Ephesi 1:10 - Caekäcai Kangthae (Lemi)

¹⁰ Khai rüng saite kätü tyng khaw tea äni ma Känipre-a hai älawngpre-a awng saite angxynlyng na tea lä Khrista üng aenae täkui-a mangtä khai ö ai näsaite lä äni üng mawlang kaedawng vi.

Asang Khongso New Testament

¹⁰ Atue a koep na-ah Sithaw mah kacung ta-ah amsakhaih ih loa, van ih kaom hmuennawk boih hoi long ih kaom hmuennawk boih hae maeto ah tacu king moa Khrih to a lu koek ah suek han hae ni.

Ephesi 1:10 ပူးပေါင်းရင်းမြစ်များ

Mathai 25:32

Tukha ceng angxynlyng na üng khimi na lä kai üng maw-a aekäcö ö vi ai. Beram kärui kung ma beram hai sobei na bung täphü te kätyng khimi ce bung lä phü netä täphü vi ai.

Marka 1:15

Isu lä “Säthaw ma khai saite kätü lä tyng vi dy. Säthaw ma Sanphrang sa saite kätü lä aenai dy. Ae-ui kha Angthang Kähawi tea yng ö lawi” näkha näpa.

1 Korin 10:11

Mä-ai üng kangsi kangjaw na tea hini kätyng aeting te lä mä-ai tähang aetu nae haetä-a lawng te vi. Hini tyng saite na lä mä-ai tea sädi py hethang tärü te vi dy. Mä-ai hing saite kätü lä kangkhüng üng kätü hai aenai ö te vi dy.

1 Korin 11:3

Tungaila nawngmäcaw qütä üng älö lä Khrista vi näte kai lä nang ce tea mäny hai hethang ngai te vi. Nawngmädi qütä üng älö lä äma üng nawngpaw vi. Khrista üng älö lä Säthaw vi.

Galati 4:4

Tungaila kätü tyng khaw ea lä, Säthaw lä äma üng Cäpaw bung älawngpre-a mätaw vi dy. Äni bung lä nawngmädi lawngtä üng cäpaw kätyng aepeng kha, Judae na üng Ubädi täkui-a awng hai pa vi dy.

Ephesi 1:22

Säthaw lä äte angxynlyng na tea Khrista üng äkho täkui-a khai pa vi dy. Yng saite kangkawng angxynlyng na qawng-a älö kätyng äni bung khai pa vi dy.

Ephesi 2:15

Khrista ma Judae na üng reitae hai ubädi na tea äma üng dü saite hai-a aenae awng y rung khytä sa pa vi dy. Äni üng mawlang kaedawng lä Judae khimi na hai ceng kälang na tea äma hai bungtä lawng hai kha ceng kangthae haetä-a bälawng pa vi dy. Hini kätyng sa te hai-a ceng känetä tea lä aede hai pa vi dy.

Ephesi 3:15

Äni lä Känipre üng awng saite angtawtha angxynlyng na hai kälang angxynlyng na, hai älawngpre-a awng saite ceng angxynlyng na tea sa saite Pä-ai vi.

Ephesi 3:2

Kai lä nang ce ceng kälang na tea Angthang Kähawi thui hethang Säthaw ma kai tea äma üng tähang kähawi hai-a py saite kälu lä nang ce thai tätang ö pyng te vi dy.

Kolosa 1:16

Khrista hai-a Säthaw lä äte angxynlyng na sa vi dy. Käni hai älawng, nung haw saite hai nung haw y saite angxynlyng na, phung-ang leng saite änang na hai Känipre üng angtawtha angxynlyng na tea Khrista tähang sa pa te vi dy.

Kolosa 1:20

Säthaw lä äma üng Cäpaw tähang hai Känipre-a awng saite angxynlyng na hai älawngpre-a awng saite angxynlyng na äma tea tyng hai hethang aely ngai te vi. Äma üng Cäpaw lä thinglang qawng-a äthi lawng hai te, hai äte angxynlyng na tea Säthaw lä äma hai aede hethang älang sa pa te vi dy.

Kolosa 3:11

Hini phüng-a lä, Judae khimi läsy, ceng kälang khimi läsy, lengkhüng täke te läsy, täke y te läsy, khimi kärang läsy, kärang y läsy, mawsawng läsy, mawsawng y läsy, awng y dy lyng. Khrista lawngtä ni aely lengky te kae. Äni lä yng saite khimi qütä thung-a awng bawi te vi.

Hebrai 1:2

Tungaila vaihi kangkhüng käni-a lä Äcäpaw te mang hai-a mä-ai tea älo thui te vi dy. Säthaw lä Äcäpaw hai-a käni hai älawng sa kha äte angxynlyng na tea pyng hai hethang re vi dy.

Hebrai 11:40

Ätephüng-a mei nädylä Säthaw lä mä-ai tähang hawiky saite mawlang kaedawng awng te phüng-a vi dy. Äni üng ae-y saite hini khimi na tea lä mä-ai hai mangtä Säthaw ma khimi cungrü-a bälawng haw ö vi ai.

Hebrai 9:10

Säthaw tea löci sa saite na lä käca känei hai reitae kätyng mäse saite cawngkhang na hai aesui te kae vi. Hini angxynlyng na lä bälung thung hai aesui y saite reitae na kae vi. Hini na lä Säthaw ma angxynlyng na tea kangthae sa te kätü khytä xyng ni awng ö te kae vi.

1 Piter 1:20

Säthaw lä älawng sa y te kälang üng hai ma Khrista bung lä re pyng te vi dy. Hini kangkhüng kätü-a, äni lä Khrista bung nang ce tähang täphawng pa te vi dy.

Lokphong 5:9

Tukha äni ce lä ae-awi kangthae thui ö vi dy. “Nang lä honi cae ang-yng la hethang hai, cakhi saite dengki na tea täphra hethang aeteng khaw vi. Ätephüng-a mei nädylä, khimi ce lä nang bung bädü kha nang üng löci aesa saite hai ceng qütä, älo cawngkhang aepe saite qütä, älawng qawng üng pre qütä awng saite na üng khimi na bung lä Säthaw tähang rang vi dy.