Ephesi 4:24 - Caekäcai Kangthae (Lemi)

²⁴ Säthaw lä nang ce tea äma üng täthei-a aeme aeqa saite kangthae py te vi. Säthaw üng aeme aeqa saite lä cungrü kha cai te vi. Tukätephüng-a hini aeme aeqa saite kangthae kätyng-a nang ce lä awng kha sa ö lawi.

Asang Khongso New Testament

²⁴ Sithaw ih tungkraang hoiah kahmong ah sak ih kami kangtha to anghlong oah, ato loa katoeng hoi kacai ah kamtueng hinghaih ih tangtang ni.

Ephesi 4:24 ပူးပေါင်းရင်းမြစ်များ

Johan 17:17

Äni ce bung älo mitang hai-a, caiping-a sa pa. Nang ma üng älo lä mitang khaw vi.

Pawlae ma Rom märü üng kangkawng tähang tärü saite cae 12:2

Nang ce lä hini älawngpre-a awng saite khimi üng reitae kätyng hing jawjaw ö hang. Nang ce lä mä-ai ma üng bälung kaedawng tea Säthaw ma mäqa king te hai-a äni ce ma nang ce tea kangthae lawng hai sy. Hokä dylä hawi saite na, Areng üng bälung-a kawng hai saite na näte Säthaw üng cungrü saite aely kängai lä mani mei näte tea nang ce lä mäny haw ö vi ai.

Pawlae ma Rom märü üng kangkawng tähang tärü saite cae 13:12

Kärung üng kätü lä khü aenai dy. Khötawi ai dy. Tukätephüng-a käving thung üng khimi na sa saite na lä sa hethang kae y dy. Kaevang thung üng aety nae ätawng äleng na tea süng ö si.

Pawlae ma Rom märü üng kangkawng tähang tärü saite cae 13:14

Tungaila nang ce lä Areng Isu Khrista üng ätawng äleng na süng ö. Nang ce üng ngaiphi tüng y saite bälung kätyng sa ö hang.

Pawlae ma Rom märü üng kangkawng tähang tärü saite cae 6:4

Mä-ai lä baptismae la te hai-a Khrista hai mangtä dü kha äni hai mangtä ö te vi. Tukätephüng-a Khrista lä Äpä-ai üng phung-ang hai-a dü te üng hai hing haile tyng te kätyng mä-ai la hing saite kangthae-a hing haw ö te by vi dy.

Pawlae ma Rom märü üng kangkawng tähang tärü saite cae 7:6

Tungaila vaihi mä-ai lä pyng vai saite Ubädi thung üng aelawi ö te vi dy. Ubädi hai aesui kha mä-ai lä dü ö te phüng-a, Ubädi lä mä-ai bung thawng thung-a pä-ung hethang haidae awng y vi dy. Mä-ai lä tärü saite Ubädi üng älang kangrüng kätyng kälu sa hethang ngai ö y vi dy. Muilaw Käcai ma mätü kha säbawng saite älang kangthae kätyng Säthaw üng kälu sa haw ö te vi.

Pawlae ma Rom märü üng kangkawng tähang tärü saite cae 8:29

Säthaw lä äma re rüng saite khimi ce tea äma üng Cäpaw kätyng lawng tätang hai hethang la aedawng rüng khaw te vi. Tukätephüng-a Äcäpaw lä yng saite kangby jä-ai awng mang te na thung-a Cäpaw äcälöky-a lawng hai te vi.

1 Korin 15:53

Säthaw lä phra haw saite mä-ai üng ätabung tea phra y saite ätabung-a mäqa vi ai. Säthaw lä dü haw saite ätabung tea dü haw y saite ätabung-a mäqa pa ai.

2 Korin 3:18

Tukätephüng-a mimai tea täphung y saite mä-ai angxynlyng na lä Areng üng phung-ang tea nung kha khimi kälang na tea mätü ö te vi. Muilaw awng saite Areng üng phung-ang lä mä-ai bung mäqa ea Areng hai mangtä aetawng khaw hethang sa kha mä-ai üng phung-ang lä lengky rae lengky rae jawjaw te vi.

