Ephesi 4:12 - Caekäcai Kangthae (Lemi)

¹² Khrista ma hini kätyng sakaw saite na py te lä Säthaw üng khimi na tea äma tähang kälu sa hethang aerü rüng hai te vi. Tudylä Khrista üng ätabung lawng saite Säthaw üng kangkawng angxynlyng na lä aethaw awng kha ryng ö rae vi ai.

Asang Khongso New Testament

¹² Hitiah a sakhaih ih loa Khrih ih takbum to qoenghsak han-iah Sithaw kaminawk boih mah Khrihca tok to a sak o thaih hanah paroephaih coek ih ni.

Ephesi 4:12 ပူးပေါင်းရင်းမြစ်များ

Luka 22:32

Tungaila nang üng yng saite pra y hethang kai lä aetang pa dy. Kai tea nang ae-y haile te kätü-a lä nang ma ce üng kangby jä-ai na tea aethaw py haile tyng pa jo” näpa.

Angtawtha 1:17

Isu ma Judae la mä-ai hai mangtä kälu sa hethang re te vi kha mä-ai üng khimi by vi.

Angtawtha 11:23

Äni lä honi märü-a tyng ea Säthaw üng tähang kähawi nung te kätü-a lä, anghawtho vi dy. Äni lä Areng Isu tea bälung mitang hai yng jawjaw hethang mätu pa vi dy.

Angtawtha 20:24

Kai lä dü ea la, hing ea la, kai tähang aely leng y lyng. Tungaila Areng Isu ma sa hai hethang kai tea py saite kälu khüng haw hethang sa saite lä aely lengky te vi. Honi kälu lä, Säthaw üng tähang kähawi phüng-a, Angthang Kähawi thui hethang vi.

Angtawtha 20:28

Tukätephüng-a nang ce lä mä-ai ma ce tea sädi hai awng ö. Muilaw Käcai ma nang ce tähang a saite kangkawng tea kähawi-a rui ö. Beram rui saite Kung ma beram rui te kätyng nang ce lä, Säthaw üng kangkawng tea kähawi-a, rui kha kheng ö. Ätephüng-a mei na dylä, Säthaw lä äma üng Cäpaw thi hai-a honi kangkawng bung rang te vi.

Angtawtha 9:31

Honi kätü-a Judae khö, Kalile khö hai Samari khö mityng qütä-a kangkawng na lä awngneng pa vi dy. Kangkawng üng khimi na lä Areng Isu tea ri te bälung hai-a, awng kha Muilaw Käcai ma, äni ce tea säbawng kha aethaw py pa vi. Tukha yng saite na lä awng mang rae pa ö vi dy.

Pawlae ma Rom märü üng kangkawng tähang tärü saite cae 12:5

Honi kätyng-a mä-ai lä aetawng y saite khimi awng mang ö ngaila, Khrista tea lä bungtä te phüng-a, mä-ai angxynlyng na lä ätabung haetä üng aesui saite kaepreng na vi.

Pawlae ma Rom märü üng kangkawng tähang tärü saite cae 12:7

Mä-ai üng sakaw saite lä yng te khimi ce tea säbawng haw vi dylä, säbawng hethang kae. Mä-ai üng sakaw saite mätu dylä, mä-ai lä kähawi-a mätu hethang kae.

Pawlae ma Rom märü üng kangkawng tähang tärü saite cae 14:19

Tukä dylä mä-ai lä awngneng hethang hai lawng lawngtä yng saite aethaw awng hethang aesäbawng ö jawjaw he kae.

Pawlae ma Rom märü üng kangkawng tähang tärü saite cae 15:14

Kai üng kangby jä-ai na ä, nang ce lä hawi saite na hai bälunghae saite angxynlyng na awng näte kai lä ae-y khü te vi. Nang ce lä nang ma ce tingtawi aemätu haw ö te vi.

Pawlae ma Rom märü üng kangkawng tähang tärü saite cae 15:2

Mä-ai angxynlyng na lä yng te aethawdi saite kangby jä-ai na üng yng saite ryng hai hethang säbawng ö he kae. Äni ce üng kähawi tähang äni ce tea kawng hai hethang mä-ai lä säbawng ö qi hethang kae.

