Ephesi 4:16 - Caekäcai Kangthae (Lemi)

¹⁶ Khrista lä äma üng ätabung kaesui kaepreng angxynlyng na tea kaebäla-a mangtä käcüng te vi. Ätabung aela xhixae y hethang mä-ai lä aesätawng saite ähu ähawng hai aethaw rui na kätyng vi. Ätabung angxynlyng na üng kaesui kaepreng angxynlyng na äma ce üng kälu sa qi dylä ätabung angxynlyng na lä ryng kha aethaw awng te hai ätabung kaepreng tingtawi bälung aevaw ö qi te vi.

Asang Khongso New Testament

¹⁶ Khrih angmah ih ukhaih hlimah takbum pongih kampraek kalah kalahnawk boih to angpaeh o king. Ahuh kamtom hoi ahuh tangkhring mah takbum boih to maeto ah tacu king. Topongah takbum pongih kampraek kalah kalahnawk boih loa angmahcae mah sak hankoi to a sak o rip na-ah takbum boih hae amlunghaih hoiah a qoengh tahang.

Ephesi 4:16 ပူးပေါင်းရင်းမြစ်များ

Johan 15:5

“Kai lä Cäpje kung hai aetawng vi. Nang ce lä cangpre na hai aetawng vi. Khimi lawngtä lä kai hai aesui kha kai lä äni hai aesui ea ni, äthai aethai mang vi ai. Kai ma nang ce tea säbawng y dylä nang ce äte la sa haw y lyng.

Pawlae ma Rom märü üng kangkawng tähang tärü saite cae 12:4

Mä-ai üng ätabung-a lä kaepreng na awng mang vi. Honi kaepreng angxynlyng na lä äma ce üng kälu na awng ö qi te vi.

1 Korin 10:17

Täkaw lä haetä awng te phüng-a, hini täkaw tea ca saite mä-ai lä awng mang ö ngaila, ätabung lä haetä kätyng vi.

1 Korin 13:13

Tätang khaw-a lä yng saite, aethang khai saite hai bälung aevaw saite näkha hini äthungtä na lä awng jawjaw ö ai. Hini äthungtä thung-a, bälung aevaw saite lä aesangky vi.

1 Korin 8:1

Vaihi mä-ai lä Säthaw bung mäny y saite khimi na ma mimi na tea löci sa saite mawi phüng thui ö si. Mä-ai angxynlyng na lä hini tea mäny saite bälung awng näte nang ce lä thui haw ö vi. Mäny saite khimi phütä na tea bälung leng ö te vi. Tungaila mä-ai Khristen na tingtawi bälung aevaw dylä, mä-ai ma tingtawi aethaw aepy ö te vi.

Galati 5:22

Muilaw Käcai ma mä-ai tea pyng dylä, äni ma mä-ai tea sa hai saite na lä: bälung aevaw saite, anghawtho saite, awngneng saite, änawngsa saite, bäsai y saite, kähawi sa saite, ae-y nae hawi saite, älo käneng aepe saite, mä-ai ma tea aeküng haw saite na vi. Honi na tea lä Mosi üng Ubädi la elekhei sa y lyng.

Galati 5:6

Mä-ai lä Isu Khrista hai mangtä aesui te kätü-a, lengkhüng täke te hai, täke y te lä, aely leng te y lyng. Khrista tea yng kha mä-ai lä Säthaw hai khimi ce tea bälung aevaw saite lä aely lengky vi.

Ephesi 1:4

Hini khölawng pre sa y te kälang üng hai ma mä-ai bung lä Khrista phüng-a re pyng te vi dy. Mä-ai bung lä äni üng maw-a caiping kha cy haw y hethang re te vi dy. Säthaw lä mä-ai tea bälung aevaw kha Isu Khrista ma sa pa saite hai-a äma üng caw nade na kätyng bälawng hai hethang aedawng rüng te vi dy. Säthaw ma hikä sa te lä äma kawng hethang äma üng aely kängai vi.

Ephesi 3:17

Tukäte hai-a nang ce üng yng te phüng-a, nang ce üng bälung thung-a Khrista lä awng ai. Thingkawng lä älawng thung-a angjüng ru kha ca khi te kätyng nang ce lä Säthaw üng bälung aevaw saite thung-a cakhi ö by hethang kai lä aetang te vi.

Ephesi 3:7

Säthaw lä äma üng tähang kähawi hai haidae hai-a kai tea hini Angthang Kähawi thui hethang mawsawng-a bälawng te vi dy.

