Ephesi 2:18 - Caekäcai Kangthae (Lemi)

¹⁸ Khrista phüng-a nang ce hai kai ce lä haetä saite Muilaw Käcai hai-a mä-ai üng Pä-ai Säthaw tea ly haw te vi.

Asang Khongso New Testament

¹⁸ Aicae boih mah Judah kami doehsoe, Gentel kami doehsoe, Khrih ranghoiah Pakhra maeto ah Pa ih hma-ah akun o thaih.

Ephesi 2:18 ပူးပေါင်းရင်းမြစ်များ

Mathai 28:19

Tukätephüng-a nang ce lä ly ö kha pre angxynlyng na üng khimi na bung kai üng äkähui-a aelawng hai ö. Äni ce tea Pä-ai, Cäpaw hai Muilaw Käcai ämüng hai-a baptismae py pa ö.

Johan 10:7

Tukha Isu ma “Tängai ö, Kai lä beram na kung saite hawngkhae vi.

Johan 10:9

Kai lä hawngkhae vi. Honi hawngkhae mang kung saite na lä awng derui te dang ai. Äni ce lä kung hai tho hai ea, ca nei hethang käcakänei kähawi na dang ö vi ai” näpa.

Johan 14:6

Isu ma “Kai lä lolang vi. Älo mitang hai Hing saite la vi. Pä-ai tea tyng rung khytä ly haw saite lolang lä Kai ma qaitä kae.

Pawlae ma Rom märü üng kangkawng tähang tärü saite cae 5:2

Mä-ai üng Isu Khrista tea yng saite hai-a Säthaw üng tähang kähawi lä mä-ai tea vaihi dang kha tähang kähawi thung-a hing ö te vi dy. Mä-ai lä Säthaw üng tähang kähawi hai-a hing ö te vi. Mä-ai lä Säthaw üng phung-ang thung-a qa hethang aethang khai saite phüng-a anghawtho ö te vi.

Pawlae ma Rom märü üng kangkawng tähang tärü saite cae 8:15

Säthaw ma nang ce tea py saite Muilaw lä nang ce bung mawsawng na lawng hai hethang y lyng. Ri hai hethang la y. Säthaw üng Muilaw lä nang ce tea äma üng caw nade na-a lawng hai te vi. Mä-ai lä Muilaw üng haidae hai-a Säthaw tea, “Äba, Üngai” näkha ka ö te vi.

1 Korin 12:13

Honi kätyng-a, Säthaw ma mä-ai angxynlyng na, Judae khimi na, khimi ceng kälang na, mawsawng tangnae na hai, khimi kaelawi na tea lä Muilaw Käcai hai-a mä-ai bung ätabung haetä thung-a baptismae py te vi dy. Säthaw lä mä-ai üng bälung thung-a mangtä saite Muilaw Käcai bung mäkung pyng vi dy.

1 Korin 8:6

Tungaila mä-ai tähang lä Säthaw lawngtä xyng kha äni lä mä-ai üng Pä-ai vi. Äni lä äte angxynlyng na tea sa vi dy. Äni tähang mä-ai lä hing ö te vi. Mä-ai tähang Areng lawngtä xyng awng kha äni lä mä-ai üng Areng Isu Khrista vi. Säthaw lä äte angxynlyng na tea äni hai-a sa vi dy. Äni hai-a mä-ai lä Säthaw tähang hing ö te vi.

Galati 4:6

Nang ce lä Säthaw üng caw nade na lawng ö te phüng-a, äni lä mä-ai üng bälung thung-a äma Cäpaw üng Muilaw Käcai bung mätaw vi dy. Muilaw Käcai phüng-a, mä-ai lä, “Üngai, Ä-ai” näkha ka hethang dang vi.

Ephesi 3:12

Mä-ai lä Khrista tea yng te hai äni hai bungtä awng te phüng-a, Säthaw üng maw-a ri y käla bälung ae-y khü kha ly haw ö te vi dy.

Ephesi 3:14

Hini phüng-a kai lä mä-ai üng Pä-ai Säthaw üng maw-a khokhö didü kha aetang te vi.

Ephesi 4:4

Mä-ai yng saite na lä khimi lawngtä üng ätabung kaesui kaebeng kätyng vi. Mä-ai üng bälung thung-a aeta saite Muilaw Käcai lä lawngtä kae. Hini kätyng Säthaw lä nang ce bung ka te kätü-a, aethang khai saite haetä py te kae.

Ephesi 6:18

Kätü qütä-a Muilaw Käcai üng bähawi te kätyng aetang ö ba. Nang ce tähang äte angxynlyng na säbawng hethang Säthaw tea aetang ö ba. Hini kätyng sa haw hethang nang ce lä canglailing-a awng ö. Säthaw üng khimi angxynlyng na tähang aethawsi y käla ma aetang ö jawjaw pa ba.

Kolosa 1:12

Nang ce lä mä-ai üng Pä-ai Säthaw tea kawng te lo thui haw jawjaw ö ai. Säthaw lä äma üng khimi na tähang kaevang pre thung-a sa rüng ea khai saite tähang kähawi na tea nang ce la kaeteng khaw-a dang hethang nang ce üng bälung mäcai te vi dy.

Hebrai 7:19

Mosi üng Ubädi lä khimi ce tea cungrü hai haw y lyng. Säthaw lä mä-ai tea vaihi aethang khai hethang hawiky saite tea py te vi dy. Honi aethang khai saite hai-a mä-ai lä Säthaw hai aenaidei haw te vi.

Jako 3:9

Mä-ai lä mä-ai üng Pä-ai hai Areng tea bälai hai bälaw kha Säthaw üng ämaw äcae kätyng sa saite khimi na tea lä täking ö te by vi.

1 Piter 1:17

Säthaw ma khimi ce tea tärae cei te kätü-a lä mimai kheng te y. Äni lä khimi qütä üng sa saite kätyng tärae cei vi ai. Nang ce aetang te kätü-a, hini Säthaw tea lä, “Mä-ai üng Pä-ai ä” näkha thui ö te vi. Tukätephüng-a nang ce lä hini älawngpre-a awng te thüng-a, Säthaw tea ri kha tämö khai ö.

1 Piter 1:21

Nang ce lä Khrista hai-a Säthaw tea yng ö te vi. Säthaw ma Khrista bung lä kädü thung üng mätha haile tyng kha äni tea phung-ang py pa vi dy. Tukätephüng-a nang ce lä Säthaw tea yng kha aethang khai tätang ö te vi.

1 Piter 3:18

Mä-ai üng hunghö angxynlyng na tähang Khrista lä qengtä dü pa te vi dy. Äni lä nang ce bung Säthaw tea nähai hethang cüng saite lawngtä lä cüng y saite na tähang dü pa te vi dy. Khimi ce ma äni üng ätabung tea bädü ngaila, Säthaw lä äni bung Muilaw Käcai hai-a mäning haile tyng pa vi dy.

Judae 1:20

Tudylä kai üng ngai bärai saite äpy na ä, nang ce lä nang ma ce üng caiping-a yng saite qawng-a aenüng kha mä-ai ma tea bälung aethaw aela ö lawi ba. Muilaw Käcai üng haidae hai-a aetang ö.