Ephesi 2:10 - Caekäcai Kangthae (Lemi)

¹⁰ Säthaw lä mä-ai bung khimi kangthae kätyng-a sa te vi dy. Mä-ai lä hawi saite kälu na sa hethang Isu Khrista hai bungtä-a lawng hai te vi. Honi hawi saite kälu na lä jangni-a Säthaw üng mawlang kaedawng kätyng sa te vi dy.

Asang Khongso New Testament

¹⁰ Aicae loa Khrih Jesuh hoiah angpaehhaih ranghoiah hingh tuinuenh kahoih to tawnh hanah Sithaw mah aicae hae ang sak; ato to sak hanah aicae hanih ang paroep pae o coek boah.

Ephesi 2:10 ပူးပေါင်းရင်းမြစ်များ

Mathai 5:16

Honi kätyng nang ce üng kaevang khimi ce maw-a aevang sy. Tukä dylä, khimi ce lä nang ce üng kälu kähawi nung kha Känipre-a awng saite nang üng Pä-ai tea bälaw ö ai.

Johan 3:21

Tungaila mitang khü-a sa saite khimi na lä äma ce üng sa saite na Säthaw hai aesui kha mätü hethang kaevang teng-a ly ö dy.”

Angtawtha 9:31

Honi kätü-a Judae khö, Kalile khö hai Samari khö mityng qütä-a kangkawng na lä awngneng pa vi dy. Kangkawng üng khimi na lä Areng Isu tea ri te bälung hai-a, awng kha Muilaw Käcai ma, äni ce tea säbawng kha aethaw py pa vi. Tukha yng saite na lä awng mang rae pa ö vi dy.

Angtawtha 9:36

Jopa märü-a lä Abitha näsaite Isu tea yng te nawngmädi lawngtä awng. Äni üng ämüng tätang lä Käri lo hai-a, Doka näpa vi. Äni lä kähawi sa te hai mätang saite na tea säbawng he ngaiphi saite khimi vi.

Pawlae ma Rom märü üng kangkawng tähang tärü saite cae 8:1

Vaihi Isu Khrista hai bungtä awng saite khimi lä Säthaw ma dengpy pa y vi dy.

Pawlae ma Rom märü üng kangkawng tähang tärü saite cae 8:29

Säthaw lä äma re rüng saite khimi ce tea äma üng Cäpaw kätyng lawng tätang hai hethang la aedawng rüng khaw te vi. Tukätephüng-a Äcäpaw lä yng saite kangby jä-ai awng mang te na thung-a Cäpaw äcälöky-a lawng hai te vi.

1 Korin 3:9

Kai ni lä Säthaw üng kälu tea sa saite kangby jä-ai na vi. Nang ce la Säthaw üng lai kätyng vi. Nang ce lä Säthaw üng Ingkäcai kätyng by vi.

2 Korin 5:17

Khrista hai bungtä awng saite khimi qütä lä, khimi kangthae-a lawng vi dy. Älang kangrüng kätyng hing saite na lä aemai king vi dy. Älang kälang kangthae-a hing saite lä tyng te vi dy.

2 Korin 5:5

Hini kätyng mäqa hethang Säthaw lä mä-ai tea sa rüng te vi dy. Vaimaw mang-a mä-ai lä hawi saite na dang hethang Säthaw ma Muilaw Käcai bung py te hai-a aedo khü te vi dy.

2 Korin 9:8

Säthaw lä nang ce tea tähang kähawi cawngkhang na py haw te vi. Tupyng-a nang ce lä äly ngai saite angxynlyng na awng kha kälu kähawi cawngkhang na sa haw hethang awng mai vi ai rawng.

Galati 6:15

Khimi lawngtä lä lengkhüng täke te hai, täke y te lä aely leng te y lyng. Aepeng kangthae-a lawng te lä aely lengky vi.

Ephesi 1:1

Kai, Pawlae, ma Ephesi märü-a awng saite Säthaw üng khimi na tea cae tärü te dy. Isu Khrista üng angtawtha lawngtä-a khai hethang lä Säthaw üng aely kängai vi. Nang ce lä Isu Khrista hai bungtä awng kha äni tea yng ö jawjaw saite na vi.

