Ephesi 3:3 - Caekäcai Kangthae (Lemi)

³ Säthaw lä äma üng ho saite kaedawng kai tea täphawng te vi dy. Kai lä hini phüng äje cäcaw nang ce tea tärü pyng te vi dy.

Asang Khongso New Testament

³ Sithaw mah tamqu lamah amsakhaih ih to taphong moa kai khaeah amtuengsak boah. (Hi kawng hae setta ah kang tarik o boah,

Ephesi 3:3 ပူးပေါင်းရင်းမြစ်များ

Angtawtha 22:17

“Kai lä Jerusalem märü-a tyng haile kha Säthaw üng Ingkäcai-a aetang ea äsämai nung vi.

Angtawtha 22:21

Tupyng-a Areng ma ‘Ly lawi. Mityng kähanglaw-a awng saite ceng kälang khimi na tea nang bung kai mätaw ai’ näkha thui vi” näpa.

Angtawtha 23:9

Äni ce ae-e saite lo lä ätüng aesa te qawng-a aesa rae pa vi dy. Pharisai kangkawng thung üng Mosi üng Ubädi särae na lä aetha kha “Hini khimi tea äte sa tämang te la, kai ce lä nung y. Muilaw, y dylä Säthaw üng angtawtha lawngtä ma äni tea thui te daila awng ai müng” näkha ae-e pa vi dy.

Pawlae ma Rom märü üng kangkawng tähang tärü saite cae 11:25

Kangby jä-ai na ä, kai lä Säthaw üng ho saite na nang ce tea mäny hai hethang ngai te vi. Tudylä nang ce lä nang ma ce tea, “Mä-ai lä tengxyng y bälunghae vi dy” näkha dawng ö y ai dy. Honi ho saite lä hini kätyng vi. Isrelae khimi na üng bälung tangkö saite lä dungtäsa aekang y lyng. Ceng kälang na thung üng Säthaw tea yng saite na cungrü te khytä kae vi.

Pawlae ma Rom märü üng kangkawng tähang tärü saite cae 16:25

Säthaw üng phung-ang tea mä-ai lä bälaw ö si. Isu Khrista üng Angthang Kähawi tea kai ma thui te kätyng Säthaw lä nang ce üng yng saite cakhi hai hethang sa haw te vi. Honi Angthang Kähawi lä jangni üng khösäning leithung jungtä ho kha vaihi täphawng saite lo mitang vi.

2 Korin 12:1

Äte la ävang ting te y ngaila, kai lä aethaw haw te vi. Tudylä Areng ma kai ce tea mätü saite äsämai na hai aetüng saite phüng na nang ce tea kai thui ai.

Galati 1:12

Khimi te üng hini angthang kai lä dang te y. Ämi ma la kai tea mätu te y. Isu Khrista ma kai tea aetüng hai te kae.

Ephesi 1:17

Kai lä mä-ai üng Areng Isu Khrista üng Säthaw, phung-ang aesang saite Pä-ai, tea aetang te vi. Nang ce tea Muilaw Käcai üng bälunghae saite hai täphawng saite py hethang äni tea kai lä aetang te vi. Nang ce lä äni tea mäny ö rae ai mang.

Ephesi 3:4

Hini tea phai te kätü-a Khrista üng ho saite angthang kai thaikaw saite tea nang ce la mäny ö ai mang.

Ephesi 3:6

Säthaw üng ho saite mawlang kaedawng lä hini vi. Angthang Kähawi phüng-a, ceng kälang na lä Judae khimi na hai mangtä Säthaw py saite tähang kähawi angxynlyng na lä dang ö by ai. Ceng kälang na hai Judae khimi na lä ätabung haetä kätyng lawng ö te vi. Nang ce ceng kälang na lä Isu Khrista hai-a Säthaw ma Judae khimi na tea aedo saite älo dang ö te by vi.

Ephesi 3:9

Äte angxynlyng na sa saite Säthaw lä hini äma üng mawlang kaedawng tea jangni üng dung jungtä-a lä ho king kha khai pa te vi dy. Äma üng ho saite mawlang kaedawng lä ätemakä sa ai mei näte khimi angxynlyng na tea thui mäcai hai hethang Säthaw ma kai bung re te vi dy.

Ephesi 6:19

Kai tähang la aetang pa jo ba. Säthaw üng ho saite Angthang Kähawi tea mäny hai hethang hai kai lä ri y käla ma thui te kätü qütä-a, Säthaw ma kai tea py te aebäla saite lo thui haw hethang aetang pa ö jo.

Kolosa 2:2

Kai lä äte makäte phüng-a hini kätyng sa mei nädylä äni ce angxynlyng tea aethaw py hethang ngai te vi. Äma ce tingtawi bälung aevaw te hai aede ö näkha thui hethang kai lä ngai te vi. Säthaw üng älo käcai tea kätüng khaw-a thaikaw bawi te hai aethawng saite cangxei hethang hawi bärai te na äni ce tea dang hai bawi hethang kai lä ngai te vi. Honi kätyng Khrista näte Säthaw üng mätaw te tea äni ce lä mäny ö ai mang.

Kolosa 4:3

Nang ce lä kai ce tähang la aetang pa ö jo. Tudylä Säthaw lä äma üng angthang thui hethang kai ce tea kätho pä-awng vi ai. Tukätephüng-a kai ce lä jangni-a äni ce mäny vai y saite Khrista üng Angthang khimi ce tea thui haw ö ai. Hini Angthang thui te phüng-a kai bung lä vaihi thawng thung-a pä-ung te vi.

Hebrai 13:22

Kangby jä-ai na ä, kai üng aethaw py saite angthang tea änawng käsa hai tängai hethang kai lä nang ce tea mäci te vi. Kai lä nang ce tea cae kädawi hai-a tärü vi dy.

1 Piter 5:12

Kai lä yng khü saite Khristen kangby jä-ai kätyng mäthi saite Saila ma säbawng te hai-a, hini cae kädawi nang ce tea tärü te vi dy. Kai lä nang ce tea aethaw py hethang tärü te vi. Hini lä Säthaw üng tähang kähawi tätang vi näkha kai lä thui he ngai te vi. Nang ce lä hini tähang kähawi tea yng khü ö ba.

2 Piter 3:15

Mä-ai üng Areng üng änawngsa saite hai-a äni ma nang ce bung aeqang hethang älang kähawi py ai näte nang ce lä aedawng ö ba. Mä-ai üng bälung aevaw saite kangby jä-ai Pawlae lä Säthaw ma äni tea bälung kähae hai-a nang ce tea hini kätyng tärü pyng te by vi dy.