Ephesi 3:19 - Caekäcai Kangthae (Lemi)

¹⁹ Khrista üng bälung aevaw saite lä leng bärai te phüng-a, khimi ce lä thaikaw haw king ö y lyng. Tungaila nang ce lä äni üng bälung aevaw saite tea mänykaw ö hethang kai lä aetang te vi dy. Tudylä Säthaw äma üng aeme aeqa saite na lä nang ce üng bälung thung-a awng kha cungrü haw ö vi ai.

Asang Khongso New Testament

¹⁹ A palunghaih ih hae kacung ah na panoek o thaih ai cadoehsoe na panoek o tih; topongah Sithaw coenghhaih kacung hoiah na koi o boih tih.

Ephesi 3:19 ပူးပေါင်းရင်းမြစ်များ

Ephesi 1:23

Yng saite kangkawng lä Khrista üng ätabung kätyng vi. Kangkawng lä Khrista üng hing saite hai kawi te vi. Khrista lä mityng qütä-a awng te angxynlyng na tea kähing py saite Kung vi.

Kolosa 1:10

Tupyng dylä Areng üng ngai te kätyng awng hethang, Areng ma kawng hai hethang nang ce lä sa haw jawjaw ö ai. Nang ce lä hawi saite kälu angxynlyng na sa ö ai. Tukha nang ce lä Säthaw tea mäny te qawng-a mäny rae ö ai.

2 Korin 5:14

Khrista lä khimi qütä tähang dü pa te phüng-a, khimi angxynlyng na lä äni hai mangtä dü vi dy näte mä-ai lä mäny ö khü te vi dy. Tukätephüng-a mä-ai tea lä Khrista üng bälung aevaw saite ma pyng te vi.

Johan 1:16

Äni mä-ai angxynlyng na tea bälung aevaw kha tähang kähawi py jawjaw vi dy.

Filipi 4:7

Tukä dylä nang ce tea Säthaw ma awngneng saite py ai. Honi awngneng saite tea lä khimi ce üng kaedawng hai mäny lei haw te y vi. Nang ce lä Isu Khrista üng khimi na lawng te phüng-a, hini awngneng saite lä nang ce üng bälung hai kaedawng saite na tea rui kha aedung hai pa ö ai mang.

Galati 2:20

Kai lä Khrista hai mangtä thinglang qawng-a dü pyng te kätyng vi. Kai lä leithung jungtä üng kätyng hing te y vi dy. Vaihi Khrista lä kai üng bälung thung-a hing te vi. Vaihi hing te lä Säthaw üng Cäpaw tea ae-y kha hing te kae. Cäpaw lä kai bung bälung aevaw kha kai tähang äma üng hing saite py vi dy.

Ephesi 5:2

Khrista lä mä-ai tea bälung aevaw kha mä-ai tähang dü pa te kätyng-a khimi kälang na tea la bälung aevaw ö lawi. Khrista lä äma üng hing saite lä löci aesa hethang Säthaw tea py pa te vi dy. Honi löci lä Säthaw tähang ämui hawi te vi.

Ephesi 3:18

Nang ce lä, Säthaw üng khimi angxynlyng na hai mangtä, Khrista üng bälung aevaw saite käthu käcawng, kaesang, käka hai kähanglaw na tea mäny te haidae awng haw ö hethang kai lä aetang te vi.

2 Piter 3:18

Tudylä mä-ai üng Aeqangkung Areng Isu Khrista üng tähang kähawi tea mänykaw rae kha äni bung mäny rae hethang aethawsa ö. Areng tea phung-ang käleng lä vai üng hai dungtäsa awng jawjaw sy. Amen.

Johan 17:3

Dungtäsa hing saite näte lä Säthaw tätang lawngtä xyng tea mäny te hai, Nang, Säthaw, ma mätaw saite Kai, Isu Khrista, bung mäny te tea näte vi.

Mathai 5:6

Säthaw üng aely kängai kätyng sa hethang ngai saite na lä tähang hawi. Säthaw ma äni ce tea kawng hai phi ai mang.

Ephesi 5:25

Nawngpaw na ä, Khrista lä kangkawng tea bälung aevaw kha kangkawng tähang dü hai pa te kätyng, änawngpui tea bälung aevaw hethang kae te by vi.

Filipi 1:7

Nang ce tea kai lä tengxyng y bälung aevaw te vi. Tukätephüng-a nang ce angxynlyng üng phüng hikä bälung dawng hethang kai tähang lä aesyng khaw te vi. Ätephüng-a mei nädylä vaihi kai lä thawng thung-a awng te kätü-a läsy, aelawi te kätü-a läsy, Angthang Kähawi kätüng thui mäcai hethang läsy, nang ce angxynlyng lä kai hai mangtä Säthaw üng tähang kähawi na thung-a qa ö te vi dy.

Pawlae ma Rom märü üng kangkawng tähang tärü saite cae 8:35

Tupyng dylä Khrista üng bälung aevaw saite thung üng mä-ai bung ämi ma täprei ja haw ai mei. Rai saite, mätangbälai saite, sakälö khü saite, böjo aelang saite, mätang bälai saite, ri hethang hawi saite hai dü saite na ma mä-ai bung lä Khrista bälung aevaw saite thung üng täprei ja haw y lyng.

Pawlae ma Rom märü üng kangkawng tähang tärü saite cae 8:39

Mä-ai üng älawngpre qawng-a awng saite angxynlyng na, ätäkui-a awng saite angxynlyng na, Säthaw ma sa saite angxynlyng na thung üng äte haetä la mä-ai üng Areng Isu Khrista hai-a Säthaw üng bälung aevaw saite üng mä-ai bung lä täprei ja haw y lyng näkha kai lä mäny tätang te vi.

1 Piter 1:8

Nang ce lä Khrista bung nung vai y ngaila, äni tea bälung aevaw ö te vi. Vaihi nang ce lä äni bung nung y ngaila, äni tea yng ö te vi. Nang ce üng anghawtho saite lä phung-ang hai kawi kha nang ce lä thui lei haw king ö te y vi.