Angtawtha 9:2 - Caekäcai Kangthae (Lemi)

² Damasaka märü-a awng te Judae na üng ingkäcai mätawngky na tea py hethang cae mäkai pa vi. Sawlae lä Damasaka-a, Areng Isu üng leithung hui saite nawngmädi nawngmäcaw na bung aeting ea äni ce bung ne kha aethaw paitae hai-a, Jerusalem märü-a nähai hethang aenae ngai te vi.

Asang Khongso New Testament

² Damaskas vang ih sinakok ukkungnawk khaeah panoek bomhaih ih ca to a hnik. A patoephaih ih loa ato vang ah Angraeng ih Loklam pazuinawk om nahaeloa nongpui doehsoe, nongpa doehsoe naeh moa Jerusalem ah caeh haih han hae ni.

Angtawtha 9:2 ပူးပေါင်းရင်းမြစ်များ

Mathai 10:17

Nang ce lä kähawi-a sädi khai ö. Makäte phüng-a mei na dylä, khimi phütä na ma nang ce bung ne kha Judae na üng jung kai-a nähai ö vi ai. Judae na üng ingkäcai thung-a nang ce tea bo ö ai.

Johan 14:6

Isu ma “Kai lä lolang vi. Älo mitang hai Hing saite la vi. Pä-ai tea tyng rung khytä ly haw saite lolang lä Kai ma qaitä kae.

Angtawtha 18:25

Areng Isu üng phüng na aetu vai saite khimi la vi. Äni lä Isu üng phüng na bälung mitang hai-a, khimi ce tea mätu pa vi dy. Äni lä Isu üng phüng thui tätang khaw te vi. Tungaila äni lä Baptismae Johan üng baptismae ma qaitä mäny te kae vi.

Angtawtha 19:23

Honi kätü-a Ephesi märü-a, Areng Isu üng angthang mätu saite phüng-a, aepuilung hai pa vi dy.

Angtawtha 19:9

Tungaila khimi phütä na lä bälung tangkö kha yng he ngai ö pa y vi. Khimipui maw-a Areng üng mätu saite phüng na tea käsi thui pa ö vi. Tukätephüng-a Pawlae lä Judae na üng ingkäcai üng tho kha Yng saite khimi na bung nähai vi dy. Tairana näsaite khimi üng cae aetu nae mityng-a, käni qütä älo na aedüng aethui pa vi dy.

Angtawtha 24:14

Tungaila kai ce üng kangsi na üng Säthaw tea cäphaw kha Areng Isu üng mätu saite älang kai lä bäjui te vi. Äni ce lä honi tea tämang saite vi näkha aedawng ö te vi. Tungaila Mosi üng Ubädi hai buisaw na tärü kha thui saite angxynlyng na tea kai lä yng vi.

Angtawtha 24:22

Feli lä Areng Isu üng mätu saite älang phüng kähawi-a mäny te vi kha älo aecei saite lä honi kätü-a, aenawng hai pa vi dy. Äni ma “Reisae kälengky Lusia tyng ea lä, nang ce üng ämö tea kai ma bädü pa ai mang” näpa.

Angtawtha 26:10

Hini kätyng Jerusalem märü-a kai lä sa te by vi dy. Mäthykung käleng üng aenae hai Yng saite khimi angxynlyng na bung kai ma thawng thung-a pä-ung pa te vi. Äni ce bung bädü saite kätü-a lä kai la bälung mangtä aedü te by vi.

Angtawtha 26:12

“Hini kätyng sa hethang kai lä mäthykung käleng üng aenae hai-a, äni ce te üng dang te cae süng kha, Damasaka märü-a ly te vi dy.

Angtawtha 6:9

Tungaila khimi phütä na lä, älo e pa ö vi. Äni ce lä khimi mawsawng üng aelawi saite khimi na üng Ingkäcai näsaite aecö nae mityng üng ly ö te vi. Äni ce lä Sarene hai Alesanda märü üng Kiliki khö hai, Asia pre cäpi üng Judae khimi na vi.

Angtawtha 7:19

Honi sanphrang lä mä-ai üng kangsi na tea kätüng y te hai, mätangca-a, sa pa te vi. Äni ce üng aepeng pei te nade na bung dü rung khytä ing ärang mang-a, kädesö kha khai hai pa ö te vi.

Angtawtha 9:14

Tukha Areng tea Yng saite khimi angxynlyng na bung ne hethang mäthykung käleng na te üng aenae dang pyng saite khimi vi” näkha näpa.

Angtawtha 9:21

Äni üng älo thai saite khimi angxynlyng na lä cangxei ö phi vi dy. Äni ce ma “Hini khimi lä Jerusalem märü üng Isu tea Yng saite khimi na bung bädü saite khimi y mei. Hini mityng üng käyng na bung ne kha mäthykung käleng na tea nähai hethang äni lä ly te y vi mei.”

2 Korin 11:32

Kai lä Damasaka märü-a awng te thüng-a, sanphrang Arita täkui-a awng saite Aecörae mätawngky lä kai bung ne hethang Damasaka märü üng reisae na tea rui hai ö te vi dy.

Galati 1:17

Kai y kälang-a angtawtha lawng saite na hai aeting hethang kai lä Jerusalem märü-a ly te y vi. Tukä ea la kai lä Arabia pre-a ly mang te vi. Honi pyng-a lä Damasaka märü-a kai lä aekö haile te vi.