Ephesi 3:16 - Caekäcai Kangthae (Lemi)

¹⁶ Säthaw lä äma üng leng bärai te phung-ang kätyng Muilaw Käcai üng haidae hai-a nang ce üng bälung thung-a aethaw py hethang kai lä aetang te vi dy.

Asang Khongso New Testament

¹⁶ A lensawkhaih ih katingai thung hoitoah nangcae a thung bangih kami coenghhaih ih to a Pakhra ranghoiah tharahhaih to paek hanah Sithaw khaeah kho ka phoeh moa,

Ephesi 3:16 ပူးပေါင်းရင်းမြစ်များ

Mathai 6:13

Kai ce tea hunghö sa te khytä bärawi bäleng saite aeting hai jo hang ba. Setan ma kai ce tea bäja y hethang säbawng kü ba’ näkha näpa.”

Pawlae ma Rom märü üng kangkawng tähang tärü saite cae 2:29

Judae khimi tätang lä Säthaw ma äma hai aesui näte mäny hai hethang äni üng bälung thung-a äsäny sa te vi. Honi lä Ubädi ma sa haw te y. Säthaw üng Muilaw Käcai ma sa haw te kae vi. Honi khimi tea lä khimi kälang na ma bälaw y ngaila, Säthaw lä äni tea bälaw vi ai.

Pawlae ma Rom märü üng kangkawng tähang tärü saite cae 7:22

Säthaw üng Ubädi lä kai üng bälung tea kawng hai te vi.

Pawlae ma Rom märü üng kangkawng tähang tärü saite cae 9:23

Säthaw lä äma üng änawngsa saite ätephüng-a mätü te mei nädylä, bäheng saite mä-ai tea äma üng phung-ang käleng mätü hethang ngai te vi. Äni lä äma üng phung-ang mä-ai tea dang hai hethang angcü üng hai mä-ai tea re kha sa rüng pa te vi dy.

1 Korin 16:13

Nang ce lä canglailing-a awng ö. Angthang Kähawi tea yng te cakhi ö. Ri ö hang. Ryng saite Khristen lawngtä kätyng aethaw awng ö.

2 Korin 12:9

Tungaila Areng lä kai tea, “Kai üng tähang kähawi lä nang tähang aelo te vi. Nang lä aethawdi te kätü-a, kai üng haidae lä cungrü te vi” näkha mäthang vi dy. Tukätephüng-a kai üng aethawdi saite phüng anghawtho te hai kai lä aethaw vi ai. Tudylä Khrista üng haidae lä kai hai mangtä awng vi ai.

2 Korin 4:16

Tukätephüng-a mä-ai lä manila aethawdi vai ö y lyng. Mä-ai üng ätabung na lä dü hethang täretäre aenai rae ngaila, Muilaw Käcai ma mä-ai tea py te hing saite lä känitä pyng-a känitä lä aethaw awng hai rae ö te vi.

Ephesi 1:18

Äni lä lo mitang tea nang ce mänykaw hethang säbawng ai näte kai lä aetang te by vi. Tudylä nang ce bung ka te kätü-a, aedo kha aethang khai saite tea nang ce lä mäny ö ai. Äma üng khimi na tea py hethang älo aedo saite tähang kähawi käleng na nang ce mäny ö by hethang kai lä aetang te vi.

Ephesi 1:7

Isu Khrista üng dü saite hai äthi phüng-a Säthaw lä mä-ai üng hunghö na bälawi kha mä-ai bung lawi hai te vi dy. Säthaw üng tähang kähawi lä tengxyng y leng bärai vi. Äni lä tähang kähawi hai-a mä-ai tea bälung kähae py kha äte angxynlyng na tea mäny hai king te vi dy.

Ephesi 2:7

Ätephüng-a mei nädylä äni lä vaimaw mang üng khimi na tea Säthaw üng tähang kähawi leng bärai saite mäteng ma mätü haw hethang tähang vi. Säthaw üng tähang kähawi lä äte kälang angxynlyng na qawng-a lengky te vi. Äni lä mä-ai hai Isu Khrista tea bungtä bälawng te hai-a äma üng tähang kähawi leng bärai saite mä-ai tea mätü te vi dy.