Pawlae ma Rom märü üng kangkawng tähang tärü saite cae 15:29

Tukha nang ce tea kai tyng te kätü-a, Khrista ma py saite tähang kähawi awng mang saite na hai ly ai näte kai lä mäny vi.

1 Korin 12:27

Nang ce lä Khrista üng ätabung vi. Nang ma ce thung üng khimi qütä lä honi ätabung üng kaepreng haetä lawng qi te vi.

1 Korin 12:7

Muilaw Käcai lä sakaw saite na mä-ai tea py qi vi dy. Tudylä mä-ai yng saite na lä lawng lawngtä tea sabawng haw ö qi te vi.

1 Korin 14:12

Nang ce lä Muilaw Käcai üng py saite sakaw te na tea ngai ö phi te vi. Tukätephüng-a Khristen kangkawng aethaw awng hai hethang säbawng saite sakaw te na dang he nang ce lä ngaiphi te bälung awng ö.

1 Korin 14:14

Kai lä mäny haw y saite lo hai aetang dylä, kai lä Muilaw Käcai hai-a aetang te vi. Tungaila kai ma khekhe lä kai aepe saite lo na tea thaikaw te y.

1 Korin 14:26

Kangby jä-ai na ä, kai thui hethang ngai te lä hini vi. Nang ce lä Säthaw tea cäphaw hethang mangtä aecö te kätü-a, lawngtä lä ae-awi thui, lawngtä lä Säthaw lo mätu, lawngtä lä äma tea Säthaw ma aetüng hai saite phüng thui, lawngtä lä mäny haw y saite lo hai angthang thui kha lawngtä ma lä mäny haw y saite lo tea thui mäcai pa te vi. Hini sakaw saite angxynlyng na lä kangkawng tea säbawng hethang tawng he kae.

2 Korin 12:19

Ämi ma la kai ce tea cy haw y hethang älo thui saite na nang ce lä kätü qütä aedawng ö mei. Kai ce lä Khrista hai bungtä kha Säthaw üng maw-a älo thui ö te vi dy. Bälung aevaw saite kängby jä-ai na ä, kai ce sa saite angxynlyng na lä nang ce üng yng saite na ca rae hethang vi.

2 Korin 13:11

Kai üng kängby jä-ai na ä, kangkhüng üng cibai sa saite lo lä nang ce lä nawsaw hawi kha anghawtho ö sy. Cungrü hethang aethawsa ö. Kai ma nang ce tea thui pyng saite tea tängai ea bälung haetä awng kha awngneng te hai-a ma awng ö. Hini kätyng nang ce sa dylä, bälung aevaw te hai awngneng te käpy Kung, Areng Säthaw, lä nang ce hai mangtä awng ai.

2 Korin 13:9

Kai ce aethawdi te kätü-a, nang ce aethaw awng dylä, kai ce lä kawng ö vi. Kai ce lä nang ce tea cungrü saite khimi na lawng hethang aetang ö te vi.

2 Korin 3:8

Muilaw Käcai üng kälu lä Ubädi tyng te qawng-a cang y phung-ang aesangky tätang khaw ai.

2 Korin 4:1

Säthaw üng bäheng saite hai-a äni ma kai ce tea hini kälu sa hai hethang py vi dy te phüng-a, kai ce lä aethawdi ö te y vi.

2 Korin 5:18

Hini angxynlyng na tea lä Säthaw ma sa te vi dy. Mä-ai lä Khrista hai-a Säthaw üng täre na lawng saite üng hai äni üng kängby jä-ai na-a lawng ö vi dy. Tudylä äni ma mä-ai tea lä khimi kälang na bung la Säthaw üng kängby jä-ai na lawng hai by hethang kälu py te vi dy.

2 Korin 6:3

Kai ce lä khimi ce ma hunghö sa kha Angthang Kähawi tea tängai y hethang äte la sa ö te y. Ätephüng-a mei nädylä kai ce tea Säthaw ma py saite kälu phüng khimi ce ma käsi thui hai hethang ngai ö te y vi.

2 Korin 7:1

Kangby jä-ai na ä, Säthaw üng hini aedo saite na lä mä-ai tähang vi te phüng-a, mä-ai ma tea ätabung hai bälung üng ngaiphi tüng y saite angxynlyng na tea lä aemäcai pang ö si. Mä-ai lä Säthaw tea ri kha tämö khai saite hai-a käcai ping-a awng ö si.

