Ephesi 2:12 - Caekäcai Kangthae (Lemi)

¹² Jangni-a nang ce lä Khrista hai aesui ö te y. Nang ce ceng kälang na lä Isrelae khimi thung-a qa ö te y vi. Säthaw ma Isrelae khimi na hai mangtä älo aenai saite na thung-a nang ce lä qa ö y vi. Tukätephüng-a nang ce lä Säthaw tea mäny y te hai aethang khai te awng y käla ma hini älawngpre-a awng ö te vi.

Asang Khongso New Testament

¹² Tona thuemah loa Khrih hoiah nampraek o. Prae kalah kami ah na oh o moa Sithaw mah qoih ih kami ah na om o ai. Sithaw mah angmah kaminawk khaeah lok amaih ih nuiah akung tasut ih paipi thungah na paa o ai moa hi longnui ah oepdoenghaih tawn ai hoi Sithaw tawn ai hoiah na hingh o.

Ephesi 2:12 ပူးပေါင်းရင်းမြစ်များ

Luka 1:72

Säthaw lä äma üng käcai-a aedo kha mä-ai kangsi na tea thui saite lä tämang te y vi. Tukha äni lä mä-ai tea bäheng jawjaw te vi.

Johan 10:16

Hini beram awng nae thung-a awng y saite beram na lä Kai pyng te vi rawng. Honi beram na lä Kai ma nähai vi ai. Äni ce la kai üng ätüng tängai ö vi ai. Tukha beram kanghö haetä hai rui te Kung lawngtä awng ai.

Johan 15:5

“Kai lä Cäpje kung hai aetawng vi. Nang ce lä cangpre na hai aetawng vi. Khimi lawngtä lä kai hai aesui kha kai lä äni hai aesui ea ni, äthai aethai mang vi ai. Kai ma nang ce tea säbawng y dylä nang ce äte la sa haw y lyng.

Johan 4:22

Nang ce Samari khimi na lä nang ma ce cäphaw saite Säthaw bung mäny ö y. Kai ce Judae khimi na lä kai ma ce aesi saite Säthaw bung mäny ö te vi. Ätephüng-a mei nädylä aeqang saite lä Judae khimi na te mang hai ly te vi.

Angtawtha 2:39

Säthaw ma hini aedo saite lo lä, nang ce hai nang ma ce üng nade na tähang py te vi. Hini aedo saite lo lä, kähanglaw-a awng saite nang ce angxynlyng na tähang vi. Mä-ai üng Säthaw ma ka saite khimi angxynlyng na tähang vi.”

Angtawtha 28:20

Tukha nang ce hai aeting kha älo thui hethang kai lä mäkai te vi dy. Kai tea hini singqy rui hai mäkhing te lä, Isrelae khimi na aethang khai saite Mesia phüng-a vi” näpa.

Angtawtha 3:25

Nang ce lä buisaw üng aedo te lo kätyng dang ö vi ai. Säthaw ma kangsi na tea aedo saite älo nang ce hai aesui bawi te vi. Säthaw ma Abraham tea ‘Nang üng äceng phüng-a älawngpre üng khimi angxynlyng na tähang kähawi dang ö bawi ai’ näkha thui pa dy.

Pawlae ma Rom märü üng kangkawng tähang tärü saite cae 9:8

Äte thui hethang ngai te mei nädylä Abraham üng caw nade na angxynlyng tea Säthaw lä äma üng caw nade na-a mäthi y lyng. Säthaw üng älo aedo saite kätyng aepeng saite caw nade na xyngtä tea ni Säthaw lä Abraham üng caw nade na tätang näkha mäthi vi.

Galati 4:8

Jangni-a nang ce lä Säthaw bung mäny y te kätü-a lä, Säthaw y saite nang ce tea säbawng haw saite mimi na tea cäphaw ö vi dy.

Ephesi 2:19

Tukätephüng-a ceng kälang nang ce lä pre kälang üng khimi na kätyng y vi dy. Angvüng angvaw kätyng la y. Nang ce lä Säthaw üng khimi na hai mangtä, märü haetä üng khimi na kätyng aelawng ö by dy. Säthaw üng engthung khaw üng khimi na by vi dy.

Ephesi 4:18

Äni ce lä Säthaw lo mitang tea thaikaw king haw ö y vi. Äni ce lä Säthaw ma py te hing saite hai hanglaw bärai ö te vi. Ätephüng-a mei nädylä äni ce lä bälung tangkö kha Säthaw bung mäny haw ö y.

Kolosa 1:21

Jangni-a nang ce üng hawi y saite bälung mäke phüng-a, Säthaw hai hanglaw saite mityng-a awng ea lä äni üng täre na lawng ö vi dy.

