Ephesi 3:9 - Caekäcai Kangthae (Lemi)

⁹ Äte angxynlyng na sa saite Säthaw lä hini äma üng mawlang kaedawng tea jangni üng dung jungtä-a lä ho king kha khai pa te vi dy. Äma üng ho saite mawlang kaedawng lä ätemakä sa ai mei näte khimi angxynlyng na tea thui mäcai hai hethang Säthaw ma kai bung re te vi dy.

Asang Khongso New Testament

⁹ Sithaw amsakhaih ih loktamqu to kawbangah maw amtueng ah om tih tito kami boiboih to hnuksak hanah Sithaw mah tok ang paek. Cungriboih ka sahkung Sithaw mah hnuk bangih dung thung boiboih ah loktamqu to a hawk hmoek.

Ephesi 3:9 ပူးပေါင်းရင်းမြစ်များ

Mathai 10:27

Kai lä nang ce tea käving thung-a thui saite älo nang ce lä khimi ce tea kaevang-a thui pa ö. Kai ma nang ce üng känawkhing teng-a mäcü saite lo nang ce lä khimi ce thai rungtä ingphö qawng mang thui pa ö.

Mathai 13:35

Jangni-a Säthaw ma buisaw hai-a thui rüng saite lä hini kätyng cungrü hai te vi “Kai lä mätae saite lo na tawng kha khimi ce tea älo thui ai. Kai lä älawng sa te üng hai ma täphawng y saite amäjy na thui ai” näkha näpa.

Mathai 25:34

Tupyng-a Kai Sanphrang ma kai üng bangtang mang-a awng saite na tea ‘Ly ö lawi, Kai üng Pä-ai Säthaw üng tähang kähawi dang saite na ä, älawng sa angcü te kätü üng hai ma nang ce tähang sa rüng saite pre tea kung kha pyng ö lawi.

Mathai 28:19

Tukätephüng-a nang ce lä ly ö kha pre angxynlyng na üng khimi na bung kai üng äkähui-a aelawng hai ö. Äni ce tea Pä-ai, Cäpaw hai Muilaw Käcai ämüng hai-a baptismae py pa ö.

Luka 24:47

Hini angthang lä Mesia üng aenae hai-a pre qütä awng saite khimi na tea thui ai. Ae-ui saite khimi na tea lä Säthaw ma hunghö bälawi pa vi ai. Äni ce lä hini angthang tea Jerusalem märü üng hai aetawng kha thui ö vi ai.

Johan 10:30

Pä-ai hai Kai lä bungtä kae vi” näkha näpa.

Johan 5:17

Isu ma “Kai üng Pä-ai lä kälu sa jawjaw vi. Honi kätyng-a kai la kälu sa jawjaw hethang kae” näkha äni ce tea thui pa.

Johan 5:19

Isu ma Judae mätawngky na tea “Tängai ö. Kai Äcäpaw, lä kai ma üng kängai kätyng-a äte haetä la sa haw y. Pä-ai sa saite nung kha hini kätyng sa te kae. Pä-ai sa saite na ni kai, Äcäpaw, la sa te kae.

Angtawtha 15:18

Hini lä Jangni-a Säthaw ma thui rüng saite älo vi” näkha näpa.

Pawlae ma Rom märü üng kangkawng tähang tärü saite cae 11:25

Kangby jä-ai na ä, kai lä Säthaw üng ho saite na nang ce tea mäny hai hethang ngai te vi. Tudylä nang ce lä nang ma ce tea, “Mä-ai lä tengxyng y bälunghae vi dy” näkha dawng ö y ai dy. Honi ho saite lä hini kätyng vi. Isrelae khimi na üng bälung tangkö saite lä dungtäsa aekang y lyng. Ceng kälang na thung üng Säthaw tea yng saite na cungrü te khytä kae vi.

1 Korin 2:7

Kai ce ma thui te bälunghae saite lä Säthaw ma ho te bälunghae saite vi. Angcü üng hai ma Säthaw lä khimi ce tea hini bälunghae saite mätü te y vi. Säthaw lä hini älawngpre sa y te kälang üng hai ma, äni üng bälunghae saite hai-a mä-ai tea phung-ang py hethang sa rüng pyng te vi dy.

Ephesi 1:4

Hini khölawng pre sa y te kälang üng hai ma mä-ai bung lä Khrista phüng-a re pyng te vi dy. Mä-ai bung lä äni üng maw-a caiping kha cy haw y hethang re te vi dy. Säthaw lä mä-ai tea bälung aevaw kha Isu Khrista ma sa pa saite hai-a äma üng caw nade na kätyng bälawng hai hethang aedawng rüng te vi dy. Säthaw ma hikä sa te lä äma kawng hethang äma üng aely kängai vi.

Ephesi 3:2

Kai lä nang ce ceng kälang na tea Angthang Kähawi thui hethang Säthaw ma kai tea äma üng tähang kähawi hai-a py saite kälu lä nang ce thai tätang ö pyng te vi dy.

Ephesi 6:19

Kai tähang la aetang pa jo ba. Säthaw üng ho saite Angthang Kähawi tea mäny hai hethang hai kai lä ri y käla ma thui te kätü qütä-a, Säthaw ma kai tea py te aebäla saite lo thui haw hethang aetang pa ö jo.

Kolosa 1:23

Nang ce lä Angthang Kähawi tea yng jawjaw kha khimi käcüng-a lawng ö hethang kae. Angthang Kähawi thai ea dang saite aethang khai te üng nang ce lä aemäqaja hethang kae ö te y. Nang ce thai pyng saite hini Angthang Kähawi lä älawngpre mityng qütä awng saite khimi na tea thui pa ö. Kai, Pawlae, lä honi Angthang Kähawi üng mawsawng lawng te vi dy.

