Ephesi 4:14 - Caekäcai Kangthae (Lemi)

¹⁴ Tupyng-a mä-ai lä nade na kätyng y lyng. Kaesyng y-a mätu saite hai kaeling kaemae sa saite na lä mä-ai tea the haw ö y dy. Mä-ai lä aeli pui hai tuileng ma bäja rungrang saite bälawng haetä kätyng y vi dy.

Asang Khongso New Testament

¹⁴ Tona-ah loa pasoem hmang ih lok kamlai hoiah minawk to lam angkhraengsak hanah kaling kaminawk mah patukhaih ih tuiphu hoi takhi mah koehkoeh nabangah ka sin lingloi naukta batiah aicae loa om o mak ai boah.

Ephesi 4:14 ပူးပေါင်းရင်းမြစ်များ

Mathai 11:7

Baptismae Johan üng äkähui na tho sälö ea, Isu ma Johan phüng khimi ce tea thui pa dy. Äni ma “Nang ce lä äte bung nung hethang ngai kha daithung kärang mang-a ly ö te mei. Aeli tho kha aehüng saite säbö kung tea kheng ö he mei.

Mathai 24:11

Tukha buisaw käjüng aesa saite khimi na lä tho kha khimi awng mang na tea kaeling sa ö vi ai.

Mathai 24:24

Mesia käjüng aesa saite hai buisaw käjüng aesa saite na tho kha cangxei saite na hai kamarae na mätü ö vi ai. Äni ce sa haw dylä, Säthaw ma re saite khimi na tea mäteng ma yng te tämang rung khytä sa vi ai.

Angtawtha 23:21

Äni ce üng mäkai te kätyng tängai hang ba. Lolang-a khimi lawng ruibälitä cang y te na lä aw kha aemaw ö vi. Äni ce lä Pawlae bung bädü y rytä äte käcakänei la ca y näkha älo aedo ö te vi. Vaihi äni ce lä Pawlae bung bädü hethang aerü rüng kha nang ma Pawlae bung mätaw hethang thui saite lo tea aering ö te vi dy” näpa.

1 Korin 12:2

Nang ce lä Säthaw bung mäny ö y te kätü-a, Setan lä nang ce tea lang tämang hai hethang älo aepe haw y saite mimi na tea cäphaw hethang the te tea nang ce lä mäny ö pyng te vi dy.

1 Korin 14:20

Kangby jä-ai na ä, nang ce lä ryng y saite nade na kätyng dawng ö hethang kae y. Hunghö sa saite-a lä nade na kätyng awng ö. Tungaila ryng saite khimi na kätyng nang ce lä aedawng ö lawi.

1 Korin 3:19

Hini älawngpre üng khimi na ma bälunghae te kätyng dawng saite lä Säthaw üng maw-a aetütü kae vi. Caekäcai thung-a lä, “Säthaw ma bälunghae vi näkha dawng saite khimi na tea lä äma ce üng bälung kaeke kaeme hai-a mäthang sa pa vi ai” näkha tärü te vi.

2 Korin 2:17

Khimi awng mang saite na lä ävang dang hai hethang Säthaw üng lo thui ö te vi. Mä-ai lä hini khimi ce kätyng y. Säthaw ma mä-ai bung mätaw te phüng-a, mä-ai lä Säthaw üng maw-a bälung mitang khaw hai Khrista üng Angthang thui ö te vi.

2 Korin 4:2

Kai ce lä saerae hethang hai ho hethang hawi khaw saite kälu angxynlyng na tea khaisö ö vi dy. Kai ce lä ämi tea la kaeling sa te y kha Säthaw üng älo lä aemäqa te y vi. Kai ce lä lo mitang tea thui phrang ö te vi. Hini kätyng Säthaw üng maw-a cüng vi näte khimi angxynlyng na üng bälung thung-a mäny haw ö te vi.

Galati 3:1

Kalatia khö üng yng saite kangby jä-ai na ä, ätephüng-a nang ce lä kaerö na kätyng sa ö te vi mei. Nang ce tea ämi ma aedawi hai sa te mei. Kai lä nang ce tea Isu Khrista üng Angthang thui te thüng-a, äni ma thinglang qawng-a dü pa saite lä nang ce üng ämi hai nung ö khe te kätyng vi dy.

Ephesi 6:11

Nang ce lä Säthaw ma py saite täre aevyng angxynlyng na tea aelawng ö. Tudylä Setan angra üng hawi y saite kaedawng na tea nang ce lä aedung haw ö ai mang.