Kolosa 1:27

Säthaw lä ceng kälang na tähang äma sa saite na matangtä cangxei hethang hawi mei näte äma üng khimi na tea mäny hai pa ö vi dy. Hokä sa saite lä khimi kälang na näsaite nang ce thung-a, Khrista la awng dy näte vi. Tukätephüng-a Säthaw üng phung-ang aesang saite tea nang ce la dang haw ai näkha aethang khai haw te vi.

Kolosa 1:5

Lo mitang khaw te Angthang Kähawi lä nang ce tea kangmang-a tyng te phüng-a, honi Angthang Kähawi üng py te aethang khai saite phüng tea nang ce lä thai ö te phüng-a, kai ni lä anghawtho hawi dy. Tukätephüng-a khösang mang-a nang ce tähang khai saite aethang khai te tea nang ma ce üng yng saite hai, bälung aevaw saite lä tyng te vi dy.

1 Thesalon 4:13

Yng saite kangby jä-ai na ä, yng kha dü saite khimi na phüng nang ce tea kai ce lä mäny hai he ngai ö te vi. Ätephüng-a mei nädylä nang ce lä yng y käla aethang khai saite awng y te khimi na kätyng bälungsi hai hethang kai ce lä ngai te y vi.

1 Thesalon 4:5

Säthaw tea mäny y saite na kätyng ngaiphi tüng y saite mang-a hui ö hang.

2 Thesalon 2:16

Mä-ai üng Areng Isu Khrista hai Pä-ai Säthaw ma mä-ai tea bälung aevaw kha tähang kähawi hai-a, dungtäsa aethaw dang saite hai aethang khai saite py te vi. Mä-ai üng Pä-ai Säthaw lä nang ce üng bälung na tea aethaw py kha hawi saite angxynlyng na thui hethang hai, kälu sa khü jawjaw ö hethang säbawng sy.

1 Timote 1:1

Mä-ai aethang khai saite Isu Khrista hai Aeqangkung Säthaw üng särilo hai-a, Isu Khrista üng angtawtha kai, Pawlae, ma hini cae tärü te vi.

Hebrai 11:34

Äni ce lä maipui maileng ma kang saite tea la bädü pa vi dy. Äni ce tea lä aekei hai bädü hethang ngai saite khimi na kö thung üng lawi hai vi dy. Äni ce lä aethaw awng y saite khimi na ngaila, Säthaw lä aethaw awng saite khimi na-a bälawng pa ö vi dy. Äni ce lä täre aety kha pre kälang üng aethaw awng saite reisae na tea bäja ö vi dy.

Hebrai 6:18

Säthaw lä äma üng älo aedo saite kätü-a täking saite lo la thui pa te vi dy. Honi känetä lä mäqa haw y saite na vi. Säthaw lä kaeling kaemae sa haw y te phüng-a, mä-ai lä Säthaw tea bälung ae-y khü ö te vi. Säthaw ma mä-ai bung aedung hai hethang äni tea aehui ö te vi. Säthaw ma py te aethang khai saite tea mä-ai lä kähawi-a süng khü hethang aethaw dang ö te vi.

Hebrai 8:6

Tungaila vaihi Säthaw lä Isu bung mäthykung sa hai hethang re te vi dy. Isu üng kälu sa saite na lä hini älawngpre-a awng saite mäthykung na qawng-a aely lengky vi. Honi kätyng Säthaw hai äni üng khimi na säla-a Isu üng aenai saite lo lä aenai saite Kangrüng qawng-a hawiky vi. Ätephüng-a nädylä honi aenai saite lo Kangthae lä hawiky saite älo aedo saite na qawng-a aenyng te phüng-a vi.

1 Piter 1:21

Nang ce lä Khrista hai-a Säthaw tea yng ö te vi. Säthaw ma Khrista bung lä kädü thung üng mätha haile tyng kha äni tea phung-ang py pa vi dy. Tukätephüng-a nang ce lä Säthaw tea yng kha aethang khai tätang ö te vi.

1 Piter 1:3

Mä-ai üng Areng Isu Khrista üng Pä-ai Säthaw tea kawng te lo thui ö si. Äni lä mä-ai tea tengxyng y bäheng te phüng-a, Isu Khrista bung kädü thung üng mäning haile te hai-a mä-ai tea aepeng saite kangthae py vi dy. Tukätephüng-a mä-ai lä aethang khai saite kanghing awng ö te vi.

1 Piter 3:15

Nang ce lä bälung thung-a Khrista tea Areng kätyng cäphaw ö. Khimi ce ma nang ce tea aethang khai saite phüng na düng dylä, khimi qütä tea mäthang hethang awng rüng jawjaw ö ba. Tungaila tämö khai kha älo käneng hai mäthang ö ba.

1 Johan 3:3

Khrista tea aethang khai rüng saite khimi angxynlyng na lä Khrista lä caiping te kätyng mä-ai ma tea mä-ai ma aemäcai hethang kae.