Ephesi 1:19 - Caekäcai Kangthae (Lemi)

¹⁹ Äte angxynlyng na qawng-a awng saite äni üng haidae nang ce mäny hethang kai lä aetang te by vi. Hini haidae lä yng saite mä-ai üng bälung tea mäqa te vi.

Asang Khongso New Testament

¹⁹ angmah ka taang kaminawk thungah toksakhaih thai ih tharahhaih to natanto maw a lenh tito na panoek o thaih moa, angmah ih aanghaih to na hnuk o thaih hanah nangcae ih palungthin to paong pae o na soe, tiah kho ka phoeh. Aicae thungih kaom tharahhaih ih loa,

Ephesi 1:19 ပူးပေါင်းရင်းမြစ်များ

Filipi 2:13

Ätephüng-a mei nädylä Säthaw lä nang ce üng bälung thung-a kälu sa jaw jaw te vi. Nang ce lä Säthaw üng aely kängai sa hethang hai äni üng kawng saite sa hai hethang äni lä nang ce tea säbawng te vi.

Ephesi 3:20

Mä-ai mäkai saite hai aedawng haw saite qawng-a, Säthaw lä awng mang-a py rae haw vi ai. Ätephüng-a mei nädylä äni üng haidae lä mä-ai üng bälung thung-a kälu sa te vi dy.

Kolosa 2:12

Nang ce lä baptismae la te kätü-a, nang ce üng hunghö sa he ngai saite tea Khrista hai mangtä ö pyng te kätyng awng haw vi dy. Äni bung kädü thung üng mätha kha hing hai pa saite Säthaw üng phung-ang tea nang ce lä yng te phüng-a, Khrista hai mangtä dü saite thung üng nang ce la hing haile ö te by vi dy.

2 Korin 4:7

Kai ce lä sui tangkae awng saite sätüng na kätyng vi. Hini hai-a kai ce lä äte angxynlyng na qawng-a lengky saite haidae lä Säthaw hai aesui te vi näte mätü te vi. Hini lä kai ce hai aesui te y.

Kolosa 1:29

Tukätephüng-a kai lä hini kätyng aethawsa kha kälu sa te vi. Khrista ma py saite phung-ang lä kai üng äthung-a awng kha sa te vi ba.

Ephesi 6:10

Kangkhüng üng lo nang ce tea kai thui te lä hikä vi. Areng üng haidae käleng hai-a nang ce lä aethaw aela ö.

Ephesi 3:7

Säthaw lä äma üng tähang kähawi hai haidae hai-a kai tea hini Angthang Kähawi thui hethang mawsawng-a bälawng te vi dy.

Ephesi 2:10

Säthaw lä mä-ai bung khimi kangthae kätyng-a sa te vi dy. Mä-ai lä hawi saite kälu na sa hethang Isu Khrista hai bungtä-a lawng hai te vi. Honi hawi saite kälu na lä jangni-a Säthaw üng mawlang kaedawng kätyng sa te vi dy.

Pawlae ma Rom märü üng kangkawng tähang tärü saite cae 1:16

Kai lä Angthang Kähawi tähang aejae te y. Honi Angthang Kähawi yng saite angxynlyng na tea aeqang hethang lä Säthaw üng haidae vi. Honi Angthang Kähawi lä angcüky-a Judae khimi na tähang hai honi pyng-a lä ceng kälang khimi ce tähang by vi.

Jako 1:18

Äni lä äma üng mawlang kaedawng kätyng lo mitang hai-a mä-ai tea hing saite kangthae py te vi dy. Ätephüng-a mei nädylä, äni lä mä-ai bung äma sa saite na thung-a, angcüky mityng-a py hethang ngai te vi.

2 Thesalon 1:11

Tukätephüng-a kai ce lä nang ce tähang aetang jawjaw ö te vi. Säthaw lä nang ce tea ka saite hai kaeteng khaw-a awng haw hethang säbawng he kai ce lä aetang pa ö te vi. Nang ce üng yng te hai ngai saite kälu kähawi na sa haw hethang haidae na äni ma nang ce tea py sy.

1 Thesalon 1:5

Ätephüng-a mei nädylä kai ce lä Angthang Kähawi nang ce tea thui te kätü-a, älo na hai qaitä thui te y. Muilaw Käcai üng haidae hai-a la thui te by vi. Kai ce üng thui saite Angthang Kähawi lä tüng king te vi näte kai ce lä yng ö khü te vi. Nang ce hai mangtä awng te kätü-a, kai ce üng awng saite na tea nang ce lä mäny ö vi. Kai ce üng awng saite na lä nang ce tea säbawng hethang tähang vi.

2 Korin 5:17

Khrista hai bungtä awng saite khimi qütä lä, khimi kangthae-a lawng vi dy. Älang kangrüng kätyng hing saite na lä aemai king vi dy. Älang kälang kangthae-a hing saite lä tyng te vi dy.

Angtawtha 26:18

Nang lä ceng kälang khimi na üng ämi tea aevang hai pa he kae. Äni ce bung käving thung üng hai kaevang mang-a aekö hai lawi. Tukha Setan angra üng haidae thung üng hai Säthaw te mang-a, tyng hai hethang kae. Äni ce lä kai tea yng te phüng-a, Säthaw ma äni ce üng hunghö na bälawi pa ai. Säthaw ma re saite khimi na thung-a, awng haw hethang mityng py ai. Hini kä aelawng hethang kai lä nang bung mätaw te vi.’

Johan 3:6

Khimi üng änä-awi pä-ai hai-a khimi ätabung dang. Säthaw üng Muilaw Käcai hai-a muilaw hing saite dang.

Filipi 3:21

Äni lä äte angxynlyng na tea pyng hethang haidae awng te vi. Honi aenae hai-a hini älawngpre hai aesui saite mä-ai üng ätabung tea lä äni ma mäqa pa vi ai. Mä-ai üng ätabung kangthae lä Khrista üng ätabung täthei-a aetawng ö vi ai. Honi ätabung kangthae hai-a Säthaw lä äma üng haidae hai phung-ang mätü pa vi ai.

1 Piter 4:11

Thuikaw saite khimi na lä Säthaw üng angthang thui hethang kae. Khimi kälang tea säbawng saite khimi na lä Säthaw üng aethaw hai-a säbawng hethang kae. Tudylä, nang ce sa saite angxynlyng na hai khimi ce lä Isu Khrista hai-a Säthaw tea bälaw haw ö ai. Äni üng haidae hai phung-ang lä dungtäsa awng jawjaw sy. Amen.