Ephesi 1:20 - Caekäcai Kangthae (Lemi)

²⁰ Hini haidae käleng hai-a Säthaw lä Khrista bung kädü thung üng mäning haile kha Känipre äma üng bangtang mang-a aety hai pa vi dy.

Asang Khongso New Testament

²⁰ Khrih duekhaih thung hoitoah angthawklet moa van prae ah a bantang bangah anghnutsak na-ah Sithaw mah patoh ih tharahhaih ih toengtoeng to ni.

Ephesi 1:20 ပူးပေါင်းရင်းမြစ်များ

Mathai 26:64

Isu ma “Honi lä nang üng älo vi. Tungaila kai nang ce tea thui ai. Vaimaw mang-a Kai, Khimi üng Cäpaw, lä haidae lengky saite Säthaw üng bangtang mang-a aety kha awng te hai khö angnüng qawng mang ly te tea nang ce lä nung ö vi ai rawng” näkha näpa.

Mathai 28:18

Isu lä äkähui lawng hawlai netä na äteng-a ly kha “Säthaw ma Känipre-a hai älawngpre üng aenae angxynlyng na kai tea py vi dy.

Marka 14:62

Isu ma “Tukä cy. Kai, Khimi üng Cäpaw, lä haidae lengky saite Säthaw üng bangtang mang-a aety kha awng te hai khö angnüng qawng mang ly te tea nang ce lä nung ö vi ai rawng” näkha näpa.

Marka 16:19

Areng Isu lä hokä äkähui na tea thui pyng dylä, Säthaw ma äni bung Känipre mang-a nähaija pa vi dy. Tukha Isu lä Säthaw üng bangtang mang-a aety pa vi dy.

Johan 10:18

Kai ma üng aely hai y dylä ämi la Kai bung bädü haw y. Kai ma üng aely hai ea ni Kai bung bädü haw te kae. Kai lä Kai ma üng hing saite aepy he aenae awng te vi. Kai ma tea hing haile hethang aenae la awng. Hini kätyng sa hethang Pä-ai ma Kai tea py te vi dy” näkha näpa.

Johan 10:30

Pä-ai hai Kai lä bungtä kae vi” näkha näpa.

Angtawtha 10:40

Tungaila käni thungtä käni-a lä, Säthaw ma Isu bung kädü thung üng mätha haile kha khimi ce tea lä, äni bung nung hai pa vi dy.

Angtawtha 26:8

Kädü na bung Säthaw ma mätha haile tyng te hi-a awng saite nang ce lä ätephüng-a yng he ngai ö y te mei.

Angtawtha 4:10

Nang ce hai Isrelae khimi angxynlyng na te mäny hai he ngai te lä, nang ce ma thinglang qawng-a bädü saite Nazare märü üng Isu Khrista üng haidae hai-a hini aedaw saite khimi bung känaw käsaw hawi sa pa te vi. Nang ce ma bädü saite Isu bung lä Säthaw ma mätha haile tyng pa te vi dy.

Angtawtha 5:31

Säthaw lä honi Isu bung äma üng bangtang mang-a khai kha Mätawngky hai Aeqangkung-a mäsang pa te vi. Isrelae khimi na aedawng mäkhüng haw hethang hai hunghö aelawi hai hethang tähang-a, Säthaw ma Isu bung hikä khai pa te vi dy.

Pawlae ma Rom märü üng kangkawng tähang tärü saite cae 1:4

Säthaw lä äni bung kädü thung üng hing haile te phüng-a, Muilaw Käcai üng haidae hai-a Säthaw üng Cäpaw vi näte tea mätü te vi dy.

Pawlae ma Rom märü üng kangkawng tähang tärü saite cae 8:34

Äni ce tea ämi ma dengpy ai mei. Isu Khrista lä mä-ai tea dengpy y lyng. Äni lä mä-ai tähang dü hai pa te cang y, Säthaw lä äni bung kädü thung üng mätha tyng pa te vi dy. Vaihi äni lä Säthaw üng bangtang mang-a awng kha mä-ai tähang Säthaw tea aetang pa te vi.

