Angtawtha 26:18 - Caekäcai Kangthae (Lemi)

¹⁸ Nang lä ceng kälang khimi na üng ämi tea aevang hai pa he kae. Äni ce bung käving thung üng hai kaevang mang-a aekö hai lawi. Tukha Setan angra üng haidae thung üng hai Säthaw te mang-a, tyng hai hethang kae. Äni ce lä kai tea yng te phüng-a, Säthaw ma äni ce üng hunghö na bälawi pa ai. Säthaw ma re saite khimi na thung-a, awng haw hethang mityng py ai. Hini kä aelawng hethang kai lä nang bung mätaw te vi.’

Asang Khongso New Testament

¹⁸ Nangmah anihcae ih mik to na padaisak ueloa vinghaih thung hoitoah aanghaih thungah, Setan ih tharahhaih thung hoitoah Sithaw ih tharahhaih thungah nam laemsak tih, kai to taanghaih ranghoiah anihcae zaehaih ih to tahmen ah om ueloa Sithaw mah qoih ih kaminawk salak thungah ahmuenh to hak o toengh tih,’ tiah ang naa.

Angtawtha 26:18 ပူးပေါင်းရင်းမြစ်များ

Mathai 4:10

Tukha Isu ma, “Setan angra, kai te üng thoja lä. Caekäcai thung-a tärü te lä ‘Nang üng Areng Säthaw lawngtä xyng tea ni cäphaw kha äni üng mawsawng ni sa hethang kae’” näkha näpa.

Luka 1:77

Säthaw ma khimi ce üng hunghö na bung bälawi kha, aeqang saite phüng nang lä Säthaw üng khimi ce tea mätu pa vi ai.

Luka 1:79

Mesia lä hunghö käving thung-a awng saite khimi na hai, dü he ri saite khimi na tea kaevang py kha Säthaw üng Angthang kätüng thui pa ai. Äni lä mä-ai tea awngneng saite lolang thung-a ly hethang bähawi pa vi ai” näkha Zakhari lä thui pa.

Luka 2:32

Äni lä ceng kälang khimi ce tea lolang mätü saite kaevang-a lawng pa vi ai. Isrelae khimi na lä äni üng phüng hai-a phung-ang dang ö vi ai” näkha thui pa dy.

Luka 24:45

Tudylä Caekäcai lo na tea mäny haw hethang äni ce tea thui mäcai pa vi dy.

Luka 24:47

Hini angthang lä Mesia üng aenae hai-a pre qütä awng saite khimi na tea thui ai. Ae-ui saite khimi na tea lä Säthaw ma hunghö bälawi pa vi ai. Äni ce lä hini angthang tea Jerusalem märü üng hai aetawng kha thui ö vi ai.

Luka 4:18

“Areng üng Muilaw Käcai lä kai hai mangtä awng dy. Khimi kangtang na tea Angthang Kähawi thui hethang Säthaw ma kai bung re te phüng-a vi. Thawng thung üng khimi ce tea bälawi vi ai näte phüng thui hethang, ämi kangjö na ämi nung haile hethang, Säthaw ma kai bung mätaw te vi. Sakälö khü pa saite khimi na aelawi hethang, Areng ma äma üng khimi ce bung qae y tea ma, aeqang ai dy näte thui pa hethang, Säthaw ma kai bung mätaw te vi dy” näkha phai pa.

Johan 17:17

Äni ce bung älo mitang hai-a, caiping-a sa pa. Nang ma üng älo lä mitang khaw vi.

Johan 3:19

Säthaw üng dengpy te lä hini dy. Kaevang lä älawngpre-a tyng ngaila khimi ce lä hunghö sa te phüng-a kaevang qawng käving tea bälung aevaw ö ky te vi.

Johan 4:10

Isu ma “Säthaw ma py saite lasawng bung nang mäny y. Nang tea tui nei hethang mäkai te kai lä ämi mei näte nang mäny y. Hini na mäny dylä kai tea mäkai by vi ai. Kai ma nang tähang hing saite tui py ai” näpa.

Johan 4:14

Tungaila kai ma py saite tui nei te hengtä lä manila tui aehe he y dy. Hini tui lä äni üng äthung-a tui cäpring-a aelawng kha dungtäsa hing saite dang hai ai” näpa.

Johan 8:12

Tukha Isu ma khimipui na tea “Kai lä älawngpre khimi ce üng kaevang vi. Kai leithung hui saite na lä manila käving thung-a ly y dy lyng. Äni ce lä kähing py saite kaevang dang ö vi ai” näkha näpa.

Johan 9:39

Tukha Isu ma “Kai lä älawng tea tärae cei hethang ly te dy. Ämi aevang saite na lä ämi bäjö kha ämi bäjö saite na lä ämi aevang vi ai” näkha näpa.

