Ephesi 4:5 - Caekäcai Kangthae (Lemi)

⁵ Mä-ai angxynlyng na lä Areng lawngtä, yng saite haetä awng kha baptismae haetä la ö te kae.

Asang Khongso New Testament

⁵ Angraeng maeto, taanghaih maeto, baptisma maeto a oh.

Ephesi 4:5 ပူးပေါင်းရင်းမြစ်များ

Mathai 28:19

Tukätephüng-a nang ce lä ly ö kha pre angxynlyng na üng khimi na bung kai üng äkähui-a aelawng hai ö. Äni ce tea Pä-ai, Cäpaw hai Muilaw Käcai ämüng hai-a baptismae py pa ö.

Angtawtha 10:36

Säthaw lä Isrelae khimi na tea mäny hai te angthang phüng, nang ce lä thai ö vi dy. Äte angxynlyng na üng Areng-a bälawng saite Isu Khrista lä khimi angxynlyng na tähang sa saite hai-a, mä-ai lä Säthaw hai aede haw vi dy. Honi lä Angthang Kähawi vi dy.

Angtawtha 2:36

“Tudylä Isrelae khimi na ä, nang ce ma thinglang qawng-a täheng saite Isu bung Säthaw ma Areng hai Mesia-a bälawng dy näte, nang ce angxynlyng tea mäny he ngai hai te vi” näkha ätüng käleng hai-a thui pa dy.

Pawlae ma Rom märü üng kangkawng tähang tärü saite cae 3:30

Säthaw lä lawngtä xyng kae. Äni lä Judae na hai ceng kälang na tea äma ce üng yng saite hai-a cüng hai te kae.

1 Korin 1:13

Khrista bung lä täphü sangxang ö te vi mei. Kai, Pawlae, lä nang ce bung aeqang hethang thinglang qawng-a dü te y. Khimi ce ma nang ce tea Pawlae üng ämüng hai baptismae py te y lyng.

1 Korin 1:2

Korin märü-a awng saite Säthaw üng kangkawng, Säthaw ma Isu Khrista hai-a cai hai kha Säthaw üng khimi käcai-a Isu Khrista hai bungtä mäthi saite nang ce tea hini cae kai lä tärü te vi. Mityng qütä mä-ai üng Areng Isu Khrista tea cäphaw saite khimi angxynlyng na tähang hini kätyng sa te vi. Khrista lä äni ce hai mä-ai üng Areng vi.

1 Korin 12:13

Honi kätyng-a, Säthaw ma mä-ai angxynlyng na, Judae khimi na, khimi ceng kälang na, mawsawng tangnae na hai, khimi kaelawi na tea lä Muilaw Käcai hai-a mä-ai bung ätabung haetä thung-a baptismae py te vi dy. Säthaw lä mä-ai üng bälung thung-a mangtä saite Muilaw Käcai bung mäkung pyng vi dy.

1 Korin 12:5

Yng saite khimi na lä Säthaw üng mawsawng-a älang cawngkhang hai sa ngaila, mä-ai angxynlyng na lä Areng mangtä tähang sa ö te vi.

1 Korin 8:6

Tungaila mä-ai tähang lä Säthaw lawngtä xyng kha äni lä mä-ai üng Pä-ai vi. Äni lä äte angxynlyng na tea sa vi dy. Äni tähang mä-ai lä hing ö te vi. Mä-ai tähang Areng lawngtä xyng awng kha äni lä mä-ai üng Areng Isu Khrista vi. Säthaw lä äte angxynlyng na tea äni hai-a sa vi dy. Äni hai-a mä-ai lä Säthaw tähang hing ö te vi.

2 Korin 11:4

Khimi lawngtä lä nang ce tea ly kha kai ce ma Isu phüng thui saite hai aetawng y saite phüng thui dylä, nang ce lä anghawtho kha tängai ö te vi. Y dylä Säthaw ma nang ce tea py saite Muilaw hai aetawng y saite phüng tea khimi lawngtä ma thui dylä, nang ce lä lady ö vi. Nang ce yng saite hai aetawng y saite Angthang Kähawi tea khimi lawngtä ma thui dylä, nang ce lä jahaw-a yng ö vi.

Galati 5:6

Mä-ai lä Isu Khrista hai mangtä aesui te kätü-a, lengkhüng täke te hai, täke y te lä, aely leng te y lyng. Khrista tea yng kha mä-ai lä Säthaw hai khimi ce tea bälung aevaw saite lä aely lengky vi.

Ephesi 4:13

Tukätephüng-a Säthaw üng Cäpaw tea yng saite hai mäny saite hai-a mä-ai lä bungtä-a lawng ö vi ai. Mä-ai lä Khrista üng cungrü saite tea pha hethang ryng te khimi na-a aelawng ö ai.