Ephesi 1:4

Hini khölawng pre sa y te kälang üng hai ma mä-ai bung lä Khrista phüng-a re pyng te vi dy. Mä-ai bung lä äni üng maw-a caiping kha cy haw y hethang re te vi dy. Säthaw lä mä-ai tea bälung aevaw kha Isu Khrista ma sa pa saite hai-a äma üng caw nade na kätyng bälawng hai hethang aedawng rüng te vi dy. Säthaw ma hikä sa te lä äma kawng hethang äma üng aely kängai vi.

Ephesi 2:13

Jangni-a nang ce lä Säthaw hai hanglaw ngaila vaihi lä Isu Khrista hai bungtä awng ö te vi dy. Säthaw lä Isu Khrista üng äthi hai-a äma teng-a nang ce bung nähai te vi dy.

Ephesi 2:15

Khrista ma Judae na üng reitae hai ubädi na tea äma üng dü saite hai-a aenae awng y rung khytä sa pa vi dy. Äni üng mawlang kaedawng lä Judae khimi na hai ceng kälang na tea äma hai bungtä lawng hai kha ceng kangthae haetä-a bälawng pa vi dy. Hini kätyng sa te hai-a ceng känetä tea lä aede hai pa vi dy.

Ephesi 2:2

Nang ce lä hini älawngpre üng khimi na kätyng hunghö sa ö te vi dy. Khösang-a awng kha haidae awng te angra na bung pyng saite Setan angra tea hui ö vi dy. Hini Setan angra lä Säthaw lo tängai y saite khimi na bung hawi y saite mang-a bähawi jawjaw vi.

Ephesi 2:6

Säthaw lä mä-ai bung Isu Khrista hai mangtä kädü thung üng mätha ea Känipre-a Khrista hai mangtä aety kha pyng hai te vi. Mä-ai lä Khrista hai bungtä te phüng-a Säthaw lä hikä sa te vi dy.

Ephesi 4:1

Areng üng kälu sa te phüng-a kai bung lä thawng thung-a pä-ung te vi. Säthaw ma nang ce bung ka te hai kaeteng-a nang ce lä kähawi-a awng hethang kai lä aesi aebai te vi.

Ephesi 4:24

Säthaw lä nang ce tea äma üng täthei-a aeme aeqa saite kangthae py te vi. Säthaw üng aeme aeqa saite lä cungrü kha cai te vi. Tukätephüng-a hini aeme aeqa saite kangthae kätyng-a nang ce lä awng kha sa ö lawi.

Filipi 1:6

Nang ce thung-a hini kälu kähawi aetawng hai saite Säthaw lä Isu Khrista ly haile te käni tyng y rytä, hini kälu tea khüng rung khytä sa vi ai näte kai lä ae-y khü te vi.

Filipi 2:13

Ätephüng-a mei nädylä Säthaw lä nang ce üng bälung thung-a kälu sa jaw jaw te vi. Nang ce lä Säthaw üng aely kängai sa hethang hai äni üng kawng saite sa hai hethang äni lä nang ce tea säbawng te vi.

Kolosa 1:10

Tupyng dylä Areng üng ngai te kätyng awng hethang, Areng ma kawng hai hethang nang ce lä sa haw jawjaw ö ai. Nang ce lä hawi saite kälu angxynlyng na sa ö ai. Tukha nang ce lä Säthaw tea mäny te qawng-a mäny rae ö ai.

Kolosa 3:10

Nang ce lä vaihi khimi kangthae-a aelawng ö te vi dy. Säthaw lä nang ce üng äthung-a kähawi aeme aeqa saite na mäkung kha äma üng ämaw äcae hai aetawng rung khytä sa te vi dy. Tukätephüng-a nang ce lä äni bung tätang khaw-a mäny ö ai.

1 Timote 2:10

Säthaw üng kängai-a hing saite nawngmädi na lä khimi kälang na tea säbawng ö sy. Hikä sa te hai äma ce tea äcae kähawi aesa ö te vi dy.

1 Timote 5:10

Äni lä khimi ce tea säbawng saite khimi vi näte tea khimi kälang na ma lä mäny ö bawi vi. Honi lä caw nade na tea kähawi-a mäsang saite, angvüng angvaw na bung äma üng ing-a lady kha mäkung saite, yng saite na üng äkho na tea mäse saite, mätang saite na tea säbawng saite hai kälu kähawi angxynlyng na sa jawjaw hethang äni lä kae vi.