Ephesi 4:12

Khrista ma hini kätyng sakaw saite na py te lä Säthaw üng khimi na tea äma tähang kälu sa hethang aerü rüng hai te vi. Tudylä Khrista üng ätabung lawng saite Säthaw üng kangkawng angxynlyng na lä aethaw awng kha ryng ö rae vi ai.

Ephesi 4:15

Hini jüng-a, mä-ai lä bälung aevaw te hai lo mitang tea thui te hai-a, mä-ai lä äte angxynlyng na-a Khrista kätyng aetawng rae kha ryng ö ai. Khrista lä kangkawng üng älö vi.

Filipi 1:9

Nang ce üng bälung aevaw saite hai bälungkähae hai kätüng mäny saite thung-a ryng rae ryng rae hethang tähang kai lä aetang te vi.

Kolosa 2:19

Äni ce lä ätabung üng älö kätyng awng saite Khrista tea aenyng ö te y vi dy. Khrista üng rui saite phüng-a, ätabung-a awng saite äxingxü na hai aethaw rui na lä aesätawng ea ca hethang dang kha Säthaw üng aely kängai-a ätabung angxynlyng na lä ryng ö te vi dy.

Kolosa 2:2

Kai lä äte makäte phüng-a hini kätyng sa mei nädylä äni ce angxynlyng tea aethaw py hethang ngai te vi. Äma ce tingtawi bälung aevaw te hai aede ö näkha thui hethang kai lä ngai te vi. Säthaw üng älo käcai tea kätüng khaw-a thaikaw bawi te hai aethawng saite cangxei hethang hawi bärai te na äni ce tea dang hai bawi hethang kai lä ngai te vi. Honi kätyng Khrista näte Säthaw üng mätaw te tea äni ce lä mäny ö ai mang.

1 Thesalon 1:3

Mä-ai üng Pä-ai Säthaw maw-a nang ce üng yng kha sa saite kälu tea kai ce lä aedawng haile jawjaw ö te vi. Nang ce üng bälung aevaw saite hai, kälang na tea aethaw rae kha säbawng saite hai, mä-ai üng Areng Isu Khrista tea aethang khai khü te phüng na tea kai ce lä aedawng haile jawjaw ö te vi.

1 Thesalon 2:13

Kai ce ma Säthaw tea kawng te lo thui jawjaw te phüng lä, nang ce ma kai ce te üng Säthaw lo thai kha yng ö te phüng-a vi. Honi lä khimi ce üng lo angthang y käla Säthaw üng lo angthang kätyng aedawng ö te vi. Hini lä Säthaw üng lo tätang khaw vi. Honi lo angthang hai-a yng saite na üng bälung tea lä Säthaw ma mäqa pa te by vi.

1 Thesalon 3:12

Areng lä nang ce üng lawng lawngtä tea bälung aevaw hethang hai khimi qütä bälung aevaw saite leng rae, leng rae hethang tähang säbawng sy näte kai ce la aetang ö by dy. Hini kätyng kai ce la nang ce tea bälung aevaw ö te by vi.

2 Thesalon 1:3

Yng saite kangby jä-ai na ä, kai ce lä nang ce tähang kätü qütä Säthaw tea kawng te lo thui jawjaw hethang kae ö te vi. Kai ce lä hikä sa hethang hawi khaw ö vi. Ätephüng-a mei nädylä, nang ce üng yng saite ryng rae, ryng rae kha lawng lawngtä tea bälung aevaw qi saite lä äkung na kätyng aepa phung jawjaw ö te phüng-a vi.

1 Timote 1:5

Hini särilo üng mawkung lä yng saite na üng lawng lawngtä tea bälung aevaw saite vi. Hini bälung aevaw te na cai saite bälung hai, käsi sa y näkha mäny saite hai kätüng yng saite bälung awng saite khimi na lä dang haw ai.

1 Piter 1:22

Nang ce üng lo mitang tängai saite hai-a, nang ce lä käcai na-a lawng ö te vi dy. Tukha nang ce lä nang ma ce üng yng saite äpy kälang na tea bälung aevaw khaw ö te vi. Lawng lawngtä tea bälung mäke hai bälung aevaw ö lawi.

1 Johan 4:16

Tukha Säthaw ma mä-ai bung bälung aevaw saite tea mä-ai lä mäny khe kha yng ö te vi. Säthaw lä bälung aevaw saite Kung vi. Khimi lawngtä ma Säthaw hai khimi kälang na tea bälung aevaw jawjaw dylä Säthaw hai bungtä äni lä awng te vi. Säthaw la äni hai bungtä awng te by vi.