Ephesi 4:10 - Caekäcai Kangthae (Lemi)

¹⁰ Hini älawngpre-a cäqa saite lawngtä lä khösang qawng-a aesangky saite mityng mang-a paw ja saite lawngtä hai mangtä kae. Tukätephüng-a äni lä Käni hai älawng mityng qütä-a awng haw te vi.

Asang Khongso New Testament

¹⁰ Topongah kanghum tathuk kami loa long hoi van bum boih ah koi king hanah van hoi van laepbang khoekto ah ka daw tahang angmah toengtoeng to ni.

Ephesi 4:10 ပူးပေါင်းရင်းမြစ်များ

Mathai 24:34

Tängai ö. Hini angxynlyng na tyng te cung bawi y rytä lä vaidung üng kaetha na lä dü ö y vi ai rawng.

Luka 24:44

Tupyng-a Isu ma äni ce tea “Kai lä nang ce hai mangtä awng te thüng-a thui saite lä ‘Mosi üng Ubädi hai buisaw lo na mang hai Sam cae-u mang hai kai üng phüng tärü saite angxynlyng na lä cung hai bawi he kae’ näte hini lo na lä vaini ma cung bawi te vi dy” näpa.

Johan 1:16

Äni mä-ai angxynlyng na tea bälung aevaw kha tähang kähawi py jawjaw vi dy.

Johan 19:24

Reisae na ma “Hini känih tea sä-ei ö hang. Phui sa kha aeri ö si” näkha äma ce tingtawi aethui ö dy. Hini kätyng reisae na sa te lä Caekäcai thung-a “Äni ce lä Kai üng nitha, kä-o na aeri ö vi. Kai üng känih tea phui sa ö vi,” näkha tärü saite lo lä cungrü hai te vi dy.

Johan 19:28

Honi kätü-a äte angxynlyng na lä khüng dy näte Isu lä mäny dy. Tupyng-a Caekäcai thung-a tärü te kätyng “Kai tui aehe vi” näkha näpa.

Johan 19:36

Caekäcai cungrü hai hethang tähang-a, hini na tyng te vi dy. Caekäcai thung-a lä “Äni üng ähu haetä la aekhy hang sy” näkha tärü te vi.

Angtawtha 1:11

Äni ce ma “Kalile khimi ce ä, ätephüng-a aedaw kha käni mang-a kheng ö te vi mei. Känipre-a paw saite Isu bung nung te kätyng äni lä äbaeni cäqa haile vi ai” näkha thui pa.

Angtawtha 1:9

Älo thui pyng ea angtawtha na üng ämi känung-a Säthaw ma äni bung Känipre mang-a nähaija pa vi dy. Tämai ma khu kha angtawtha na lä äni bung nung ö y vi dy.

Angtawtha 2:33

Säthaw ma Isu bung äma üng bangtang mang-a khai kha Äpä-ai ma aedo saite Muilaw Käcai tea äni lä dang vi dy. Nang ce vaihi nung kha thai saite lä Areng ma mä-ai tea py saite äni üng lasawng vi.

Angtawtha 3:18

Tungaila Säthaw lä buisaw na hai-a, thui hai rüng te kätyng-a, Mesia lä mätang bälaica vi ai. Hini kätyng Säthaw ma thui saite lo lä cungrü hai te vi dy.

2 Korin 12:2

Leithung üng khösäning hawlai bälitä-a aesangky saite Känipre thung-a Säthaw ma nähaija pa saite Khrista üng äkähui lawngtä bung kai lä mäny vi. Säthaw ma äni üng ätabung tea aesangky saite Känipre-a nähaija te mei y dylä, äsämai mätü te mei näte kai lä mäny y ngaila Säthaw lä mäny te vi.

Ephesi 3:19

Khrista üng bälung aevaw saite lä leng bärai te phüng-a, khimi ce lä thaikaw haw king ö y lyng. Tungaila nang ce lä äni üng bälung aevaw saite tea mänykaw ö hethang kai lä aetang te vi dy. Tudylä Säthaw äma üng aeme aeqa saite na lä nang ce üng bälung thung-a awng kha cungrü haw ö vi ai.

Kolosa 1:19

Tukätephüng-a Säthaw lä äma üng kängai angxynlyng na Äcäpaw tea cungrü hai saite lä äma üng aely ngai phi saite vi dy.

Kolosa 2:9

Khrista lä khimi-a aelawng te kätü-a, äni lä Säthaw üng cungrü saite kätyng hing te vi.

1 Timote 3:16

Ho ea khai saite na tea Säthaw ma mä-ai tea täphawng saite na lä cangxei hethang hawi bärai vi. Honi tea ämi ma eja haw y lyng. Khrista lä khimi cüngtang-a aelawng vi dy. Muilaw Käcai hai-a mä-ai tea Isu lä Säthaw üng Cäpaw tätang vi näkha mätü vi dy. Äni bung lä Känipre angtawtha na ma nung ö vi dy. Äni üng angtawtha na lä äni üng phüng ceng qütä na tea thui ö te vi dy. Hini älawngpre mityng qütä üng khimi na lä Äni tea yng ö dy. Säthaw ma Äni bung lä Känipre-a nähaija vi dy.

Hebrai 4:14

Mä-ai tea Säthaw üng Cäpaw Isu näsaite Mäthykung Kälengky lawngtä awng vi. Äni lä Käni na mang cäqeng kha Säthaw üng maw-a tyng te vi. Tukätephüng-a mä-ai lä täbawng hai aepho kha yng saite tea lä cakhi-a aekhaw ö si.

Hebrai 7:26

Isu lä mä-ai üng aely ngai saite Mäthykung Kälengky vi. Äni lä caiping kha cy nae awng y. Sa tämang saite la awng y. Mä-ai hunghö sa saite khimi na hai äni lä aetawng te y vi. Säthaw lä äni bung Känipre üng aesangky saite mityng-a mäsang pa vi dy.

Hebrai 8:1

Kai ce thui hethang ngai saite lä hini vi. Mä-ai tea lä Känipre Sanphrang Säthaw üng aety nae bangtang mang-a aety saite Mäthykung Kälengky awng vi.