Ephesi 2:1 - Caekäcai Kangthae (Lemi)

¹ Jangni-a nang ce lä Säthaw üng lo tängai ö y kha hunghö sa te phüng-a, khimi kädü na kätyng vi dy.

Asang Khongso New Testament

¹ Zanghnii aloa lok tahngaihhaih ai ih hoi zaehaih ih pongah pakhra bangah na duek o.

Ephesi 2:1 ပူးပေါင်းရင်းမြစ်များ

Mathai 8:22

Tungaila Isu ma äni tea “Nang lä kai leithung vaihi ma hui lawi. Kädü na ma äma ce üng äro tea bärung ö raw kae sy” näkha näpa.

Luka 15:24

Hini kai üng cäpaw lä dü kha hing haile te kätyng vi dy. Äni lä la kha kai hai aeting haile tyng te vi dy hei’ näpa. Tukätephüng-a äni ce lä anghawtho te hai ma pawi sa ö dy.

Luka 15:32

Tungaila kai ce lä kawng te hai pawi sa he kae te vi. Ätephüng-a mei nädylä hini nang üng kangby lä dü kha hing haile te kätyng vi dy. Äni lä la kha mä-ai hai aeting haile te phüng-a kawng he hawi te vi baw’” näkha thui pa.

Johan 10:10

Theru lä bäru hethang bädü hethang hai täphra hethang ni ly te vi. Kai lä khimi ce hing hethang qaitä cang y, hing hai saite aequng bawi te dang hethang tähang ly te kae.

Johan 14:6

Isu ma “Kai lä lolang vi. Älo mitang hai Hing saite la vi. Pä-ai tea tyng rung khytä ly haw saite lolang lä Kai ma qaitä kae.

Johan 5:21

Pä-ai lä khimi kädü na bung mäning haile te kätyng-a Kai, Äcäpaw, la kai ma aely ngai saite na bung hing te py te by vi.

Johan 5:25

“Tängai ö, khimi kädü na lä Säthaw üng Cäpaw ätüng thai saite kätü lä tyng vi ai. Honi kätü lä vaihi ma tyng te vi dy. Kai, Äcäpaw, üng ätüng thai saite khimi na lä hing haile ö vi ai.

Pawlae ma Rom märü üng kangkawng tähang tärü saite cae 8:2

Ätephüng-a mei nädylä mä-ai lä Isu Khrista hai bungtä lawng te phüng-a, mä-ai tea kähing py saite Muilaw üng Ubädi lä mä-ai bung hunghö hai-a dü saite Ubädi thung üng bälawi pa te vi dy.

1 Korin 15:45

Caekäcai thung-a, “Säthaw lä angcü üng khimi Adam bung sa te kätü-a, Adam lä hing saite khimi lawng vi dy” näkha awng vi. Khrista näte kangkhüng üng Adam lä kähing py saite Muilaw vi.

2 Korin 5:14

Khrista lä khimi qütä tähang dü pa te phüng-a, khimi angxynlyng na lä äni hai mangtä dü vi dy näte mä-ai lä mäny ö khü te vi dy. Tukätephüng-a mä-ai tea lä Khrista üng bälung aevaw saite ma pyng te vi.

Ephesi 4:18

Äni ce lä Säthaw lo mitang tea thaikaw king haw ö y vi. Äni ce lä Säthaw ma py te hing saite hai hanglaw bärai ö te vi. Ätephüng-a mei nädylä äni ce lä bälung tangkö kha Säthaw bung mäny haw ö y.

Ephesi 5:14

Ätephüng-a mei nädylä, kaevang lä äte angxynlyng na tea täphawng king pa te vi. Tukätephüng-a khimi ce ma ae-awi hai thui ö te lä, “I saite ä, i aelaw lawi. Dü saite ä, aetha lawi. Khrista üng kaevang lä nang tea aevang vi ai” näkha nä vi.

Kolosa 2:13

Jangni-a nang ce lä hunghö sa kha reitae-a hui y saite khimi kälang na te phüng-a, dü saite na kätyng vi dy. Tungaila Säthaw lä Khrista hai mangtä nang ce tea hing hai te vi dy. Mä-ai üng hunghö angxynlyng na tea Säthaw lä bälawi vi dy.

1 Timote 5:6

Tungaila äma üng kängai xyng-a awng kha Säthaw hai aesui y-a awng saite nawngmädi lömai lä hing ngaila dü rüng te vi dy.

1 Johan 3:14

Mä-ai lä mä-ai ma üng yng saite rawijae na tea bälung aevaw te phüng-a dü saite üng hai hing saite mang-a aekae saite tea mäny ö vi. Mä-ai ma rawijae na tea bälung aevaw y saite khimi na lä kädü üng haidae täkui-a awng te ö kae vi rawng.

Lokphong 3:1

“Sardis märü kangkawng üng Känipre angtawtha tea hini kätyng cae tärü ba: “Hini lä Säthaw üng Muilaw üng cungrü saite säritä tea pyng kha tengpaw säritä tea süng saite Kung üng älo na vi. Nang ce sa saite na tea kai lä mäny. Khimi ce ma nang ce lä hing vi näkha dawng ngaila, nang ce lä kai leithung hui ö y te phüng-a, khimi kädü na kae vi.