi särae na nang ce lä tähang si. Nang ce lä khimi kähawi käjüng aesa ö te vi. Nang ce lä tui bynglyng hai pangkae na tea ärang mang-a mäse ö kae vi. Tungaila nang ce lä hini bynglyng hai pangkae thung üng lawngprae kha mä-ai ma üng kängai hai dang saite na ca ö vi.

Mathai 24:49

Tukha äni lä mawsawng kälang na tea bo te hai ngai te kätyng ra nei saite na hai ca nei kha awng näre maisi.

Luka 1:15

Areng maw-a äni lä aely lengky saite khimi aelawng vi ai. Äni lä Cäpje tui hai ra na nei he kae y ai. Äni tea lä aepeng te üng hai Säthaw ma Muilaw Käcai kawi hai jawjaw pa vi ai.

Luka 11:13

Nang ce hunghö awng mang saite khimi mäteng ma caw nade na tea kähawi sai na py vävawi te vi. Tukätephüng-a Känipre-a awng saite nang ce üng Pä-ai lä mäkai saite khimi na tea Muilaw Käcai py khaw vi ai” näpa.

Luka 12:45

Tungaila honi mawsawng lä ‘Kai üng ingkung vawi hethang qae ai rawng’ näkha äma ma aedawng te hai mawsawng kälang nawngmädi, nawngmäcaw na tea bo te hai ngai te kätyng nei ca kha bärui te hai awng näre maisi.

Luka 21:34

“Nang ce lä nei, ca pro te hai bärui si phi te phüng-a bälungli hai tang ö hang. Ätabung tähang bälungbi saite phüng-a la bälungli hai tang ö hang. Hakä awng dylä kai ly haile te kätü käni lä nang ce tea dawng aemang te kätyng aepö y tea ma tyngmu ai to.

Johan 2:10

Äni ma “Khimi angxynlyng la Cäpje tui kähawiky ni angvüng tea angcü-a nei hai mang te vi. Khimi ce nei te mängae pyng-a kangkhüng-a ni Cäpje tui kähawi y ni nei hai te vi. Nang lä Cäpje tui kähawiky vaihi ni mätho lae dai vi lä” näpa.

Angtawtha 11:24

Banaba lä khimi mitang pa vi kha Muilaw Käcai kawi te hai-a yng saite la cakhi te vi. Tukha khimi awng mang te na Areng Isu tea yng hethang tähang-a, äni lä säbawng bärai pa vi dy.

Pawlae ma Rom märü üng kangkawng tähang tärü saite cae 13:13

Mä-ai lä kaevang-a hing saite khimi tähang aeteng khaw te kätyng hing ö si. Khimi ce üng jö nei phi kha bärui saite pawi-a qa ö hang. Täkübäjang sa saite na, aejaw aemang saite na, hai dökhaw saite na tea mä-ai lä sa ö hang si.

1 Korin 11:21

Nang ce lä ca te kätü-a, kangby jä-ai na tea aering y käla ma, nang ce lä langmaw-a nang ma ce üng bö ca ö te vi. Tukätephüng-a khimi phütä na lä böjo aelang kha khimi phütä na lä bärui ö te vi.

1 Korin 5:11

Kai ma thui hethang ngai te lä khimi lawngtä ma, “Kai lä Khristen vi” näkha thui pyng-a, täkübäjang sa kha ae-aw saite, mimi na tea cäphaw saite, khimi ce tea käsi prawng saite, märui saite, kaeling kaemae sa saite na awng dylä, nang ce lä äni hai kangby jä-ai sa hethang kae y. Nang ce lä hini kätyng khimi ce hai bö mäteng mangtä ca ö hang.

1 Thesalon 5:7

Khimi ce lä kärung-a i vävawi ö te vi. Tukha jö, ra, nei ngae saite na lä kärung-a nei kha bärui ö te vi.

Titas 1:6

Kangkawng üng mätawngky lawngtä lä khimi ce ma cy saite awng haw y hethang kae. Äni lä nawngpui lawngtä xyng ni awng he kae. Äni ce üng caw nade na la yng saite khimi na-a lawng hethang kae. Äni üng caw nade na lä deirei te hai älo aetängai y saite na kätyng-a khimi ce ma cy haw y hethang kae.