Ephesi 1:3

Mä-ai üng Areng Isu Khrista üng Pä-ai Säthaw tea bälaw ö si. Äni lä Khrista hai-a mä-ai tähang Känipre-a Muilaw Käcai aesui saite üng tähang kähawi angxynlyng na py vi.

Filipi 3:10

Kai üng ngai saite angxynlyng na lä Khrista tea mäny hethang, äni üng aetha haile saite haidae mäny hethang, äni üng mätang saite na kätyng mätang by hethang hai äni üng dü te kätyng dü te thung-a qa by hethang na vi.

Kolosa 1:16

Khrista hai-a Säthaw lä äte angxynlyng na sa vi dy. Käni hai älawng, nung haw saite hai nung haw y saite angxynlyng na, phung-ang leng saite änang na hai Känipre üng angtawtha angxynlyng na tea Khrista tähang sa pa te vi dy.

Kolosa 3:1

Nang ce lä Khrista hai mangtä kädü thung üng aetha tyng te phüng-a, Säthaw üng bangtang mang-a aety kha awng te Khrista üng mityng, Känipre hai aesui saite na tea ngai jawjaw ö ba.

Hebrai 1:3

Äcäpaw lä Säthaw üng phung-ang matangtä cangxei hethang hawi mei näte tea mätü kha äma khekhe lä Säthaw üng aeme aeqa saite hai aetawng khaw te vi. Hini älawng hai käni äte angxynlyng na tea lä äma üng haidae awng saite lo hai äma ce üng mityng-a awng jawjaw hethang sa te vi. Äni lä khimi ce üng hunghö na tea mäcai pyng ea Känipre-a awng saite phung-ang kälengky Säthaw üng bangtang mang-a aety vi dy.

Hebrai 10:12

Tungaila Khrista lä dungtäsa tähang löci mawi kätyng-a hunghö na tähang qengtä hai ma äma ma löci aesa te vi dy. Vaihi äni lä Säthaw üng äkö bangtang mang-a aety kha awng te vi.

Hebrai 13:20

Awngneng py saite Säthaw lä beram rui te Kung käleng lawng saite mä-ai üng Areng Isu tea dü te üng mäning haile tyng pa vi dy. Honi lä Isu Khrista üng äthi hai-a sa te vi. Honi äthi lä dungtäsa aenai saite äsäny vi.

Hebrai 2:9

Tungaila mä-ai lä Isu bung nung ö te vi. Säthaw lä Isu bung Känipre üng angtawtha na qawng-a tänaetä äje cäcaw kaeneng-a khai pa vi. Hini kätyng Isu lä Säthaw üng tähang kähawi hai-a khimi angxynlyng na tähang dü pa hethang kae te vi. Äni lä mä-ai tähang mätang bälaica-a dü pa te phüng-a Säthaw ma vaihi lä äni tea cangxei-a sa kha phung-ang py pa te mä-ai lä mäny ö te vi.

1 Piter 1:3

Mä-ai üng Areng Isu Khrista üng Pä-ai Säthaw tea kawng te lo thui ö si. Äni lä mä-ai tea tengxyng y bäheng te phüng-a, Isu Khrista bung kädü thung üng mäning haile te hai-a mä-ai tea aepeng saite kangthae py vi dy. Tukätephüng-a mä-ai lä aethang khai saite kanghing awng ö te vi.

Lokphong 1:17

Äni bung nung te kätü-a lä, äni üng khokung-a kai lä ri kha khimi kädü kätyng-a aetüng dung vi dy. Äni lä äma üng äkö bangtang mang hai kai qawng-a thyng kha “Ri y ma. Kai lä Kangmangky hai Kangkhüngky vi.