Ephesi 1:3 - Caekäcai Kangthae (Lemi)

³ Mä-ai üng Areng Isu Khrista üng Pä-ai Säthaw tea bälaw ö si. Äni lä Khrista hai-a mä-ai tähang Känipre-a Muilaw Käcai aesui saite üng tähang kähawi angxynlyng na py vi.

Asang Khongso New Testament

³ Aicae Angraeng Jesuh Khrih ih Ampa hoi Sithaw khaeah kawn lok thui o si! Kawmawtiah Khrih hoiah angpaehhaih ranghoiah van prae bangih pakhra tahamhoihhaih cungri to aicae hanah ang paek.

Ephesi 1:3 ပူးပေါင်းရင်းမြစ်များ

Luka 2:28

Simon ma äby bung nung te kätü-a lä äkö hai süng kha täpawi pa ea Säthaw tea kawng te lo thui dy.

Johan 14:20

Kai aetha haile te käni-a, kai Pä-ai tea awng ea nang ce lä kai tea awng te kätyng kai la nang ce tea awng näte nang ce mäny ö ai mang.

Johan 17:21

Äni ce angxynlyng lä bungtä awng hethang aetang te kae. Pä-ai ä, Nang, lä Kai hai aesui kha Kai la nang hai aesui te kätyng, äni ce bung mä-ai ma hai aesui hai jo ba. Tukä ea ni Pä-ai nang ma Kai bung mätaw te älawngpre üng khimi na ma yng hethang kae.

Johan 20:17

Isu ma “Kai tea aela hang. Kai lä Pä-ai tea tyng y te vi rawng. Kai üng äkähui na tea ly kha Kai üng ‘Pä-ai’ hai nang ce üng ‘Pä-ai’ kai üng ‘Säthaw’ hai nang ce üng ‘Säthaw’ tea kai lä ly ai näte phüng thui” näkha näpa dy.

Pawlae ma Rom märü üng kangkawng tähang tärü saite cae 12:5

Honi kätyng-a mä-ai lä aetawng y saite khimi awng mang ö ngaila, Khrista tea lä bungtä te phüng-a, mä-ai angxynlyng na lä ätabung haetä üng aesui saite kaepreng na vi.

Pawlae ma Rom märü üng kangkawng tähang tärü saite cae 15:6

Hokä ea ni nang ce angxynlyng na lä bälung hai ätüng haetä hai-a mä-ai üng Areng Isu Khrista üng Pä-ai Säthaw tea bälaw haw ö ai.

1 Korin 1:30

Säthaw ma sa te phüng-a, nang ce lä Isu Khrista hai bungtä lawng ö vi dy. Säthaw lä Khrista bung mä-ai tähang bälunghae hai hethang sa te vi dy. Äni hai-a Säthaw ma mä-ai tea khimi käcüng-a dawng te vi. Äni hai-a mä-ai bung lä khimi käcai-a lawng hai vi dy. Äni lä mä-ai üng hunghö sa jawjaw y hethang bälawi te vi dy.

1 Korin 12:12

Mä-ai Khrista tea yng saite na lä kaepreng na awng mang saite ätabung haetä kätyng vi. Ätabung lä kaepreng awng mang te hai-a sa ngaila, honi ätabung lä haetä kae.

2 Korin 1:3

Mä-ai üng Areng Isu Khrista üng Pä-ai Säthaw tea mä-ai lä bälaw ö si. Äni lä khimi angxynlyng na tea bäheng saite Pä-ai vi. Äni lä khimi ce tea säbawng khaw saite Säthaw vi.

2 Korin 11:31

Kai lä kaeling kaemae sa y näte Areng Isu üng Pä-ai Säthaw lä mäny te vi. Äni üng ämüng tea khimi ce lä bälaw ö jawjaw sy.