2 Korin 4:16

Tukätephüng-a mä-ai lä manila aethawdi vai ö y lyng. Mä-ai üng ätabung na lä dü hethang täretäre aenai rae ngaila, Muilaw Käcai ma mä-ai tea py te hing saite lä känitä pyng-a känitä lä aethaw awng hai rae ö te vi.

2 Korin 5:17

Khrista hai bungtä awng saite khimi qütä lä, khimi kangthae-a lawng vi dy. Älang kangrüng kätyng hing saite na lä aemai king vi dy. Älang kälang kangthae-a hing saite lä tyng te vi dy.

Galati 3:27

Khrista hai bungtä awng hethang baptismae la ö te vi dy. Tudylä nang ce angxynlyng na lä kä-o kangthae aelawng te kätyng, Khrista üng hing saite tea aelawng ö te vi dy.

Galati 6:15

Khimi lawngtä lä lengkhüng täke te hai, täke y te lä aely leng te y lyng. Aepeng kangthae-a lawng te lä aely lengky vi.

Ephesi 2:10

Säthaw lä mä-ai bung khimi kangthae kätyng-a sa te vi dy. Mä-ai lä hawi saite kälu na sa hethang Isu Khrista hai bungtä-a lawng hai te vi. Honi hawi saite kälu na lä jangni-a Säthaw üng mawlang kaedawng kätyng sa te vi dy.

Ephesi 2:15

Khrista ma Judae na üng reitae hai ubädi na tea äma üng dü saite hai-a aenae awng y rung khytä sa pa vi dy. Äni üng mawlang kaedawng lä Judae khimi na hai ceng kälang na tea äma hai bungtä lawng hai kha ceng kangthae haetä-a bälawng pa vi dy. Hini kätyng sa te hai-a ceng känetä tea lä aede hai pa vi dy.

Ephesi 6:11

Nang ce lä Säthaw ma py saite täre aevyng angxynlyng na tea aelawng ö. Tudylä Setan angra üng hawi y saite kaedawng na tea nang ce lä aedung haw ö ai mang.

Titas 2:14

Äni lä mä-ai bung hunghö angxynlyng na üng aelawi hethang hai, äma üng khimi käcai hai khimi khekhe-a bälawng pa hethang vi dy. Tukha ätete kähawi sa hai hethang dawng khü saite na aelawng hai hethang äma ma mä-ai tähang aepy te vi dy.

Hebrai 1:8

Tungaila Äcäpaw phüng äni ma thui te lä, “Säthaw ä, nang üng pyng saite pre lä dungtäsa awng jawjaw vi ai. Nang lä nang ma üng khimi na tea cüng saite hai pyng te vi.

Hebrai 12:14

Khimi angxynlyng na hai mangtä awngneng saite hai-a awng hethang aethawsa ö ba. Caiping saite thung-a hing ö. Caiping y saite khimi ämi la Areng bung nung haw y lyng.

1 Piter 2:2

Kangthae aepeng saite äby na lä känö tui aehe ö te vi. Hini kätyng Muilaw Käcai ma py saite känö tui tätang tea nang ce lä aehe ö jo. Honi känö tui tätang nei te hai-a Säthaw üng aeqang saite cungrü pyng te kätü-a, nang ce lä ryng haw ö te vi.

2 Piter 1:4

Äni üng phung-ang hai hawi saite hai-a äma lä mä-ai tea lengphi saite hai ävang käting älo aedo saite na py te vi dy. Tukätephüng-a äni üng älo aedo saite na hai-a nang ce lä hini älawngpre üng ngaiphi tüng y saite hai-a täphra saite üng aelawi kha Säthaw üng käcüng aeme aeqa saite kätyng nang ce üng käcüng-a aeme aeqa saite thung-a la awng haw ö vi ai.