Ephesi 4:31 - Caekäcai Kangthae (Lemi)

³¹ Nang ce lä bälung thung-a khai khü te käsi dawng saite na, kädaw rae saite angxynlyng na hai, kädawtho saite, aejaw aemang saite, khimi ce phüng aeqa saite na hai esäre saite angxynlyng na tea lä khaisö ö lawi.

Asang Khongso New Testament

³¹ Palungkhahaih, takngan huedoenghaih hoi palungphuihaih ihnawk boih to vah o ving ah. Hraw-anghaih, mi kasae thuihhaih hoi mi hnukmaahaih ih kalah kalah to tawn o hmah laiah.

Ephesi 4:31 ပူးပေါင်းရင်းမြစ်များ

Angtawtha 21:30

Märü qütä aepuilung kha khimi ce lä mityng qütä üng aehui kha Pawlae bung ne ea Säthaw üng Ingkäcai ärang mang-a re ö vi. Tupyng-a qengtäma Ingkäcai kätho lä aekhae praw pa vi.

Pawlae ma Rom märü üng kangkawng tähang tärü saite cae 3:14

Äni ce lä kätü qütä khimi ce tea esäre te hai täking saite lo thui jawjaw ö te vi.

1 Korin 14:20

Kangby jä-ai na ä, nang ce lä ryng y saite nade na kätyng dawng ö hethang kae y. Hunghö sa saite-a lä nade na kätyng awng ö. Tungaila ryng saite khimi na kätyng nang ce lä aedawng ö lawi.

1 Korin 5:8

Tukätephüng-a, Säthaw üng Cäqengja saite pawi kätü-a, mä-ai lä hunghö hai käsi sa te phüng thui saite täkaw aepae te aesi kangrüng hai sa hethang kae y. Mä-ai lä täkaw aepae saite aesi qa y te hai pawi sa ö si. Kai lä cai saite hai lo mitang phüng thui hethang ngai te vi.

2 Korin 12:20

Kai tyng te kätü-a, nang ce üng awng saite na tea kai lä bälung kawng te y näkha kai lä bälung mawng te vi. Nang ce la kai awng saite hai bälung kawng ö y by vi ai näte kai lä bälung mawng te vi. Kai lä nang ce säla-a aejaw aemang saite, pä-e saite, kädawtho saite, ae-aw saite, käsi prawng saite, khimi phüng aeqa saite, bälungleng saite hai xhuxa saite na tea aeting ai näte bälung mawng te vi.

Ephesi 4:22

Tukätephüng-a jangni Säthaw bung mäny y te kälang-a, nang ce üng aeme aeqa kha käsi sa jawjaw saite na tea lä khaisö ö lawi. Hini ngaiphi tüng y saite na lä nang ce tea kaeling kaemae sa hai kha täphra hethang ngai ö te vi.

Ephesi 4:25

Tukätephüng-a nang ce lä ätete kaeling kaemae na jangni üng kätyng-a thui ö vi hang lawi. Mä-ai lä ätabung haetä üng kaepreng na kätyng vi te phüng-a, mä-ai angxynlyng na lä mä-ai ma üng yng saite rawijae na tea lo mitang xyng ni thui ö hethang kae.

Ephesi 4:26

Nang ce kädawtho dylä, hunghö sa ö hang. Käni düng y te kälang-a ma kädawtho te aenawng ö lawi.

Kolosa 3:19

Nawngpaw na ä, nang ma ce üng nawngpui na tea bälung aevaw ö. Äni ce tea lä sakälö khü pa ö hang ba.

Kolosa 3:8

Tungaila vaihi lä hini na tea nang ce sa hethang kae ö y dy ba. Hini na lä kädawtho saite na, rang saite na, esäre saite na, käsi prawng saite na hai täbawng mang lo käcai y tho saite na tea nang ce lä mäqaw ö la.

1 Timote 3:11

Honi kätyng-a mätawngky na üng änawngpui na lä khimi ce ma tämö khai saite nawngmädi na lawng ö hethang kae. Khimi ce phüng käsi thui rungrang hethang kae y. Äni ce lä äma ce tea aeküng hethang kae. Kätü qütä khimi ce üng ae-y nae hawi saite nawngmädi na lawng ö hethang kae.

1 Timote 3:3

Äni lä Cäpje tui neipro hethang kae y. Aejaw aemang rungrang hethang y käla bälung kähawi awng te hai awng pü he kae. Tangkae tea ngai ngae he kae y.