2 Korin 5:17

Khrista hai bungtä awng saite khimi qütä lä, khimi kangthae-a lawng vi dy. Älang kangrüng kätyng hing saite na lä aemai king vi dy. Älang kälang kangthae-a hing saite lä tyng te vi dy.

2 Korin 5:21

Khrista lä manila äte hunghö sa vai te y vi. Tungaila Säthaw lä mä-ai üng tähang-a äni tea lä hunghö awng te kätyng mäthi te vi dy. Tukätephüng-a mä-ai lä Khrista hai bungtä awng ö dylä, Säthaw ma mä-ai tea lä khimi käcüng-a mäthi vi ai.

Galati 3:9

Tukätephüng-a Abraham kätyng yng saite khimi angxynlyng na tea lä Säthaw ma äni tea py te kätyng tähang kähawi py by vi dy.

Ephesi 1:10

Khai rüng saite kätü tyng khaw tea äni ma Känipre-a hai älawngpre-a awng saite angxynlyng na tea lä Khrista üng aenae täkui-a mangtä khai ö ai näsaite lä äni üng mawlang kaedawng vi.

Ephesi 1:17

Kai lä mä-ai üng Areng Isu Khrista üng Säthaw, phung-ang aesang saite Pä-ai, tea aetang te vi. Nang ce tea Muilaw Käcai üng bälunghae saite hai täphawng saite py hethang äni tea kai lä aetang te vi. Nang ce lä äni tea mäny ö rae ai mang.

Ephesi 1:20

Hini haidae käleng hai-a Säthaw lä Khrista bung kädü thung üng mäning haile kha Känipre äma üng bangtang mang-a aety hai pa vi dy.

Ephesi 2:6

Säthaw lä mä-ai bung Isu Khrista hai mangtä kädü thung üng mätha ea Känipre-a Khrista hai mangtä aety kha pyng hai te vi. Mä-ai lä Khrista hai bungtä te phüng-a Säthaw lä hikä sa te vi dy.

Ephesi 3:10

Hikä sa saite lä Säthaw üng cangxei te bälung kähae na tea vaihi lä yng saite kangkawng hai-a käni khösang-a haidae leng saite angra na hai angtawtha angxynlyng na tea mäny hai pa hethang vi dy.

Ephesi 6:12

Mä-ai lä khimi ce hai täre aety ö te y. Käni khösang üng haidae hai aenae awng saite angra na, hini älawng käving pre tea pyng saite angra käleng na, älawng qawng-a aenae awng saite na hai täre aety ö te vi.

Filipi 2:11

Tukha khimi angxynlyng na ma “Isu Khrista lä Areng dy” näkha thui ö bawi vi ai. Tukätephüng-a khimi angxynlyng na ma lä mä-ai üng Pä-ai Säthaw üng phung-ang tea bälaw ö bawi vi ai.

Hebrai 8:5

Hini älawngpre-a mäthykung na üng kälu sa saite lä Känipre-a mäthykung sa saite üng ämuilaw kätyng kae. Honi lä Mosi üng aeting saite täthei vi. Mosi lä Taipung Käcai sa hethang aerü te kätü-a, Säthaw ma äni tea, “Me anghung-a Kai ma nang tea mätü pyng saite mimi täthei kätyng khaw-a, angxynlyng na kähawi-a sa hethang kae” näkha nä vi dy.

Hebrai 9:23

Hini na lä Känipre-a awng saite na üng täthei lawng te phüng-a, äthi hai cai hai hethang kae. Tungaila Känipre-a awng saite na tea cai hai hethang lä löci kähawiky sa hethang aely ngai vi.

1 Piter 1:3

Mä-ai üng Areng Isu Khrista üng Pä-ai Säthaw tea kawng te lo thui ö si. Äni lä mä-ai tea tengxyng y bäheng te phüng-a, Isu Khrista bung kädü thung üng mäning haile te hai-a mä-ai tea aepeng saite kangthae py vi dy. Tukätephüng-a mä-ai lä aethang khai saite kanghing awng ö te vi.