Kolosa 1:26

Jangni-a Säthaw lä äma üng mawlang kaedawng khimi ce tea mäny hethang py y ngaila, äni üng khimi na tea vaihi lä täphawng pa vi dy.

Kolosa 3:3

Äte makäte phüng-a mei nädylä nang ce lä dü ö pyng te vi dy. Vaihi nang ce üng hing saite lä Säthaw tea Khrista hai mangtä ho ea khai te vi.

Kolosa 4:3

Nang ce lä kai ce tähang la aetang pa ö jo. Tudylä Säthaw lä äma üng angthang thui hethang kai ce tea kätho pä-awng vi ai. Tukätephüng-a kai ce lä jangni-a äni ce mäny vai y saite Khrista üng Angthang khimi ce tea thui haw ö ai. Hini Angthang thui te phüng-a kai bung lä vaihi thawng thung-a pä-ung te vi.

2 Thesalon 2:13

Areng Isu ma bälung aevaw saite yng te kangby jä-ai na ä, nang ce tähang-a kai ce lä Säthaw tea kawng te lo thui jawjaw ö hethang kae te vi. Ätephüng-a mei nädylä äni lä älawng sa te kätü-a ma, aeqang hethang nang ce bung re te vi dy. Äni lä Muilaw Käcai hai-a khimi käcai-a bälawng kha lo mitang tea nang ce üng yng te hai-a nang ce bung aeqang te vi.

1 Timote 3:16

Ho ea khai saite na tea Säthaw ma mä-ai tea täphawng saite na lä cangxei hethang hawi bärai vi. Honi tea ämi ma eja haw y lyng. Khrista lä khimi cüngtang-a aelawng vi dy. Muilaw Käcai hai-a mä-ai tea Isu lä Säthaw üng Cäpaw tätang vi näkha mätü vi dy. Äni bung lä Känipre angtawtha na ma nung ö vi dy. Äni üng angtawtha na lä äni üng phüng ceng qütä na tea thui ö te vi dy. Hini älawngpre mityng qütä üng khimi na lä Äni tea yng ö dy. Säthaw ma Äni bung lä Känipre-a nähaija vi dy.

2 Timote 1:9

Säthaw lä mä-ai bung aeqang kha käcai-a hing hethang ka te vi dy. Äni lä mä-ai üng kähawi sa saite na phüng-a ka te y lyng. Äma ma üng mawlang kaedawng hai tähang kähawi phüng-a vi. Älawng sa y te kälang-a ma, Säthaw lä äma üng tähang kähawi mä-ai tea mätü hethang Isu Khrista bung mätaw te hai-a sa rüng te vi dy.

2 Timote 4:17

Tungaila Areng Isu lä kai äteng-a mangtä awng hai kha aethaw py te vi dy. Tukätephüng-a Khrista üng Angthang Kähawi tea honi mityng-a awng saite ceng kälang khimi angxynlyng na thai hethang kai lä thui king haw vi dy. Khrista ma kai bung lä kädü khaw üng aeqang pa te vi dy.

Titas 1:2

Tukätephüng-a äni ce lä dungtäsa hing saite tea aethang khai ö khü te vi. Ätephüng-a mei nädylä Säthaw ma älawng sa y te kälang-a äma üng khimi na lä dungtäsa hing ö ai näkha älo aedo pyng te vi dy. Äni lä manila älo bälai te awng vai y.

1 Piter 1:20

Säthaw lä älawng sa y te kälang üng hai ma Khrista bung lä re pyng te vi dy. Hini kangkhüng kätü-a, äni lä Khrista bung nang ce tähang täphawng pa te vi dy.

Lokphong 13:8

Hini älawngpre-a awng saite khimi angxynlyng na lä hini mawikäsi tea cäphaw ö ai. Älawngpre sa y kälang üng hai dungtäsa kähing dang hethang ämüng lä bädü saite Beram caw üng cae-u thung-a tärü saite khimi na xyngtä ni mawikäsi tea cäphaw ö y vi ai.

Lokphong 14:6

Tupyng-a käni khösang-a aeja saite Känipre angtawtha kälang lawngtä tea kai lä nung vi. Äni lä älawng qawng-a awng saite khimi na, ceng qütä, amäjy qütä, älo cawngkhang aepe saite qütä na tea dungtäsa Angthang Kähawi thui saite kung vi.

Lokphong 17:8

Honi mawikäsi lä jangni-a hing vai ngaila, vaihi lä hing y vi dy. Äni lä qae y tea ma angqaw khaw käthu üng tho kha Säthaw ma äni tea lä täphra ai. Säthaw lä älawng sa y te kälang-a ma hing saite na üng cae-u thung-a ämüng qa y saite älawng qawng üng khimi na lä honi mawikäsi bung nung te kätü-a, cangxei ö vi ai. Äni lä jangni-a hing ngaila, vaihi lä hing y vi dy. Tungaila äni lä tho haile tyng ai.

Lokphong 4:11

Tukha äni ce ma, “Kai ce üng Areng Säthaw ä, Nang lä phung-ang, tämö khai saite hai haidae dang hethang aeteng khaw vi. Ätephüng-a mei nädylä nang lä äte angxynlyng na tea sa te vi dy. Nang ma üng aely ngai te kätyng äni ce tea sa kha äni ce lä awng ö te vi” näkha thui ö vi.