Johan 9:5

Kai lä älawng qawng-a awng te thüng-a älawngpre khimi ce üng kaevang vi” näkha näpa.

Angtawtha 10:43

Buisaw na angxynlyng ma, äni üng phüng thui rüng te vi. Isu tea Yng saite khimi angxynlyng na üng hunghö na Säthaw ma bälawi ai näte buisaw na ma thui te vi dy.”

Angtawtha 13:47

Säthaw ma kai ni tea hini kätyng täru vi. ‘Nang ni ceng kälang ce tea ly kha kaevang mätü hethang nang ni bung mätaw te vi. Älawngpre angxynlyng-a awng saite khimi na tea äni ma aeqang te dang hai ai näte nang ce ma thui he kae’” näpa.

Angtawtha 15:9

Säthaw lä äni ce bung mä-ai hai täphü kha khai te y. Äni ce lä Isu tea yng te phüng-a, äni ce üng bälung la caiping vi dy.

Angtawtha 2:38

Peterae ma lä äni ce tea “Nang ce angxynlyng hunghö thung üng aedawng mäkhüng ö lawi. Isu Khrista üng ämüng hai-a, nang ce lä baptismae la ö. Tudylä nang ce üng hunghö na Säthaw ma bälawi ai mang. Tukha nang ce lä Muilaw Käcai dang ai.

Angtawtha 20:21

Aedawng mäkhüng ea Säthaw tea aekö haile hethang hai mä-ai üng Areng Isu tea yng hethang, kai lä Judae khimi na hai Käri khimi na tea la kähawi-a thui pa te vi.

Angtawtha 20:32

“Nang ce bung Säthaw üng äkö thung-a a te vi dy. Säthaw üng tähang kähawi ma nang ce tea säbawng vi ai. Säthaw üng tähang kähawi phüng-a, nang ce üng yng saite cakhi haw ö vi ai. Tukäte hai-a Säthaw üng khimi käcai qütä tähang khai rüng saite tähang kähawi lä nang ce dang ö vi dy.

Angtawtha 26:19

“Akripa Sanphrang ä, kai lä käni mang üng äsämai tea tängai khü te vi dy.

Angtawtha 3:19

Tukha nang ce üng hunghö na cai hethang tähang-a, aedawng mäkhüng te hai ma Säthaw tea vawi ö haile lawi.

Angtawtha 5:31

Säthaw lä honi Isu bung äma üng bangtang mang-a khai kha Mätawngky hai Aeqangkung-a mäsang pa te vi. Isrelae khimi na aedawng mäkhüng haw hethang hai hunghö aelawi hai hethang tähang-a, Säthaw ma Isu bung hikä khai pa te vi dy.

Pawlae ma Rom märü üng kangkawng tähang tärü saite cae 8:17

Mä-ai lä Säthaw üng caw nade na näte phüng-a äma üng khimi na tähang khai saite tähang kähawi na tea dang ö ai. Säthaw ma Khrista tähang khai saite honi tähang kähawi tea la Khrista hai mangtä mä-ai lä dang ö by vi ai. Mä-ai lä Khrista üng mätang bälaica saite thung-a qa dylä äni hai mangtä phung-ang thung-a qa ö by ai.

1 Korin 1:2

Korin märü-a awng saite Säthaw üng kangkawng, Säthaw ma Isu Khrista hai-a cai hai kha Säthaw üng khimi käcai-a Isu Khrista hai bungtä mäthi saite nang ce tea hini cae kai lä tärü te vi. Mityng qütä mä-ai üng Areng Isu Khrista tea cäphaw saite khimi angxynlyng na tähang hini kätyng sa te vi. Khrista lä äni ce hai mä-ai üng Areng vi.

1 Korin 1:30

Säthaw ma sa te phüng-a, nang ce lä Isu Khrista hai bungtä lawng ö vi dy. Säthaw lä Khrista bung mä-ai tähang bälunghae hai hethang sa te vi dy. Äni hai-a Säthaw ma mä-ai tea khimi käcüng-a dawng te vi. Äni hai-a mä-ai bung lä khimi käcai-a lawng hai vi dy. Äni lä mä-ai üng hunghö sa jawjaw y hethang bälawi te vi dy.

2 Korin 4:4

Hini älawngpre tea pyng saite Setan lä yng y saite khimi na üng bälung kaedawng na tea ving hai pa te vi. Tukätephüng-a äni ce lä Khrista phüng Angthang Kähawi üng phung-ang aesang saite kaevang tea nung haw ö y. Khrista lä Säthaw hai aetawng khaw te vi.

