Ephesi 4:18 - Caekäcai Kangthae (Lemi)

¹⁸ Äni ce lä Säthaw lo mitang tea thaikaw king haw ö y vi. Äni ce lä Säthaw ma py te hing saite hai hanglaw bärai ö te vi. Ätephüng-a mei nädylä äni ce lä bälung tangkö kha Säthaw bung mäny haw ö y.

Asang Khongso New Testament

¹⁸ palungthin loa ving o khak. Sithaw mah paek ih hinghaih thungah a paa o ai, kawmawtiah tidoeh panoek pacak o ai moa palungthin to a thah o krang.

Ephesi 4:18 ပူးပေါင်းရင်းမြစ်များ

Mathai 13:15

Ätephüng-a mei nädylä hini khimi ce üng bälung lä tangkö ö te vi. Äni ce lä känawkhing pang ö te vi. Äni ce üng ämi lä bäjö ö te phüng-a vi. Tukä y dylä, äni ce lä känawkhing hai thai ö ai. Äni ce üng ämi hai nung haw kha bälung hai la mäny va haw ö vi ai. Äni ce lä hini kätyng awng kha kai tea aekö haile dylä, äni ce üng känaw käsaw hawi sa ö vi ai.’

Marka 3:5

Äni ce lä bälung tangkö te phüng-a Isu lä kädawtho te hai äni ce te mang-a aehawi ea kheng pa. Tukha khimi känaw tea “Nang üng äkö bäjang lawi” näpa. Tukha äni lä äkö mätaw ea äni üng äkö la hawi ping pa vi dy.

Johan 12:40

Äni lä “Säthaw ma äni ce üng ämi bäjö hai pa te vi. Äni ce üng bälung la tangkö hai pa vi. Tukätephüng-a äni ce üng ämi na la nung haw ö y. Bälung hai la mäny haw y. Äni ce üng naw saite na hawi hethang kai tea aekö haile tyng ö y” näpa.

Angtawtha 17:30

Jangni-a khimi ce ma Säthaw bung mäny y ngaila äni lä bälung käsa hai awng te vi. Vaihi lä mityng qütä-a khimi ce aedawng mäkhüng hethang hai, äni tea aekö haile tyng hai hethang äni lä losai py te vi.

Angtawtha 3:17

“Rawijae na ä, nang ce lä nang ma ce üng mätawngky na ma, Isu lä Mesia vi näte mäny y te phüng-a, hini kätyng sa te kai lä mäny vi.

Pawlae ma Rom märü üng kangkawng tähang tärü saite cae 1:28

Hini khimi ce lä äma ce üng bälung thung-a, Säthaw üng phüng mänykaw saite tea aedawng haile he ngai ö te y vi. Tukätephüng-a Säthaw lä äni ce sa hethang kae y saite na sa hai he äni ce üng aetütü te bälung kaedawng na a pa vi dy.

Pawlae ma Rom märü üng kangkawng tähang tärü saite cae 11:25

Kangby jä-ai na ä, kai lä Säthaw üng ho saite na nang ce tea mäny hai hethang ngai te vi. Tudylä nang ce lä nang ma ce tea, “Mä-ai lä tengxyng y bälunghae vi dy” näkha dawng ö y ai dy. Honi ho saite lä hini kätyng vi. Isrelae khimi na üng bälung tangkö saite lä dungtäsa aekang y lyng. Ceng kälang na thung üng Säthaw tea yng saite na cungrü te khytä kae vi.

Pawlae ma Rom märü üng kangkawng tähang tärü saite cae 11:7

Isrelae khimi na lä äma ce ha saite na tea aeting y näte mäny ö sy te vi. Säthaw ma re saite khimi äje cäcaw ni aeting te kae. Säthaw lä khaisö saite khimi ce üng bälung tea tangkö hai kha äni ce lä ka saite tea thai ö y vi.

Pawlae ma Rom märü üng kangkawng tähang tärü saite cae 2:19

Nang lä ämi kangjö tea lolang mätü saite, käving thung-a ly saite na tähang kaevang, mänykaw y te na tea mätü saite hai nade na üng särae näkha dawng te vi. Ubädi hai-a bälunghae saite hai Säthaw üng phüng lä mitang khaw vi näte nang lä dawng te vi.

