Ephesi 1:7 - Caekäcai Kangthae (Lemi)

^7-8 Isu Khrista üng dü saite hai äthi phüng-a Säthaw lä mä-ai üng hunghö na bälawi kha mä-ai bung lawi hai te vi dy. Säthaw üng tähang kähawi lä tengxyng y leng bärai vi. Äni lä tähang kähawi hai-a mä-ai tea bälung kähae py kha äte angxynlyng na tea mäny hai king te vi dy.

Asang Khongso New Testament

⁷ Kawmawtiah Khrih ih athii ranghoiah aicae loa loih o boah, aicae zaehaih ih tahmen ah oh boah. Sithaw tahmenhaih ih loa a lenh parai,

Ephesi 1:7 ပူးပေါင်းရင်းမြစ်များ

Mathai 20:28

Kai, Khimi üng Cäpaw, tea khimi ce ma mawsawng sa hai hethang ly te y vi. Kai lä khimi ce üng mawsawng-a awng hethang hai khimi ce bung awng mang-a aeqang hethang hai Kai üng hing saite khaisö hethang ly te kae vi” näkha näpa.

Mathai 26:28

Hini cäpje tui lä awng mang saite khimi na üng hunghö tähang bälawng te kai üng äthi vi. Hini äthi lä Säthaw hai khimi ce säla-a aenai saite vi.

Mathai 6:12

Kai ce tea tämang saite khimi na hunghö kai ce bälawi te kätyng-a, kai ce üng hunghö bälawi kü ba.

Marka 14:24

Isu ma “Hini cäpje tui lä awng mang saite khimi na tähang bälawng te kai üng äthi vi. Hini äthi lä Säthaw hai khimi ce säla-a aenai saite vi.

Luka 1:77

Säthaw ma khimi ce üng hunghö na bung bälawi kha, aeqang saite phüng nang lä Säthaw üng khimi ce tea mätu pa vi ai.

Luka 24:47

Hini angthang lä Mesia üng aenae hai-a pre qütä awng saite khimi na tea thui ai. Ae-ui saite khimi na tea lä Säthaw ma hunghö bälawi pa vi ai. Äni ce lä hini angthang tea Jerusalem märü üng hai aetawng kha thui ö vi ai.

Johan 20:23

Nang ce ma khimi ce üng hunghö na bung bälawi dylä, Säthaw ma la äni ce üng hunghö bälawi vi ai. Nang ce lä khimi ce üng hunghö na bälawi y dylä, Säthaw ma äni ce üng hunghö bälawi y vi ai” näkha näpa.

Angtawtha 10:43

Buisaw na angxynlyng ma, äni üng phüng thui rüng te vi. Isu tea Yng saite khimi angxynlyng na üng hunghö na Säthaw ma bälawi ai näte buisaw na ma thui te vi dy.”

Angtawtha 2:38

Peterae ma lä äni ce tea “Nang ce angxynlyng hunghö thung üng aedawng mäkhüng ö lawi. Isu Khrista üng ämüng hai-a, nang ce lä baptismae la ö. Tudylä nang ce üng hunghö na Säthaw ma bälawi ai mang. Tukha nang ce lä Muilaw Käcai dang ai.

Angtawtha 20:28

Tukätephüng-a nang ce lä mä-ai ma ce tea sädi hai awng ö. Muilaw Käcai ma nang ce tähang a saite kangkawng tea kähawi-a rui ö. Beram rui saite Kung ma beram rui te kätyng nang ce lä, Säthaw üng kangkawng tea kähawi-a, rui kha kheng ö. Ätephüng-a mei na dylä, Säthaw lä äma üng Cäpaw thi hai-a honi kangkawng bung rang te vi.

Angtawtha 3:19

Tukha nang ce üng hunghö na cai hethang tähang-a, aedawng mäkhüng te hai ma Säthaw tea vawi ö haile lawi.

Pawlae ma Rom märü üng kangkawng tähang tärü saite cae 2:4

Nang lä Säthaw üng bälung hawi saite käleng, khung saite hai änawngsa saite na tea mäthi y te vi. Säthaw lä nang ce tea bälung hawi te vi. Ätephüng-a mei nädylä äni lä nang ce tea ae-ui hethang ngai hai te vi. Honi tea nang ce lä mäny khaw te vi.

Pawlae ma Rom märü üng kangkawng tähang tärü saite cae 3:24

Tungaila khimi ce bung hunghö üng aelawi hai saite Isu Khrista hai-a Säthaw ma lasawng-a py saite tähang kähawi phüng-a, khimi ce bung lä äma üng maw-a cüng hai vi dy.

