Ephesi 2:2 - Caekäcai Kangthae (Lemi)

² Nang ce lä hini älawngpre üng khimi na kätyng hunghö sa ö te vi dy. Khösang-a awng kha haidae awng te angra na bung pyng saite Setan angra tea hui ö vi dy. Hini Setan angra lä Säthaw lo tängai y saite khimi na bung hawi y saite mang-a bähawi jawjaw vi.

Asang Khongso New Testament

² Tona thuemah loa longnui tawk kahoih ai to na pazui o; nilinglong ih pakhra tharahhaih ihnawk ka ukkung ih lok to na tahngaih pae o, ato pakhra mah vaihi loa Sithaw ka panoek ai kaminawk to a uk.

Ephesi 2:2 ပူးပေါင်းရင်းမြစ်များ

Mathai 11:19

Kai, Khimi üng Cäpaw, lä ly tea ca nei kha awng vi. Tukha khimi ce ma ‘Äni lä bö ca te hahaw pä-ai, Cäpje tui neipro te khimi äni lä angko cawng saite na, khimi hunghö sa saite na hai rawijae aesa vi näpa ö be dy.’ Tungaila Säthaw üng bälungkähae awng saite na üng thui saite sa saite na nung ea kälang na ma Säthaw üng bälungkähae lä tüng näte mäny haw ö ai.”

Mathai 13:22

Angling thung-a aeqa saite ämöti na lä Säthaw üng lo thai pyng saite khimi na tea thui te vi. Tungaila äni ce lä bälung mawng saite hai tawngnang saite hai ngai saite na phüng-a yng saite lä ryng kha äthai aethai haw y.

Mathai 13:38

Lai lä älawngpre vi. Ämöti kähawi na lä Säthaw ma pyng saite khimi na vi. Ämöti kähawi y näte lä Setan angra ma pyng saite khimi na vi.

Marka 4:19

Tungaila äni ce lä bälung mawng saite, tawngnang saite hai mä-ai ma üng kängai saite na phüng-a yng saite lä ryng haw ö y te vi. Säthaw üng lo tea lä bäja te phüng-a äthai lä aethai haw pa y dy.

Luka 16:8

“Kätüng khaw-a sa y saite mawsawng kälengky tea äni üng Ingkung ma kähawi thui pa vi dy. Ätephüng-a mei nädylä mawsawng kälengky lä bälunghae te hai sa pa te phüng-a vi. Hini älawngpre üng khimi ce lä Säthaw üng khimi ce qawng-a äma ce äpy na hai aepawng tea lä bälunghae ö ky te vi.

Luka 22:31

“Simon, Simon, caw aelai te kätyng nang ce tea käny hethang Setan angra lä Säthaw tea mäkai pyng te vi dy.

Johan 12:31

Vaihi ma älawngpre üng khimi na tea tärae cei he kätü lä tyng te dy. Säthaw ma hini älawngpre tea pyng saite Setan angra bung lä mäthoja vi ai.

Johan 13:2

Isu hai äkähui na lä kädüngbö mangtä ca kha awng ö dy. Setan angra lä Simon üng cäpaw Judae Iskriota tea Isu bung täre na üng kö thung-a, a hethang bärawi rüng pa vi dy.

Johan 13:27

Honi täkaw tea Judae ma la pyng-a Setan angra lä äni tea kung praw pa vi dy. Isu ma “Judae ä, nang ma sa hethang ngai saite kärang-a sa lawi” näpa.

Johan 14:30

Älawngpre bung pyng saite Setan angra lä, ly sälö te phüng-a, Kai lä nang ce hai älo awng mang-a aepe haw y ai dy. Äni lä kai tea bäja haw y lyng.

Johan 15:19

Nang ce lä älawng hai aesui saite khimi na y. Nang ce lä älawng üng khimi na aesui dylä äni ce ma nang ce tea äma ce üng rawijae kätyng bälung aevaw ai mang. Kai lä nang ce bung älawng üng khimi na thung üng re te dy. Tukätephüng-a älawng üng khimi na ma nang ce tea esäre ö te kae.

Johan 16:11

Säthaw lä älawngpre bung pyng saite Setan angra tea tärae cei pyng te phüng-a, äni ce lä tärae cei te phüng aedawng te tämang ö vi.