1 Korin 1:21

Säthaw üng bälunghae saite mawlang kaedawng hai-a khimi ce lä äma ce üng bälunghae saite hai manila Säthaw tea mäny haw ö y näkha Säthaw lä aedawng khü te vi. Säthaw üng mawlang kaedawng lä mä-ai thui saite Khrista üng bälunghae y te Angthang tea yng saite khimi na bung äni ma aeqang saite na tea näte vi.

1 Korin 2:8

Vaihi dung üng hini älawngpre tea pyng saite mätawngky na lä Säthaw üng bälunghae te hai sa rüng saite mawlang kaedawng tea mänykaw ö y vi. Säthaw ma sa saite na tea mänykaw dylä, äni ce lä phung-ang awng saite mä-ai üng Areng bung thinglang qawng-a saemu hai täheng kha bädü ö y lyng.

2 Korin 3:14

Säthaw lä Isrelae khimi na üng bälung na tea tangkö hai pa te vi dy. Tukätephüng-a, äni ce lä vaihi khytä, aenai saite älo kangrüng üng ubädi phai te kätü-a, khimi ce üng bälung lä känih haetä hai khu te kätyng awng vi. Khimi lawngtä Khrista tea yng dylä, Khrista ma honi känih tea mäthuija pa te vi.

2 Korin 4:4

Hini älawngpre tea pyng saite Setan lä yng y saite khimi na üng bälung kaedawng na tea ving hai pa te vi. Tukätephüng-a äni ce lä Khrista phüng Angthang Kähawi üng phung-ang aesang saite kaevang tea nung haw ö y. Khrista lä Säthaw hai aetawng khaw te vi.

Galati 4:8

Jangni-a nang ce lä Säthaw bung mäny y te kätü-a lä, Säthaw y saite nang ce tea säbawng haw saite mimi na tea cäphaw ö vi dy.

Ephesi 2:1

Jangni-a nang ce lä Säthaw üng lo tängai ö y kha hunghö sa te phüng-a, khimi kädü na kätyng vi dy.

Ephesi 2:12

Jangni-a nang ce lä Khrista hai aesui ö te y. Nang ce ceng kälang na lä Isrelae khimi thung-a qa ö te y vi. Säthaw ma Isrelae khimi na hai mangtä älo aenai saite na thung-a nang ce lä qa ö y vi. Tukätephüng-a nang ce lä Säthaw tea mäny y te hai aethang khai te awng y käla ma hini älawngpre-a awng ö te vi.

Kolosa 1:21

Jangni-a nang ce üng hawi y saite bälung mäke phüng-a, Säthaw hai hanglaw saite mityng-a awng ea lä äni üng täre na lawng ö vi dy.

1 Thesalon 4:5

Säthaw tea mäny y saite na kätyng ngaiphi tüng y saite mang-a hui ö hang.

Hebrai 5:2

Mäthykung kälengky äma khekhe lä aethawdi saite khimi vi. Tukätephüng-a sa tämang saite na tea lä mäny y te phüng-a, hunghö sa saite khimi na tea äni lä bäheng haw te vi.

Hebrai 9:7

Tungaila mäthykung kälengky xyng ni taipung üng äbaeni ingthung khaw-a lä säningtä-a qengtä xyng kung te kae vi. Äni lä äma üng hunghö tähang hai khimi ce üng mäny y käla sa tämang saite hunghö na tähang-a löci sa pa hethang löci aesa saite tawngbawi üng äthi tea süng kha kung hethang kae.

Jako 4:4

Nang ce lä täkübäjang sa ö saite kätyng vi. Nang ce lä honi älawngpre üng hawi y saite älang tea bälung aevaw dylä, Säthaw tea esäre te vi dy näte nang ce lä mäny ö y mei. Hini älawngpre üng rawijae aesa hethang ngai saite khimi lä Säthaw üng täre-a lawng te vi dy.

1 Piter 1:14

Nang ce lä älo tängai saite Säthaw üng caw nade na kätyng hing hethang kae. Vaihi nang ce lä nang ma ce üng ngaiphi tüng y saite bälung kätyng hui ö hang. Honi lä Säthaw bung nang ce mäny y te kätü-a, sa saite kae.

1 Johan 2:11

Tungaila khimi lawngtä lä rawijae tea esäre dylä, käving thung-a awng te kae vi rawng. Äni lä käving thung-a aeke kha mamang-a ly te mei näte mäny y vi. Ätephüng-a mei nädylä käving lä äni tea ämi kangjö kätyng lawng hai pa te phüng-a vi.