Pawlae ma Rom märü üng kangkawng tähang tärü saite cae 3:25

Khrista üng dü saite äthi hai-a, Säthaw lä khimi ce üng hunghö na tea bälawi haw hethang Säthaw lä äni bung löci kätyng sa pa vi dy. Khrista üng dü pa saite hai-a Säthaw lä äni ce üng hunghö na tea bälawi pa vi dy. Säthaw ma hikä sa te lä äma üng cüng saite tea mätü khekhe te vi. Jangni üng hai äni lä änawngsa kha khimi ce üng hunghö na tähang dengpy pa te y vi. Tungaila vaihi äni lä äma üng cüng saite mätü hethang Isu Khrista bung hikä dü hai hethang mätaw pa te vi dy. Honi kätyng Säthaw lä äma cüng vi näkha Isu tea yng saite khimi qütä bung lä khimi käcüng-a mäthi te vi dy.

Pawlae ma Rom märü üng kangkawng tähang tärü saite cae 9:23

Säthaw lä äma üng änawngsa saite ätephüng-a mätü te mei nädylä, bäheng saite mä-ai tea äma üng phung-ang käleng mätü hethang ngai te vi. Äni lä äma üng phung-ang mä-ai tea dang hai hethang angcü üng hai mä-ai tea re kha sa rüng pa te vi dy.

1 Korin 1:30

Säthaw ma sa te phüng-a, nang ce lä Isu Khrista hai bungtä lawng ö vi dy. Säthaw lä Khrista bung mä-ai tähang bälunghae hai hethang sa te vi dy. Äni hai-a Säthaw ma mä-ai tea khimi käcüng-a dawng te vi. Äni hai-a mä-ai bung lä khimi käcai-a lawng hai vi dy. Äni lä mä-ai üng hunghö sa jawjaw y hethang bälawi te vi dy.

2 Korin 8:9

Nang ce lä mä-ai üng Areng Isu Khrista üng tähang kähawi tea mäny ö te vi. Äni lä tawngnang ngaila, nang ce tähang kangtang-a aelawng te vi dy. Äni üng kangtang saite hai-a, nang ce lä tawngnang ö te vi dy.

Ephesi 1:14

Mä-ai lä Muilaw Käcai bung dang te phüng-a, Säthaw lä äma älo aedo saite kähawi na py ai näte mä-ai lä mäny haw khaw ai. Säthaw lä äma üng khimi lawng saite mä-ai bung aeqang king hethang kätü-a, äni lä mä-ai tea tähang kähawi na py king vi ai. Säthaw lä leng bärai te phüng-a äni tea mä-ai lä bälaw ö si.

Ephesi 1:18

Äni lä lo mitang tea nang ce mänykaw hethang säbawng ai näte kai lä aetang te by vi. Tudylä nang ce bung ka te kätü-a, aedo kha aethang khai saite tea nang ce lä mäny ö ai. Äma üng khimi na tea py hethang älo aedo saite tähang kähawi käleng na nang ce mäny ö by hethang kai lä aetang te vi.

Ephesi 1:6

Säthaw üng leng bärai saite tähang kähawi phüng-a mä-ai lä äni tea bälaw hethang kae te vi. Äma üng bälung aevawky saite Cäpaw üng sa te phüng-a, äni lä mä-ai tea hini tähang kähawi mäsai y käla py pyng te vi dy.

Ephesi 2:4

Tungaila Säthaw lä mä-ai bung bälung aevaw phi kha mä-ai tea lä bäheng bärai te vi.

Ephesi 2:7

Ätephüng-a mei nädylä äni lä vaimaw mang üng khimi na tea Säthaw üng tähang kähawi leng bärai saite mäteng ma mätü haw hethang tähang vi. Säthaw üng tähang kähawi lä äte kälang angxynlyng na qawng-a lengky te vi. Äni lä mä-ai hai Isu Khrista tea bungtä bälawng te hai-a äma üng tähang kähawi leng bärai saite mä-ai tea mätü te vi dy.

Ephesi 3:16

Säthaw lä äma üng leng bärai te phung-ang kätyng Muilaw Käcai üng haidae hai-a nang ce üng bälung thung-a aethaw py hethang kai lä aetang te vi dy.

Ephesi 3:8

Kai lä Säthaw üng khimi angxynlyng na thung-a aely leng y ky saite lawngtä vi. Tungaila Säthaw lä ceng kälang na tea Khrista üng tengxyng y tawngnang saite phüng thui hethang kai tea tähang kähawi py te vi dy. Hini Khrista üng tengxyng y tawngnang saite phüng lä khimi ce ma thaikaw saite qawng-a hawiky te vi.

Filipi 4:19

Isu Khrista sa te phüng-a, kai üng Säthaw lä nang ce aely ngai saite angxynlyng na nang ce tähang py vi ai. Säthaw üng tawngnang saite lä tenglei te y vi.

Kolosa 1:14

Äma üng Cäpaw tähang hai-a mä-ai üng hunghö na bälawi kha Setan üng haidae thung üng mä-ai bung Säthaw ma kätho te vi dy.

Kolosa 1:27

Säthaw lä ceng kälang na tähang äma sa saite na matangtä cangxei hethang hawi mei näte äma üng khimi na tea mäny hai pa ö vi dy. Hokä sa saite lä khimi kälang na näsaite nang ce thung-a, Khrista la awng dy näte vi. Tukätephüng-a Säthaw üng phung-ang aesang saite tea nang ce la dang haw ai näkha aethang khai haw te vi.

