Ephesi 1:13 - Caekäcai Kangthae (Lemi)

¹³ Vaihi nang ce la aeqang saite Angthang Kähawi, lo mitang tea lä thai ö pyng te by vi dy. Nang ce lä Khrista tea yng kha äni hai bungtä awng ö te vi dy. Äni hai bungtä te phüng-a Säthaw lä älo aedo saite kätyng Muilaw Käcai bung nang ce tea py vi dy. Hini Muilaw Käcai lä nang ce tea Säthaw üng khimi vi näkha mätü saite äsäny vi dy.

Asang Khongso New Testament

¹³ Nangcae doehsoe pahlonghaih ka paekkung Tamthang Kahoih loktang lok to na thaih o na-ah Sithaw ih kami ah na coengh o toengh. Nangcae loa Khrih to na taang o moa Sithaw angmah amaih tangcae ih Cai Pakhra to paekhaih hoiah angmah ih kami ah coenghhaih amathaih ih tacik to nangcae nuiah a daengh.

Ephesi 1:13 ပူးပေါင်းရင်းမြစ်များ

Luka 11:13

Nang ce hunghö awng mang saite khimi mäteng ma caw nade na tea kähawi sai na py vävawi te vi. Tukätephüng-a Känipre-a awng saite nang ce üng Pä-ai lä mäkai saite khimi na tea Muilaw Käcai py khaw vi ai” näpa.

Luka 24:49

Üngai ma mätaw he aedo saite Muilaw Käcai bung nang ce tea kai mätaw ai mang. Tungaila Säthaw üng haidae nang ce dang y rytä lä hini Jerusalem märü-a aering ö re ba” näpa.

Johan 1:17

Säthaw lä Mosi te mang hai-a Ubädi lo py kha Säthaw üng bälung kähawi hai mitang khü lä Isu Khrista hai-a tyng dy.

Johan 14:26

Pä-ai lä kai üng ämüng hai-a, nang ce tähang mätaw saite säbawng te Kung, Muilaw Käcai lä, nang ce tea angxynlyng na mätu pa ai. Kai thui pyng te na sädi dang hai ai mang.

Johan 15:26

“Säbawng te Kung Muilaw Käcai bung nang ce tähang Kai ma mätaw ai. Hini Muilaw Käcai lä Säthaw phüng mitang khaw-a thui ai. Äni lä Pä-ai te üng ly kha Kai phüng thui pa ai mang.

Johan 3:33

Tungaila äni üng angthang yng saite khimi na ma lä ‘Säthaw lä mitang khü vi’ näkha thui te vi.

Johan 6:27

Aekang y saite käcakänei na tähang aethawsa ö y ma. Dungtäsa kähing py saite käcakänei na tähang aethawsa ö. Kai, Khimi üng Cäpaw, ma nang ce tähang hini käcakänei na py ai mang. Ätephüng-a mei nädylä kai üng Pä-ai Säthaw lä kai tea bälung kähawi mätü king te vi dy” näkha näpa.

Angtawtha 1:4

Känitä-a, Isu lä angtawtha na hai mangtä awng ea “Nang ce Jerusalem märü üng ly ö ja hang. Ä-ai ma mätaw he aedo saite Muilaw Käcai tea aering kha awng ö. Honi phüng na kai ma nang ce tea thui pyng te thai ö vi dy.

Angtawtha 13:26

“Isrelae kangby jä-ai na ä, Abraham üng kaesui hai Säthaw tea yng saite ceng kälang khimi na ä, Säthaw lä khimi bung makä sa kha aeqang mei näte angthang mä-ai tea mäny hai te vi dy.

Angtawtha 2:33

Säthaw ma Isu bung äma üng bangtang mang-a khai kha Äpä-ai ma aedo saite Muilaw Käcai tea äni lä dang vi dy. Nang ce vaihi nung kha thai saite lä Areng ma mä-ai tea py saite äni üng lasawng vi.

Pawlae ma Rom märü üng kangkawng tähang tärü saite cae 1:16

Kai lä Angthang Kähawi tähang aejae te y. Honi Angthang Kähawi yng saite angxynlyng na tea aeqang hethang lä Säthaw üng haidae vi. Honi Angthang Kähawi lä angcüky-a Judae khimi na tähang hai honi pyng-a lä ceng kälang khimi ce tähang by vi.

Pawlae ma Rom märü üng kangkawng tähang tärü saite cae 4:11

Abraham lä honi pyng-a lengkhüng täke te kae vi. Äni üng lengkhüng täke saite lä äni üng yng te phüng-a, Säthaw ma äni üng lengkhüng täke y kälang-a äni tea khimi käcüng-a mäthi saite mätü hethang äsäny vi dy. Abraham lä Säthaw tea yng saite khimi angxynlyng na üng pä-ai vi. Honi khimi ce lä lengkhüng täke y ngaila äni üng yng te phüng-a, äni ce tea lä khimi käcüng kätyng Säthaw lä nung te vi dy.

Pawlae ma Rom märü üng kangkawng tähang tärü saite cae 6:17

Jangni-a nang ce lä hunghö üng mawsawng na lawng vai ngaila, vaihi lä nang ce dang te mätu saite tea bälung mäke hai tängai ö te vi dy. Tukätephüng-a mä-ai lä Säthaw tea kawng te lo thui ö si.