Ephesi 1:23

Yng saite kangkawng lä Khrista üng ätabung kätyng vi. Kangkawng lä Khrista üng hing saite hai kawi te vi. Khrista lä mityng qütä-a awng te angxynlyng na tea kähing py saite Kung vi.

Ephesi 4:16

Khrista lä äma üng ätabung kaesui kaepreng angxynlyng na tea kaebäla-a mangtä käcüng te vi. Ätabung aela xhixae y hethang mä-ai lä aesätawng saite ähu ähawng hai aethaw rui na kätyng vi. Ätabung angxynlyng na üng kaesui kaepreng angxynlyng na äma ce üng kälu sa qi dylä ätabung angxynlyng na lä ryng kha aethaw awng te hai ätabung kaepreng tingtawi bälung aevaw ö qi te vi.

Ephesi 4:29

Älo aetütü saite na hai khimi kälang na tea naw rung khytä aepe ö hang. Honi jüng-a, khimi kälang na aethaw dang saite lo na nang ce lä aepe ö. Thai saite na tähang aesäbawng saite lo na aepe ö ba.

Ephesi 4:4

Mä-ai yng saite na lä khimi lawngtä üng ätabung kaesui kaebeng kätyng vi. Mä-ai üng bälung thung-a aeta saite Muilaw Käcai lä lawngtä kae. Hini kätyng Säthaw lä nang ce bung ka te kätü-a, aethang khai saite haetä py te kae.

Kolosa 1:24

Nang ce tähang mätang bälai saite phüng-a vaihi kai lä anghawtho te vi. Khrista lä kai bung mätang bälai hai he ngai te angxynlyng na tähang-a kai lä aerü rüng te vi dy. Khrista üng ätabung kätyng awng saite kangkawng tähang mätang saite tea äma üng aely kängai cungrü hai hethang kai lä mätang te vi.

Kolosa 1:28

Kai ce lä Khrista üng Angthang khimi qütä tea thui ö vi. Säthaw ma py saite bälung kähae hai kai ce lä khimi qütä tea mäcü ö te vi. Khrista hai mangtä aede hethang khimi qütä lä Säthaw maw-a tyng te kätü-a cungrü hai hethang kai ce lä honi kätyng sa ö te vi.

Kolosa 4:17

Nang ce ma Akhipa tea, “Areng ma ae-y kha sa hethang py saite kälu tea lä khüng king rung khytä sa he kae” näkha thui pa ö ba.

1 Timote 1:12

Mä-ai üng Areng Isu Khrista tea kai lä kawng te lo thui dy. Äni lä kai tea aethaw py te vi. Äni üng kälu sa hethang re kha ae-y haw saite khimi lawngtä kätyng-a kai bung aedawng hai pa te phüng-a vi.

2 Timote 4:11

Luka ma qaitä ni kai hai mangtä awng te kae. Marka bung lä mäqang kha nang hai mangtä nähai ba. Ätephüng-a mei nädylä äni lä kai üng kälu tea säbawng haw ai te phüng-a vi.

2 Timote 4:5

Tungaila, Timothe ä, nang ma tea nang ma kätü qütä aeküng hethang kae. Mätang bälai te kätü-a, nang lä änawngsa ba. Angthang Kähawi thui ba. Säthaw ma py saite kälu angxynlyng na tea nang lä sa king ba.

Hebrai 13:17

Nang ma ce üng mätawngky na älo tea lä tängai ö ba. Äni ce thui saite na kätyng sa ö. Äni ce lä nang ce üng bälung na tea aehae y käla rui khü ö te vi. Ätephüng-a mei nädylä, äni ce lä äma ce üng kälu na phüng Säthaw tea thui hethang kae ö te vi. Nang ce lä äni ce üng älo tea tängai dylä, äni ce lä äma ce kälu tea anghawtho te hai sa ö ai. Tungaila nang ce ma tängai y dylä, äni ce lä bälungsi saite hai kälu sa ö ai. Honi lä nang ce üng tähang äte la ävang ting y lyng.

Hebrai 6:1

Tukätephüng-a angcü üng Khrista phüng mätu saite na tea khaisö kha yng te ryng hai hethang mätu saite na tea mä-ai lä ly ö si. Mä-ai üng yng saite aenyng nae tea lä mätu haile tyng hethang aely ngai te y lyng.