1 Timote 5:13

Hokä cang y, honi lömai nawngmädi käna na tea lä kangkawng ma mäcaw dylä, kälu sa ö y vi ai. Äni ce lä khimi ce ing qütä dawnghang ly tütü kha äma ce üng kätü tea bärawng ö te vi. Hokä äni ce lä aethaw käli na lawng te cang y, äni ce lä khimi ce phüng thui rungrang te hai khimi ce tea xhu hai saite älo na, hai äni ce thui he hawi y saite na phüng thui ö te vi.

2 Timote 2:23

Ae-e aetütü saite lo hai älo kangthö na tea thung-a lä qa hang ba. Ätephüng-a mei nädylä honi lo na hai khimi ce lä aejaw aemang hai saite vi näte nang lä thaikaw te phüng-a vi.

2 Timote 3:3

Äni ce lä khimi kälang na tea bälung aevaw ö y. Khimi ce üng sa tämang te tea bälawi y saite hai, khimi ce phüng kaeling thui ö ai. Mä-ai ma tea aeküng haw y saite hai kädaw rae saite hai kähawi saite tea ngai y te na awng ö ai.

Titas 1:7

Ätephüng-a mei nädylä kangkawng üng mätawngky sa saite khimi lawngtä lä Säthaw üng kälu sa te phüng-a, khimi ce ma cy haw y saite khimi-a lawng hethang kae. Äni lä äma üng kängai kätyng kädaw rae saite, Cäpje tui neipro saite, khimi ce hai aejaw aemang rungrang saite, hai äe-aw te bälung awng saite khimi-a lawng hethang kae y.

Titas 2:3

Honi kätyng nawngmädi mätawng na tea lä Säthaw bung tämö khai saite lang-a awng hethang mätu pa. Äni ce lä khimi ce üng phüng thui rungrang y hethang hai jö nei ngae y hethang mätu pa. Honi jüng-a äni ce lä khimi kälang na tea kähawi sa hethang mätu sy.

Jako 1:19

Kai üng bälung aevaw saite kangby jä-ai na ä, hini na tea nang ce lä aedawng haile ö ba. Älo na tea lä tängai dawde ö. Älo aepe saite hai kädawtho saite na tea lä kangjai-a awng hethang kae.

Jako 3:14

Tungaila nang ce üng bälung thung-a tengxyng y pä-e saite, ae-aw saite na awng kha “kai lä bälunghae te vi” näkha thui te hai nang ma ce tea aethaw ö hang. Nang ce lä kaeling kaemae thui kha lo mitang thui ö te vi.

Jako 4:11

Yng saite kangby jä-ai na ä, lawng lawngtä üng phüng aeqa ö hang. Äma üng kangby jä-ai na phüng aeqa saite, y dylä tärae cei saite khimi lä Säthaw üng Ubädi phüng tea aeqa kha tärae cei saite khimi-a lawng te vi dy. Nang ce ma Ubädi tea tärae cei dylä, Ubädi tea tängai ö y te vi dy. Nang ce lä Ubädi tea tärae cei saite khimi na-a lawng ö te vi dy.

1 Piter 2:1

Nang ma ce üng käsi sa saite angxynlyng na, kaeling kaemae sa saite, käjüng aesa saite, pä-e saite hai khimi ce phüng käsi prawng saite angxynlyng na tea lä khaisö ö lawi.

1 Johan 3:12

Äkangby Abela bung bädü kha Setan hai aesui saite Ka-i-na kätyng aelawng ö hang. Ätephüng-a Ka-i-na ma äkangby tea bädü mei nädylä, äni lä kähawi y na sa kha äkangby lä kätüng na sa te phüng-a vi.

1 Johan 3:15

Mä-ai ma üng rawijae na tea esäre saite lawngtä lä khimi bung bädü ö te kätyng kae. Khimi bung bädü saite lawngtä tea lä dungtäsa kähing awng y näte nang ce lä mäny ö te vi.

Lokphong 12:10

Honi pyng-a käni khösang üng ätüng käleng kai ma thai te lä, “Vaihi Säthaw üng aeqang saite lä tyng vi dy. Vaihi Säthaw lä Sanphrang kätyng äma üng haidae mätü vi dy. Vaihi äni üng Mesia lä äma üng aenae mätü vi dy. Ätephüng-a mei nädylä Säthaw maw-a aedaw kha yng saite na tea kärung käni cy saite lawngtä bung lä käni khösang mang üng mäthoja pa te phüng-a vi.