1 Timote 5:25

Hini kätyng-a, khimi phütä na üng kälu kähawi tea mäny praw haw te vi. Khimi kälang na lä kangru-a kähawi sa ngaila, kangkhüng mang-a lä khimi qütä ma mäny ö ai mang.

1 Timote 6:18

Khimi ce tea säbawng hethang thui pa. Äni ce lä hawi saite kälu na sa hethang kae. Khimi ce tea mäsai y käla py hethang hai äma ce üng vyngsai na khimi kälang na tea bäri hethang äma ce üng ngai te kätyng äni ce tea mätu pa.

2 Timote 2:21

Khimi lawngtä lä äma ma tea pawprae saite üng aemäcai pang dylä mangkri, äni lä pawi käleng-a ävang käting na khai saite kaephi hai aetawng vi dy. Äni lä käcai-a awng te phüng-a äni üng Areng lä äni tea kälu kähawi sa hethang tawng haw ai.

2 Timote 3:17

Hini Caekäcai phüng-a Säthaw üng mawsawng lä hawi saite kälu angxynlyng sa haw hethang hai aerü rüng kha awng haw ai.

Titas 2:14

Äni lä mä-ai bung hunghö angxynlyng na üng aelawi hethang hai, äma üng khimi käcai hai khimi khekhe-a bälawng pa hethang vi dy. Tukha ätete kähawi sa hai hethang dawng khü saite na aelawng hai hethang äma ma mä-ai tähang aepy te vi dy.

Titas 2:7

Nang ma lä sa saite qütä khimi ce tähang aetu nae-a lawng he kae. Tudylä nang lä Säthaw phüng mätu te kätü-a, bälung mitang khü hai khü sälü-a sa ba.

Titas 3:1

Pre pyng kha aenae awng saite na tea tämö khai te hai äni ce üng älo na tängai hethang yng saite khimi na tea aedawng hai ö ba. Hawi saite kälu angxynlyng na sa hethang awng ö rüng sy.

Titas 3:14

Mä-ai üng yng saite khimi na lä kälu kähawi tea aethaw rae te hai sa jawjaw hethang nang ma mätu he kae. Honi hai-a äni ce lä khimi kälang na üng aely kängai na tea säbawng haw ö ai. Äni ce lä aetütü-a awng he kae ö y.

Titas 3:8

Hini lä ae-y nae hawi saite lo na vi. Hini na phüng kai lä nang ce tea kähawi-a thui hethang ngai te vi. Tudylä Säthaw tea yng saite khimi na lä kälu kähawi sa te hai äma ce üng kätü aepy haw ö ai. Hini mätu saite na lä khimi qütä tähang hawi la hawi, maw la cawng hai te vi.

Hebrai 10:24

Mä-ai lä lawng lawngtä tähang aedawng ö si. Bälung aevaw te hai kälu kähawi sa hethang mä-ai lä aesäbawng linglawng ö si dy.

Hebrai 13:21

Säthaw üng aely kängai sa hethang äni lä nang ce tea kähawi angxynlyng na py hethang kai lä aetang pa te vi. Säthaw tea bälung kawng hai saite mä-ai üng bälung thung-a Isu Khrista hai-a äni ma sa haw sy. Isu Khrista tea lä dungtäsa phung-ang aesang te awng jawjaw sy. Amen.

1 Piter 2:12

Säthaw tea mäny y saite khimi na thung-a nang ce lä cy y rung khytä hing ö. Tudylä äni ce lä nang ce tea sa tämang hethang cy ngaila, nang ce üng kälu kähawi na tea lä nung haw ö ai. Hini hai-a, äni ce lä Areng ly haile te käni-a Säthaw tea bälaw haw ö ai.

1 Johan 1:7

Tungaila Säthaw lä kaevang-a awng te kätyng mä-ai la kaevang-a awng nädylä, mä-ai lä lawng lawngtä tea rawijae sa ö te vi dy. Säthaw üng Cäpaw Isu üng äthi lä mä-ai üng hunghö angxynlyng na tea mäcai pang te vi dy.

1 Johan 2:6

Mä-ai lä Säthaw hai bungtä awng dylä Isu Khrista kätyng awng hethang kae.