2 Korin 1:22

Tukha mä-ai lä Säthaw hai aesui vi näte mätü hethang äni lä mä-ai üng bälung thung-a Muilaw Käcai py kha mä-ai tea äsäny sa pa vi dy. Hini aedo saite lo lä khawngdüng-a Säthaw ma mä-ai tea py khaw hethang awng saite tähang kähawi na vi.

2 Korin 6:7

Kai ce lä lo mitang thui kha Säthaw üng haidae hai-a kälu sa ö te vi dy. Cüng saite lä kai ce üng maiphaw maicae vi. Kai ce lä hini maiphaw maicae hai täre na tea aety kha mä-ai ma tea aedung ö te vi.

Galati 3:14

Isu Khrista ma mä-ai bung aeqang te kätü-a Säthaw lä Abraham tea tähang kähawi py te kätyng ceng kälang na tea la py te by vi. Tukätephüng-a yng saite hai-a mä-ai lä Säthaw ma aedo saite Muilaw Käcai bung dang haw ö ai mang.

Ephesi 4:21

Khrista üng phüng thai saite nang ce hai äni üng äkähui na ma nang ce tea mätu te na lä, Isu üng lo mitang kätyng vi näte kai lä bälung ae-y khaw te vi.

Ephesi 4:30

Säthaw üng Muilaw Käcai tea lä bälungsi hai ö hang. Säthaw lä Muilaw Käcai py te hai-a nang ce tea äsäny sa te vi. Hini äsäny hai kangkhüng üng käni-a nang ce bung Säthaw lä cungrü-a aeqang vi ai näte mätü te by vi.

1 Thesalon 2:13

Kai ce ma Säthaw tea kawng te lo thui jawjaw te phüng lä, nang ce ma kai ce te üng Säthaw lo thai kha yng ö te phüng-a vi. Honi lä khimi ce üng lo angthang y käla Säthaw üng lo angthang kätyng aedawng ö te vi. Hini lä Säthaw üng lo tätang khaw vi. Honi lo angthang hai-a yng saite na üng bälung tea lä Säthaw ma mäqa pa te by vi.

2 Timote 2:15

Nang lä Säthaw üng maw-a aedaw ea äni üng kawng hai hethang aethawsa ba. Nang ma üng kälu tähang aejae y käla sa saite khimi-a lawng ba. Lo mitang tea kähawi-a mätu khü saite khimi-a lawng ba.

2 Timote 2:19

Tungaila Säthaw tea yng khü te khimi na üng yng saite lä ingkäleng haetä üng aenyng nae ca te kätyng cakhi te vi. Säthaw üng tärü saite na lä “Areng lä äma tea yng saite khimi na bung mäny vi” näte hai “Khimi lawngtä ma kai lä Areng leithung hui te vi näkha thui dylä, käsi sa saite tea khaisö hethang kae te vi” näte awng vi.

2 Timote 3:15

Nang lä nade te kätü üng hai ma Caekäcai ping tea mäny pyng te vi dy. Honi Caekäcai na lä Säthaw üng aeqang saite lä Isu Khrista tea yng te hai-a dang te vi näte nang mäny haw hethang säbawng saite cae vi.

Titas 2:11

Ätephüng-a mei nädylä Säthaw lä khimi angxynlyng na bung aeqang hethang äma üng tähang kähawi aetüng hai pa pyng te vi dy.

Hebrai 2:3

Hokä aeqang saite käleng tea mä-ai dawngcang y vi dylä, Areng ma mä-ai tea deng py ai näte lä tätang khaw vi. Areng äma khekhe lä hini aeqang saite angthang angcü-a ma thui te vi dy. Äni üng angthang thai saite khimi na ma mä-ai tea lä honi angthang tüngkhaw vi saite mätü vi dy.

Jako 1:18

Äni lä äma üng mawlang kaedawng kätyng lo mitang hai-a mä-ai tea hing saite kangthae py te vi dy. Ätephüng-a mei nädylä, äni lä mä-ai bung äma sa saite na thung-a, angcüky mityng-a py hethang ngai te vi.

Jako 1:21

Tukätephüng-a nang ce üng pawprae saite kaedawng hai aepä-e saite angxynlyng na khaisö ö lawi. Säthaw ma nang ce üng bälung thung-a mäkung saite lo tea nang ce lä aemäneng te bälung hai täla ö. Hini lo lä nang ce bung aeqang haw te vi.

1 Piter 2:10

Jangni-a nang ce lä Säthaw üng khimi na y ngaila, vaihi lä Äni üng khimi na vi. Jangni-a lä Säthaw üng bäheng saite mäny y ngaila, vaihi nang ce lä Äni üng bäheng saite tea mäny ö te vi dy.

Lokphong 7:2

Säthaw Kanghing üng äsäny tea süng kha käni käse mang üng ly saite Känipre angtawtha kälang bung kai lä nung vi dy. Äni lä älawng hai pangle tea täphra hethang Säthaw ma haidae py saite Känipre angtawtha lawng bälitä na tea ätüng käleng hai thui vi dy.