Angtawtha 7:25 - Caekäcai Kangthae (Lemi)

²⁵ Säthaw ma äni bung äma üng khimi na aelawi hai hethang tähang-a, mätaw te vi näte Isrelae khimi na mäny ai müng näkha äma lä aedawng te vi. Tungaila äni ce lä mäny ö pa y vi.

Asang Khongso New Testament

²⁵ (Sithaw mah anihcae to loihsak hanah kai hae patoh tih tito angmah ih kaminawk mah panoek kop tih, tiah a dawn e panoek kop o ai).

Angtawtha 7:25 ပူးပေါင်းရင်းမြစ်များ

Marka 9:32

Äkähui na lä Isu üng älo thui saite phüng tea mäny pa ö y. Tungaila äni ce lä Isu tea älo düng vawng pa ö y.

Luka 18:34

Tungaila äkähui na lä hikä thui saite lo tea bälungva ö y vi. Säthaw lä honi älo älawngsai tea äni ce tähang ho pa te phüng-a vi. Tukha Isu thui saite phüng äni ce lä mäny ö pa y vi.

Luka 9:45

Tungaila hikä thui saite äni ce lä bälungva ö y vi. Honi ho saite älo phüng lä thaikaw ö y vi. Äni ce lä Isu tea älo düng vawng ö y vi.

Angtawtha 14:27

Antioh märü-a änini tyng te kätü-a, änini lä Yng saite khimi na bung aekäcö hai kha äma ni hai-a Säthaw ma sa saite kälu na läsy, ceng kälang khimi na yng hethang Säthaw ma kätü kähawi py te phüng-a läsy, änini ma thui hawi pa haile king te vi dy.

Angtawtha 15:4

Jerusalem märü-a äni ce tyng te kätü-a, kangkawng üng Yng saite khimi na hai mangtä angtawtha na, kangkawng üng mätawngky na ma äni ce bung lady pyng-a, äma ce tea Säthaw ma äni ce hai-a sa saite phüng angxynlyng na thui pa ö king vi dy.

Angtawtha 15:7

Kätü käqae-a aedüng pyng ea lä, Peterae ma aetha kha “Kangby jä-ai na ä, Säthaw lä jangni üng hai ma ceng kälang khimi na yng haw hethang, Angthang Kähawi thui hai hethang kai bung nang ce thung üng re te vi näte nang ce lä mäny ö te vi dy.

Angtawtha 21:19

Pawlae lä honi khimi ce tea kawng bärai sa dy. Tupyng-a ceng kälang na tea Säthaw lä Pawlae te mang hai-a, sa pa saite kälu na phüng äni ce tea thui king pa vi dy.

Angtawtha 7:24

Tukha Isrelae khimi lawngtä bung Aikuta khimi lawngtä ma, bo te nung vi. Äma lä Isrelae khimi tea aekung kha tärawitha ea Aikuta khimi bung bädü pa vi dy.

Angtawtha 7:26

Kädang mang-a äma ce Isrelae khimi lawng netä aemang hawi te tea Mosi lä nung pa vi. Äni ma ‘Nang ni lä kangby jä-ai kae be tu, aejaw aemang hawi hang lawi’ näkha aede haile hethang thui pa dy.

Pawlae ma Rom märü üng kangkawng tähang tärü saite cae 15:18

Kai hai-a Khrista lä makä sa mei näte xyngtä kai lä thui vawng te vi. Ceng kälang na lä Säthaw üng lo tängai hai hethang kai üng thui saite lo, kai üng sa saite kälu na, kamarae na üng haidae hai cangxei saite na tea Säthaw üng Muilaw Käcai hai-a sa saite na vi dy. Tukätephüng-a Jerusalem märü üng hai aetawng kha Ilirikum khö-a tyng saite mityng qütä-a Khrista üng Angthang Kähawi tea kai lä thui king te vi dy.

1 Korin 15:10

Tungaila Säthaw üng tähang kähawi phüng-a, kai lä äni üng angtawtha-a lawng te vi dy. Kai tea Säthaw ma py saite tähang kähawi lä aetütü-a lawng te y vi. Kai lä angtawtha kälang na qawng-a aethaw saky te vi. Tungaila kai ma sa te y lyng. Säthaw üng tähang kähawi lä kai hai mangtä awng te phüng vi.

1 Korin 3:9

Kai ni lä Säthaw üng kälu tea sa saite kangby jä-ai na vi. Nang ce la Säthaw üng lai kätyng vi. Nang ce lä Säthaw üng Ingkäcai kätyng by vi.

2 Korin 6:1

Kai ce lä nang ce hai Säthaw üng kälu mangtä sa saite kängby jä-ai na lawng te phüng-a, nang ce tea mäci he ngai ö te vi. Säthaw ma nang ce angxynlyng tea tähang kähawi py vi dy. Tukätephüng-a Säthaw üng tähang kähawi tea aetütü-a lawng hai hethang lä sa ö hang.

Kolosa 1:29

Tukätephüng-a kai lä hini kätyng aethawsa kha kälu sa te vi. Khrista ma py saite phung-ang lä kai üng äthung-a awng kha sa te vi ba.