Ephesi 3:15

Äni lä Känipre üng awng saite angtawtha angxynlyng na hai kälang angxynlyng na, hai älawngpre-a awng saite ceng angxynlyng na tea sa saite Pä-ai vi.

Ephesi 3:8

Kai lä Säthaw üng khimi angxynlyng na thung-a aely leng y ky saite lawngtä vi. Tungaila Säthaw lä ceng kälang na tea Khrista üng tengxyng y tawngnang saite phüng thui hethang kai tea tähang kähawi py te vi dy. Hini Khrista üng tengxyng y tawngnang saite phüng lä khimi ce ma thaikaw saite qawng-a hawiky te vi.

Ephesi 6:10

Kangkhüng üng lo nang ce tea kai thui te lä hikä vi. Areng üng haidae käleng hai-a nang ce lä aethaw aela ö.

Filipi 4:13

Kai tea aethaw py saite Khrista hai-a kai lä äte angxynlyng na tea sa haw te vi.

Filipi 4:19

Isu Khrista sa te phüng-a, kai üng Säthaw lä nang ce aely ngai saite angxynlyng na nang ce tähang py vi ai. Säthaw üng tawngnang saite lä tenglei te y vi.

Kolosa 1:11

Nang ce lä cüng saite hai änawngsa te awng mang haw hethang Säthaw lä äma üng awng saite haidae angxynlyng na hai nang ce tea aethaw py hethang kai ni lä aetang hawi jawjaw mang. Tukätephüng-a nang ce lä anghawtho ö ai.

Kolosa 1:27

Säthaw lä ceng kälang na tähang äma sa saite na matangtä cangxei hethang hawi mei näte äma üng khimi na tea mäny hai pa ö vi dy. Hokä sa saite lä khimi kälang na näsaite nang ce thung-a, Khrista la awng dy näte vi. Tukätephüng-a Säthaw üng phung-ang aesang saite tea nang ce la dang haw ai näkha aethang khai haw te vi.

Kolosa 2:2

Kai lä äte makäte phüng-a hini kätyng sa mei nädylä äni ce angxynlyng tea aethaw py hethang ngai te vi. Äma ce tingtawi bälung aevaw te hai aede ö näkha thui hethang kai lä ngai te vi. Säthaw üng älo käcai tea kätüng khaw-a thaikaw bawi te hai aethawng saite cangxei hethang hawi bärai te na äni ce tea dang hai bawi hethang kai lä ngai te vi. Honi kätyng Khrista näte Säthaw üng mätaw te tea äni ce lä mäny ö ai mang.

2 Timote 4:17

Tungaila Areng Isu lä kai äteng-a mangtä awng hai kha aethaw py te vi dy. Tukätephüng-a Khrista üng Angthang Kähawi tea honi mityng-a awng saite ceng kälang khimi angxynlyng na thai hethang kai lä thui king haw vi dy. Khrista ma kai bung lä kädü khaw üng aeqang pa te vi dy.

Hebrai 11:34

Äni ce lä maipui maileng ma kang saite tea la bädü pa vi dy. Äni ce tea lä aekei hai bädü hethang ngai saite khimi na kö thung üng lawi hai vi dy. Äni ce lä aethaw awng y saite khimi na ngaila, Säthaw lä aethaw awng saite khimi na-a bälawng pa ö vi dy. Äni ce lä täre aety kha pre kälang üng aethaw awng saite reisae na tea bäja ö vi dy.

1 Piter 3:4

Honi jüng-a, nang ce lä bälung kätüng, bälung äkäneng hai awngneng saite hai-a aemai y saite äcae kähawi-a awng ö vi ai. Hini lä Säthaw üng maw-a tengxyng y ävang ting bärai te vi.