1 Timote 3:6

Säthaw tea yng saite khimi kangthae lawng hethang kae y. Y dylä äni lä bälung leng lae ai. Hokä dylä Säthaw ma Setan angra tea deng py te kätyng-a äni tea la deng py by ai.

2 Timote 1:15

Asia pre cäpi-a awng saite yng te khimi awng mang te na ma kai bung lä khaisö te nang lä mäny te vi dy. Honi thung-a Phukela hai Hemokena ni mäteng ma qa hawi te vi.

2 Timote 3:13

Käsi sa te hai kaeling sa te khimi na lä sa tämang ö rae ai mang. Äni ce lä khimi ce tea kaeling sa te kätyng khimi kälang na ma la äni ce tea kaeling sa ö by ai.

2 Timote 4:3

Khimi ce lä kätüng mätu te na tea tängai hethang ngai y te kätü lä tyng ai rawng. Äni ce lä äma ce üng ngaiphi tüng y saite mang-a hui ö ai. Tukha äni ce lä thai hethang ngai saite lo mätu te särae rangpui na tea ha ö vi ai.

Hebrai 13:9

Angthang Kähawi y käla äte cawngkhang kätüng y kangthae mätu saite na tea hui y hethang nang ce lä sädi khai ö. Säthaw üng tähang kähawi hai-a mä-ai üng bälung thung-a aethaw awng hai hethang lä hawi ö te vi. Judae khimi na üng reitae kätyng ca hethang lä ävang ting te y vi.

Jako 1:6

Tungaila khimi lawngtä mäkai dylä, yng khü kha yng vawng y saite bälung lä awng hethang kae y. Yng khü y saite khimi lä aeli kangcai hai-a bungba saite pangle tui leng kätyng vi.

Jako 3:4

Tui sangphaw käleng pui na lä aelipui na üng aethaw hai-a ly ö te vi. Sangphaw tea lä ta cäpi hai-a ly hethang ngai saite mang-a sangphaw bähawi saite kung ma mäqa te vi.

2 Piter 2:18

Äni ce lä aethaw kha aetütü saite lo na aepe ö te vi. Äni ce lä mimi na bung khaisö kha tänaetä Khrista tea yng saite khimi na tea ngaiphi tüng y saite bälung hai-a hunghö sa hethang the pa ö te vi.

1 Johan 2:19

Hini khimi na lä mä-ai thung üng thoja ö te vi. Tätang khaw-a nädylä äni ce lä mä-ai hai aesui ö te y lyng. Äni ce mä-ai hai aesui dylä, mä-ai hai mangtä awng jawjaw ö vi ai. Tungaila mä-ai thung üng tho kha ly ja vi dylä, mä-ai hai aesui te y näte tea mätü ö te vi dy.

1 Johan 2:26

Nang ce tea lang tämang hai hethang the saite khimi na üng phüng na kai lä tärü te vi.

1 Johan 4:1

Kai üng bälung aevaw saite rawijae na ä, Säthaw üng Muilaw lä kai tea awng näsaite khimi qütä üng älo na tea lä yng ö hang. Khimi lawngtä lä Säthaw üng Muilaw hai thui mei, thui y mei näte tea mäny hethang nang ce lä kähawi-a aedawng khü kha säny hethang kae ö te vi. Buisaw kaeling awng mang saite na lä älawngpre mityng qütä-a tyng kha awng ö te phüng-a vi dy.

Judae 1:12

Äni ce lä nang ce hai mangtä aede saite pawi-a nei ca ö te vi. Äni ce üng sa tämang saite na tea aejae y käla ma Areng tea tämö khai y te phüng-a nang ce üng pawi tea äni ce lä nüng hai ö te vi. Äni ce lä äma ce tähang qaitä dawng saite beram kärui kung na kätyng vi. Äni ce lä aeli ma mäsaeja kha khöne hai y saite tämai na kätyng kae. Äni ce lä kätü tyng ngaila äthai aethai y saite thingkawng kung na kätyng kae vi. Äni ce lä angjüng aephawi pyng saite thingkawng kung na kätyng kae vi kha dü king ö saite na vi.

Lokphong 19:20

Areng lä mawikäsi hai äni üng jüng-a cangxei mätü saite buisaw kaeling bung lä ne vi dy. Buisaw kaeling lä mawikäsi üng äsäny awng saite hai mawikäsi üng mimi tea cäphaw saite khimi na tea cangxei te na hai-a kaeling kaemae sa pa vi dy. Areng lä änini lawng netä bung keng maikang saite maipui tuilipui thung-a kanghing-a ma käde hawi mei pa vi dy.