Filipi 2:11

Tukha khimi angxynlyng na ma “Isu Khrista lä Areng dy” näkha thui ö bawi vi ai. Tukätephüng-a khimi angxynlyng na ma lä mä-ai üng Pä-ai Säthaw üng phung-ang tea bälaw ö bawi vi ai.

Filipi 3:8

Hikä cang y kai üng Areng Isu Khrista tea mäny te lä honi ätete angxynlyng na qawng-a ävang tingky te phüng-a, honi na tea lä aetütü saite na kätyng-a kai lä dawng kae. Kai lä Khrista tähang-a äte angxynlyng na tea khaisö pyng te vi dy. Honi angxynlyng na tea kai lä angnüng angsaw kätyng dawng te kae vi dy. Kai lä Khrista bung kähawi-a mäny king haw hethang tähang vi.

Titas 1:1

Hini cae lä Säthaw üng mawsawng hai Isu Khrista üng angtawtha saite kai, Pawlae, ma tärü te vi. Säthaw ma re saite khimi na üng yng te aethaw awng hethang hai äni ce lä Isu üng mätu saite älo mitang tea mäny rae hethang Säthaw ma kai bung mätaw te vi. Tukha äni ce lä Säthaw tea tämö khai te mätü te älang-a awng ö ai.

Titas 1:4

Mä-ai üng yng saite sangrung hai-a kai üng cäpaw tätang kätyng awng saite Tita tea kai lä hini cae tärü te vi. Mä-ai üng Pä-ai Säthaw hai mä-ai üng Aeqangkung Isu Khrista ma nang tea tähang kähawi, bäheng saite hai awngneng saite py sy.

Hebrai 13:7

Nang ce tea angcüky-a Säthaw üng Angthang Kähawi thui saite nang ce üng mätawngky na tea kähawi-a aedawng haile ö ba. Äni ce üng hing saite älang kähawi hai dü te khytä yng khü saite tea aedawng ö ba. Äni ce üng yng saite täthei nang ce lä sa ö.

Hebrai 6:6

Honi pyng-a äni ce lä Khrista tea yng saite na käde phae ö te vi. Honi khimi na tea lä ae-ui haile tyng hai hethang säbawng haw y lyng. Ätephüng-a mei nädylä äni ce lä Säthaw üng Cäpaw bung thinglang qawng-a täheng tynglyng kha khimi ce maw-a Khrista tea kaejae pa ö te phüng-a vi.

Jako 2:18

Tungaila khimi lawngtä ma, “Nang lä yng saite awng vi. Kai lä hawi saite kälu sa vi. Tudylä nang lä hawi saite kälu sa y käla nang üng yng saite kai tea mätü lawi. Kai lä kälu kähawi na sa te hai-a kai üng yng saite nang ce tea mätü ai” näkha thui he awng vi.

1 Piter 3:21

Hini tui lä baptismae phüng tea thui te äsäny vi dy. Vaihi Säthaw ma nang ce tea lä baptismae hai-a aeqang te vi. Baptismae üng tui lä nang ce üng ätabung üng pawprae saite na tea mäse te y. Nang ce lä baptismae la te hai käsi kähawi mäny saite bälung käcai hai-a Säthaw tea älo aedo ö te vi. Honi baptismae phüng-a Isu Khrista üng aetha haile tyng saite hai-a Säthaw lä mä-ai bung aeqang te vi.

2 Piter 1:1

Hini cae lä Isu Khrista üng mawsawng hai angtawtha lawng saite, kai, Simon Peterae, te üng vi. Kai lä Säthaw hai mä-ai üng Aeqangkung Isu Khrista üng cüng saite hai-a kai ce kätyng yng te ävang käting dang saite na tea cae tärü te vi.

Judae 1:20

Tudylä kai üng ngai bärai saite äpy na ä, nang ce lä nang ma ce üng caiping-a yng saite qawng-a aenüng kha mä-ai ma tea bälung aethaw aela ö lawi ba. Muilaw Käcai üng haidae hai-a aetang ö.

Judae 1:3

Ngai bärai saite äpy na ä, Säthaw lä mä-ai angxynlyng na bung aeqang saite phüng nang ce tea kai lä cae tärü hethang tengxyng y ngaiphi te vi dy. Honi jüng-a vaihi nang ce lä yng saite tea aedung hai hethang kai lä cae tärü kha mäci he ngai te vi. Säthaw lä äma üng khimi angxynlyng na tea yng saite kätüng qengtä ma dungtäsa tähang py te vi dy.