Johan 7:7

Älawngpre üng khimi na lä nang ce tea esäre haw y. Kai tea esäre ö te vi. Honi kätyng esäre te lä kai ma äni ce sa saite kähawi y na phüng thui pa te phüng-a vi.

Johan 8:23

Isu ma “Nang ce lä hini älawngpre hai aesui saite khimi na vi. Kai lä äqawng mang üng ly te vi. Nang ce lä hini älawngpre üng khimi na vi. Kai lä hini älawngpre üng y vi.

Johan 8:44

Nang ce üng pä-ai lä Setan angra kae vi. Tukha nang ce pä-ai üng aely kängai kätyng nang ce lä sa hethang aethawsa ö te vi. Setan angra lä angcü üng hai ma khimi bädü te kae vi. Äni tea älo mitang lä awng te y vi kha älo kaeling thui te lä äma üng rawraw kae vi. Äni lä khimi älo kaeling na üng pä-ai kae vi.

Angtawtha 19:35

Tupyng-a märü üng cärei kälengky ma, khimipui na tea sitäri-a, awng hai kha “Ephesi khimi na ä, Ephesi märü lä Atemi angra anglaw üng ingkäcai hai, Känipre üng aeqa saite äni üng mimi kähawi-a rui vi näte älawngpre khimi ce ma, mäny bawi te vi.

Angtawtha 5:3

Peterae ma Anania tea “Anania ä, nang lä lai jaw ea dang saite phawisae kaehütä nang ma tähang khai mai kha Muilaw Käcai tea kaeling sa vi dy. Ätephüng-a hini kätyng sa hethang nang üng bälung thung-a Setan angra tea mityng pyng hai te vi mei.

Pawlae ma Rom märü üng kangkawng tähang tärü saite cae 12:2

Nang ce lä hini älawngpre-a awng saite khimi üng reitae kätyng hing jawjaw ö hang. Nang ce lä mä-ai ma üng bälung kaedawng tea Säthaw ma mäqa king te hai-a äni ce ma nang ce tea kangthae lawng hai sy. Hokä dylä hawi saite na, Areng üng bälung-a kawng hai saite na näte Säthaw üng cungrü saite aely kängai lä mani mei näte tea nang ce lä mäny haw ö vi ai.

1 Korin 5:10

Kai ma Säthaw bung mäny y saite khimi na lä täkübäjang sa saite na, bädö saite na, kaeling kaemae sa saite na hai mimi na tea cäphaw ö saite na vi näkha thui te y lyng. Nang ce lä hini khimi ce tea aehi dylä, hini älawngpre üng tho ö hethang kae.

1 Korin 6:11

Angcü üng hai ma nang ce thung üng khimi phütä lä honi kätyng käsi na sa ö te vi. Tungaila Säthaw lä nang ce üng hunghö na tea bäse pang kha cai hai te vi. Areng Isu Khrista hai Säthaw üng Muilaw hai-a nang ce lä Säthaw üng maw-a khimi käcüng-a lawng ö vi dy.

2 Korin 4:4

Hini älawngpre tea pyng saite Setan lä yng y saite khimi na üng bälung kaedawng na tea ving hai pa te vi. Tukätephüng-a äni ce lä Khrista phüng Angthang Kähawi üng phung-ang aesang saite kaevang tea nung haw ö y. Khrista lä Säthaw hai aetawng khaw te vi.

Galati 1:4

Mä-ai üng Pä-ai Säthaw aely kängai-a mä-ai üng hunghö sa te phüng-a, Isu Khrista lä dü pa te vi dy. Hini hai-a käsi kaedawng saite hai kähawi y sa saite khimi na kätyng awng y hethang äni lä mä-ai bung aeqang te vi.

Ephesi 1:21

Haidae leng saite angra na hai Säthaw üng angtawtha angxynlyng na qawng-a lä aesangky saite Khrista ma pyng te vi dy. Äni üng ämüng lä haidae awng te sanphrang hai mätawngky angxynlyng na üng ämüng na qawng-a lengky vi. Vaihi pyng te mätawngky na tea qaitä cang y, vaimaw mang üng mätawngky na qawng-a la äni üng aenae lä lengky vi.

