Ephesi 3:17 - Caekäcai Kangthae (Lemi)

¹⁷ Tukäte hai-a nang ce üng yng te phüng-a, nang ce üng bälung thung-a Khrista lä awng ai. Thingkawng lä älawng thung-a angjüng ru kha ca khi te kätyng nang ce lä Säthaw üng bälung aevaw saite thung-a cakhi ö by hethang kai lä aetang te vi.

Asang Khongso New Testament

¹⁷ taanghaih ranghoiah nangcae ih palungthin thungah Khrih mah a ohhaih ih im ah sak hanah kho ka phoeh. Nangcae mah tangzun hoi amprawkhaih takung to amlunghaih thungah na tawnh o thaih hanah kho ka phoeh bae vop,

Ephesi 3:17 ပူးပေါင်းရင်းမြစ်များ

Mathai 13:6

Tungaila käni tho kha äkung na tea khöbi da pa vi. Tukha äkung cäpi na lä angjüng na ru haw y te phüng-a cei king pa dy.

Luka 6:48

Äni lä ing sa saite khimi lawngtä kätyng vi. Äni lä älawng käthu-a tai kha kälung qawng-a aenyng ea ing sa saite khimi lawngtä kätyng vi. Tuimaw lä aethaw awng phi te hai tho kha honi ing tea ty pa. Tungaila ing lä aecü pa y vi. Ätephüng-a mei nädylä ing aenyng nae hawi bärai pa te phüng-a vi.

Johan 14:17

Äni lä Säthaw phüng mitang-a aetüng pa saite Muilaw Käcai vi. Älawng üng khimi na lä honi Muilaw Käcai bung bälung thung-a mäkung haw y. Nung y kha äni bung mäny ö y. Tungaila nang ce üng bälung thung-a hini Muilaw Käcai awng jawjaw te phüng-a, nang ce lä äni bung mäny te vi.

Johan 14:23

Isu ma “Kai tea bälung aevaw saite khimi na lä, kai üng angtu lo tängai ö vi ai. Kai üng Pä-ai lä äni tea bälung aevaw vi ai. Pä-ai hai kai ni lä äni ce hai mangtä awng ai.

Johan 17:23

Pä-ai, Nang, ma Kai hai aesui te kätyng Kai la äni ce hai aesui te by. Tukä ea ni äni ce lä käcung-a bungtä lawng ö vi ai. Tupyng-a Pä-ai, Nang, ma Kai bung mätaw kha Kai tea bälung aevaw te kätyng, äni ce tea la Pä-ai ma bälung aevaw saite älawngpre üng khimi angxynlyng na lä mäny haw ö bawi vi ai” näpa.

Johan 6:56

Kai üng ängang ca kha äthi nei saite khimi na lä kai hai mangtä awng te na vi dy. Kai lä äni ce hai mangtä awng te by vi.

Pawlae ma Rom märü üng kangkawng tähang tärü saite cae 5:5

Mä-ai lä aethang khai saite awng te phüng-a aethawsi ö te y. Ätephüng-a mei nädylä Säthaw ma mä-ai tea py saite Muilaw Käcai hai-a mä-ai üng bälung thung-a äni üng bälung aevaw saite mäkawi pa te phüng-a vi dy.

1 Korin 3:6

Kai lä ämöti mäthu saite khimi kätyng vi. Apolo lä aepra te äkung na tea tui baw saite khimi kätyng vi. Tungaila äkung na tea ryng kha leng hai hethang sa saite na lä kai ni y. Säthaw kae vi.

1 Korin 8:1

Vaihi mä-ai lä Säthaw bung mäny y saite khimi na ma mimi na tea löci sa saite mawi phüng thui ö si. Mä-ai angxynlyng na lä hini tea mäny saite bälung awng näte nang ce lä thui haw ö vi. Mäny saite khimi phütä na tea bälung leng ö te vi. Tungaila mä-ai Khristen na tingtawi bälung aevaw dylä, mä-ai ma tingtawi aethaw aepy ö te vi.