Kolosa 2:13

Jangni-a nang ce lä hunghö sa kha reitae-a hui y saite khimi kälang na te phüng-a, dü saite na kätyng vi dy. Tungaila Säthaw lä Khrista hai mangtä nang ce tea hing hai te vi dy. Mä-ai üng hunghö angxynlyng na tea Säthaw lä bälawi vi dy.

Kolosa 2:2

Kai lä äte makäte phüng-a hini kätyng sa mei nädylä äni ce angxynlyng tea aethaw py hethang ngai te vi. Äma ce tingtawi bälung aevaw te hai aede ö näkha thui hethang kai lä ngai te vi. Säthaw üng älo käcai tea kätüng khaw-a thaikaw bawi te hai aethawng saite cangxei hethang hawi bärai te na äni ce tea dang hai bawi hethang kai lä ngai te vi. Honi kätyng Khrista näte Säthaw üng mätaw te tea äni ce lä mäny ö ai mang.

1 Timote 2:6

Äni lä khimi qütä aelawi hai hethang äma üng hing saite aepy kha dü pa te vi dy. Säthaw ma khai khaw te kätü-a, hini angthang lä khimi qütä tea thai hai te vi dy.

Titas 2:14

Äni lä mä-ai bung hunghö angxynlyng na üng aelawi hethang hai, äma üng khimi käcai hai khimi khekhe-a bälawng pa hethang vi dy. Tukha ätete kähawi sa hai hethang dawng khü saite na aelawng hai hethang äma ma mä-ai tähang aepy te vi dy.

Titas 3:6

Säthaw ma mä-ai üng Aeqangkung Isu Khrista phüng-a, Muilaw Käcai lä mä-ai tea cungrü-a bälawng pa te vi dy.

Hebrai 9:22

Tätang khaw, Mosi üng Ubädi kätyng äte angxynlyng na lä äthi hai-a cai hethang dang ö vi. Äthi bälawng y dylä Säthaw lä hunghö tea bälawi y lyng.

1 Piter 2:24

Mä-ai üng hunghö na phüng-a, Khrista äma lä thinglang qawng-a mätang bälai pa te vi dy. Tukätephüng-a mä-ai lä khimi kädü kätyng hunghö sa hethang kae ö y dy. Mä-ai lä cüng saite tähang hing ö hethang kae. Äni üng tämaw na hai-a, nang ce üng tämaw na lä thae king ö te vi dy.

1 Piter 3:18

Mä-ai üng hunghö angxynlyng na tähang Khrista lä qengtä dü pa te vi dy. Äni lä nang ce bung Säthaw tea nähai hethang cüng saite lawngtä lä cüng y saite na tähang dü pa te vi dy. Khimi ce ma äni üng ätabung tea bädü ngaila, Säthaw lä äni bung Muilaw Käcai hai-a mäning haile tyng pa vi dy.

1 Johan 2:12

Kai üng bälung aevaw saite caw nade na ä, Säthaw ma nang ce üng hunghö na lä Khrista üng phüng-a bälawi vi dy näte phüng kai lä nang ce tea tärü te vi.

1 Johan 2:2

Mä-ai üng hunghö na tea Säthaw ma bälawi hethang Khrista äma lä löci sa saite mawi-a aelawng vi dy. Äni lä mä-ai üng hunghö qaitä tähang kae y, hini älawngpre-a awng saite khimi angxynlyng na üng hunghö na tähang la löci aesa saite by vi.

1 Johan 4:10

Hini mitang khaw-a bälung aevaw saite lä mä-ai üng Säthaw tea bälung aevaw saite tea y vi. Äni ma mä-ai tea bälung aevaw saite lä Äcäpaw bung mä-ai üng hunghö na bälawi hai hethang mätaw saite vi.

Lokphong 14:4

Honi khimi na lä nawngmädi na hai täkübäjang sa ö y saite na vi. Äni ce lä äma ce tea pawprae y hethang sädi khai ö te vi. Äni ce lä Beram Caw ly saite mityng qütä-a hui ö vi. Äni ce bung Säthaw lä khimi ceng angxynlyng na thung üng kätho haile pa ö te vi dy. Äni ce lä Säthaw hai Beram Caw hai aesui saite na vi. Äni ce lä angcü üng ae saite cawbi cawthai na Säthaw hai Beram Caw tea a pyng saite na kätyng vi dy.

Lokphong 5:9

Tukha äni ce lä ae-awi kangthae thui ö vi dy. “Nang lä honi cae ang-yng la hethang hai, cakhi saite dengki na tea täphra hethang aeteng khaw vi. Ätephüng-a mei nädylä, khimi ce lä nang bung bädü kha nang üng löci aesa saite hai ceng qütä, älo cawngkhang aepe saite qütä, älawng qawng üng pre qütä awng saite na üng khimi na bung lä Säthaw tähang rang vi dy.