Ephesi 2:11

Nang ce lä Judae ceng thung üng aepeng saite na y. Nang ce makä awng mei näte aedawng haile ö ba. Judae khimi na lä lengkhüng täke ö te vi. Nang ce tea lä lengkhüng täke y saite khimi na näkha nä ö te vi. Lengkhüng täke te lä khimi ce üng äkö hai sa saite ätabung ärang mang üng äsäny kae.

Ephesi 2:13

Jangni-a nang ce lä Säthaw hai hanglaw ngaila vaihi lä Isu Khrista hai bungtä awng ö te vi dy. Säthaw lä Isu Khrista üng äthi hai-a äma teng-a nang ce bung nähai te vi dy.

Ephesi 2:3

Jangni-a Khrista tea yng y te kälang-a, mä-ai angxynlyng na lä hini kätyng awng ö te by vi. Mä-ai üng ngaiphi tüng y saite hai hawi y kaedawng saite na tea mä-ai lä hui ö vi dy. Mä-ai la hunghö sakaw saite khimi-a aepeng te phüng-a khimi kälang na kätyng Säthaw üng dengpy hethang aeteng khaw te na by vi.

Ephesi 4:17

Tukätephüng-a Khrista üng aenae hai-a nang ce tea kai lä mäci te vi. Nang ce lä Säthaw tea mäny y saite na kätyng awng ö vi hang lawi. Äni ce üng kaedawng saite na lä aetütü kae.

Ephesi 4:22

Tukätephüng-a jangni Säthaw bung mäny y te kälang-a, nang ce üng aeme aeqa kha käsi sa jawjaw saite na tea lä khaisö ö lawi. Hini ngaiphi tüng y saite na lä nang ce tea kaeling kaemae sa hai kha täphra hethang ngai ö te vi.

Ephesi 5:6

Älo pawngpang na hai-a nang ce tea kaeling kaemae sa te na tea lä yng ö hang. Äqawng-a thui saite na kätyng hunghö na sa te phüng-a, Säthaw ma äma üng lo tängai y saite na tea lä qae y tea ma dengpy vi ai.

Ephesi 5:8

Jangni-a nang ce lä käving thung-a awng ö vai saite na vi. Tungaila vaihi lä Säthaw üng khimi-a aelawng kha kaevang-a awng ö te na vi dy. Tukätephüng-a nang ce lä kaevang-a awng saite khimi na kätyng sa ö.

Ephesi 6:12

Mä-ai lä khimi ce hai täre aety ö te y. Käni khösang üng haidae hai aenae awng saite angra na, hini älawng käving pre tea pyng saite angra käleng na, älawng qawng-a aenae awng saite na hai täre aety ö te vi.

Kolosa 1:21

Jangni-a nang ce üng hawi y saite bälung mäke phüng-a, Säthaw hai hanglaw saite mityng-a awng ea lä äni üng täre na lawng ö vi dy.

2 Timote 4:10

Dema lä hini älawngpre-a awng saite cawngkhang na tea bälung aevaw te phüng-a, kai bung khaisö kha Thesalonika märü-a ly ja vi dy. Kriski lä Kalatia khö-a ly kha Tita lä Dalamatia khö-a ly vi dy.

Jako 1:27

Mä-ai üng Pä-ai Säthaw ngai saite kälu na lä mätang bälai saite ruicaw na hai nawngmädi lömai na tea säbawng hethang vi. Tukha hini älawngpre khimi na üng käsi sa saite hai-a, nang ce lä pawprae y hethang aethawsa ö.

Jako 1:7

Honi kätyng awng saite khimi lä Säthaw te üng ätete dang y lyng näkha dawng he kae y.

Jako 4:4

Nang ce lä täkübäjang sa ö saite kätyng vi. Nang ce lä honi älawngpre üng hawi y saite älang tea bälung aevaw dylä, Säthaw tea esäre te vi dy näte nang ce lä mäny ö y mei. Hini älawngpre üng rawijae aesa hethang ngai saite khimi lä Säthaw üng täre-a lawng te vi dy.

1 Piter 1:14

Nang ce lä älo tängai saite Säthaw üng caw nade na kätyng hing hethang kae. Vaihi nang ce lä nang ma ce üng ngaiphi tüng y saite bälung kätyng hui ö hang. Honi lä Säthaw bung nang ce mäny y te kätü-a, sa saite kae.