2 Korin 13:5

Nang ce lä yng saite tüng mei, tüng y mei, näte mäny hethang nang ma ce tea aekäny ö. Hini kätyng aekäny te kätü-a, nang ma ce üng bälung thung-a, Isu Khrista awng näte nang ce lä mäny ö te y mei. Nang ce äthung-a Khrista awng näte mäny ö y dylä, nang ce üng yng saite lä tüng te y vi.

2 Korin 6:16

Säthaw üng Ingkäcai hai Säthaw bung mäny y saite khimi na üng cäphaw saite mimi na lä aesui te y vi. Mä-ai lä hing saite Säthaw üng Ingkäcai vi. Säthaw ma, “Kai lä kai ma üng khimi na thung-a aeke kha awng ai. Kai la äni ce üng Säthaw-a lawng kha äni ce la kai üng khimi na-a lawng ö ai” näkha näte vi.

Galati 2:20

Kai lä Khrista hai mangtä thinglang qawng-a dü pyng te kätyng vi. Kai lä leithung jungtä üng kätyng hing te y vi dy. Vaihi Khrista lä kai üng bälung thung-a hing te vi. Vaihi hing te lä Säthaw üng Cäpaw tea ae-y kha hing te kae. Cäpaw lä kai bung bälung aevaw kha kai tähang äma üng hing saite py vi dy.

Galati 5:6

Mä-ai lä Isu Khrista hai mangtä aesui te kätü-a, lengkhüng täke te hai, täke y te lä, aely leng te y lyng. Khrista tea yng kha mä-ai lä Säthaw hai khimi ce tea bälung aevaw saite lä aely lengky vi.

Kolosa 1:23

Nang ce lä Angthang Kähawi tea yng jawjaw kha khimi käcüng-a lawng ö hethang kae. Angthang Kähawi thai ea dang saite aethang khai te üng nang ce lä aemäqaja hethang kae ö te y. Nang ce thai pyng saite hini Angthang Kähawi lä älawngpre mityng qütä awng saite khimi na tea thui pa ö. Kai, Pawlae, lä honi Angthang Kähawi üng mawsawng lawng te vi dy.

Kolosa 1:27

Säthaw lä ceng kälang na tähang äma sa saite na matangtä cangxei hethang hawi mei näte äma üng khimi na tea mäny hai pa ö vi dy. Hokä sa saite lä khimi kälang na näsaite nang ce thung-a, Khrista la awng dy näte vi. Tukätephüng-a Säthaw üng phung-ang aesang saite tea nang ce la dang haw ai näkha aethang khai haw te vi.

Kolosa 2:7

Äni tea nang ce üng angjüng lä ru kha awng ö ba. Äni üng lo tea tängai khü kha hing ö. Epaphra hai äni üng rawijae na ma nang ce tea mätu te kätyng, nang ce üng yng saite lä ca te qawng-a ca khi ö rae ba. Säthaw tea kawng te lo thui kha bälaw jawjaw ö ba.

1 Johan 4:16

Tukha Säthaw ma mä-ai bung bälung aevaw saite tea mä-ai lä mäny khe kha yng ö te vi. Säthaw lä bälung aevaw saite Kung vi. Khimi lawngtä ma Säthaw hai khimi kälang na tea bälung aevaw jawjaw dylä Säthaw hai bungtä äni lä awng te vi. Säthaw la äni hai bungtä awng te by vi.

1 Johan 4:4

Kai üng bälung aevaw saite caw nade na ä, nang ce lä Säthaw hai aesui saite na vi te phüng-a, buisaw kaeling na tea bäja ö vi dy. Ätephüng-a mei nädylä nang ce üng äthung-a awng saite Muilaw Käcai lä hini älawngpre-a pyng saite Setan üng haidae qawng-a lengky te phüng-a vi.

Lokphong 3:20

Tängai ö ba. Kai lä kätho teng-a aedaw kha täkhü te vi. Ämi la kai üng ätüng thai kha kätho pä-awng dylä, kai lä kung kha mä-ai lä mangtä bö ca ö ai.