1 Piter 4:3

Jangni-a nang ce lä Säthaw bung mäny y saite khimi na kätyng awng te kätü tea awng mang-a bärawng ngae ö te vi dy. Nang ce lä täkübäjang sa saite na, ngaiphi tüng y-a hui saite na, bärui ngae saite na, pawi sa kha nei, ca ngae saite na, Säthaw ma känyng saite mimi tea cäphaw saite na kätyng awng ö te vi dy.

2 Piter 2:14

Äni ce lä nawngmädi na hai täkübäjang sa hethang xyng aedawng jawjaw ö te vi. Äni ce lä hunghö sa te tea manila mängae vai ö te y vi. Äni ce lä Khrista tea yng khi y saite khimi na tea hunghö mang-a bähawi pa ö te vi. Äni ce lä tengxyng y ae-aw tätang saite na lawng ö vi dy. Säthaw lä hini khimi ce tea täking te vi dy.

1 Johan 3:10

Tukätephüng-a Säthaw üng caw nade na hai Setan angra üng caw nade na näte tea lä hini kätyng-a mäny haw ö vi. Kätüng sa y saite khimi na, yng saite rawijae na tea bälung aevaw y saite na lä Säthaw üng caw nade na y lyng.

1 Johan 3:8

Hunghö na sa jawjaw saite na lä Setan angra hai aesui saite na vi. Ätephüng-a mei nädylä Setan angra lä angcü üng hai ma hunghö na sa te phüng-a vi. Tukätephüng-a Säthaw üng Cäpaw lä Setan angra üng kälu na tea täphra hethang ly te vi dy.

1 Johan 4:4

Kai üng bälung aevaw saite caw nade na ä, nang ce lä Säthaw hai aesui saite na vi te phüng-a, buisaw kaeling na tea bäja ö vi dy. Ätephüng-a mei nädylä nang ce üng äthung-a awng saite Muilaw Käcai lä hini älawngpre-a pyng saite Setan üng haidae qawng-a lengky te phüng-a vi.

1 Johan 5:19

Mä-ai lä Säthaw üng caw nade na vi näte hini älawngpre üng khimi angxynlyng na tea Setan ma pyng ngaila mäny ö te vi.

1 Johan 5:4

Ätephüng-a mei nädylä Säthaw üng caw nade na qütä lä hini älawngpre üng hawi y saite na tea bäja haw ö te phüng-a vi. Mä-ai lä Isu Khrista tea yng te phüng-a, hini älawngpre üng hawi y saite na tea bäja haw ö te vi dy.

Lokphong 12:9

Setan angra näsaite Näka käleng lä cangkhawng üng bärui hai äma üng kangby jä-ai na lawng vai saite Känipre angtawtha na bung lä mangtä Säthaw ma älawng qawng-a käde phae pa ö vi dy. Äni lä älawngpre angxynlyng-a awng saite khimi na tea kaeling kaemae sa vi dy.

Lokphong 13:14

Äni lä mawikäsi angcü üng tähang sa saite cangxei te na hai-a älawng qawng üng khimi angxynlyng na tea kaeling kaemae sa te vi. Aekei hai tämaw dang ngaila dü y käla hing saite honi mawikäsi tea tämö khai hai hethang khimi ce tea äni üng mimi sa hai pa te vi dy.

Lokphong 13:8

Hini älawngpre-a awng saite khimi angxynlyng na lä hini mawikäsi tea cäphaw ö ai. Älawngpre sa y kälang üng hai dungtäsa kähing dang hethang ämüng lä bädü saite Beram caw üng cae-u thung-a tärü saite khimi na xyngtä ni mawikäsi tea cäphaw ö y vi ai.

Lokphong 16:17

Äsäritä üng Känipre angtawtha lä äma üng kaephi hai aeli thung-a kädi pa vi dy. Ingkäcai aety nae üng tho saite ätüng käleng lä, “Honi kälu lä sa khüng vi dy” näkha nä vi.

Lokphong 20:2

Äni lä Näka cangkhawng üng bärui bung ne kha säning sangtä tähang süng rui hai mäkhing ea khai pa vi dy. Honi lä Setan angra vi.