2 Korin 4:6

Säthaw ma, “Käving thung-a kaevang awng sy” näkha thui vi dy. Hini Säthaw lä mä-ai üng bälung na thung-a la äni üng kaevang aevang hai te vi dy. Tukätephüng-a Isu Khrista üng mimai-a mä-ai lä Säthaw üng phung-ang tea nung kha mäny haw ö te vi.

2 Korin 6:14

Khrista tea mäny y saite khimi na hai kängby jä-ai aesa ö hang. Khimi käcüng na hai Säthaw üng lo tängai y saite khimi na lä kängby jä-ai aesa haw y. Kaevang hai käving lä mangtä awng haw y lyng.

Galati 2:20

Kai lä Khrista hai mangtä thinglang qawng-a dü pyng te kätyng vi. Kai lä leithung jungtä üng kätyng hing te y vi dy. Vaihi Khrista lä kai üng bälung thung-a hing te vi. Vaihi hing te lä Säthaw üng Cäpaw tea ae-y kha hing te kae. Cäpaw lä kai bung bälung aevaw kha kai tähang äma üng hing saite py vi dy.

Galati 3:14

Isu Khrista ma mä-ai bung aeqang te kätü-a Säthaw lä Abraham tea tähang kähawi py te kätyng ceng kälang na tea la py te by vi. Tukätephüng-a yng saite hai-a mä-ai lä Säthaw ma aedo saite Muilaw Käcai bung dang haw ö ai mang.

Galati 3:2

Nang ce tea kai lä älo haetä düng hethang ngai vi. Säthaw lä nang ce tea Muilaw Käcai bung makäte phüng-a py te mei. Mosi üng Ubädi tea hui ö te phüng-a mei. Y dylä Khrista üng Angthang Kähawi thai kha yng ö te phüng mei.

Ephesi 1:11

Säthaw lä mä-ai bung Khrista hai bungtä awng hethang re te by vi. Jangni-a ma honi tea sa hethang äni lä aedawng rüng te phüng-a, mä-ai bung re te vi dy. Äte angxynlyng na tea lä äma üng mawlang kaedawng kätyng sa te vi.

Ephesi 1:14

Mä-ai lä Muilaw Käcai bung dang te phüng-a, Säthaw lä äma älo aedo saite kähawi na py ai näte mä-ai lä mäny haw khaw ai. Säthaw lä äma üng khimi lawng saite mä-ai bung aeqang king hethang kätü-a, äni lä mä-ai tea tähang kähawi na py king vi ai. Säthaw lä leng bärai te phüng-a äni tea mä-ai lä bälaw ö si.

Ephesi 1:18

Äni lä lo mitang tea nang ce mänykaw hethang säbawng ai näte kai lä aetang te by vi. Tudylä nang ce bung ka te kätü-a, aedo kha aethang khai saite tea nang ce lä mäny ö ai. Äma üng khimi na tea py hethang älo aedo saite tähang kähawi käleng na nang ce mäny ö by hethang kai lä aetang te vi.

Ephesi 1:7

Isu Khrista üng dü saite hai äthi phüng-a Säthaw lä mä-ai üng hunghö na bälawi kha mä-ai bung lawi hai te vi dy. Säthaw üng tähang kähawi lä tengxyng y leng bärai vi. Äni lä tähang kähawi hai-a mä-ai tea bälung kähae py kha äte angxynlyng na tea mäny hai king te vi dy.

Ephesi 2:8

Khrista tea yng te phüng-a äma üng bäheng saite hai-a, Säthaw ma nang ce bung aeqang vi dy. Nang ce üng aethawsa saite phüng-a, äni lä nang ce bung aeqang te y. Äni lä nang ce bung äjawng-a aeqang te vi.

Ephesi 4:18

Äni ce lä Säthaw lo mitang tea thaikaw king haw ö y vi. Äni ce lä Säthaw ma py te hing saite hai hanglaw bärai ö te vi. Ätephüng-a mei nädylä äni ce lä bälung tangkö kha Säthaw bung mäny haw ö y.

Ephesi 5:11

Käving thung-a awng saite khimi na lä ävang käting y sa ö te vi. Nang ce lä äni ce üng sa saite na thung-a qa ö hang. Honi jüng-a hikä käsi sa saite na tea lä täphawng pa ö.

Ephesi 5:14

Ätephüng-a mei nädylä, kaevang lä äte angxynlyng na tea täphawng king pa te vi. Tukätephüng-a khimi ce ma ae-awi hai thui ö te lä, “I saite ä, i aelaw lawi. Dü saite ä, aetha lawi. Khrista üng kaevang lä nang tea aevang vi ai” näkha nä vi.

Ephesi 5:8

Jangni-a nang ce lä käving thung-a awng ö vai saite na vi. Tungaila vaihi lä Säthaw üng khimi-a aelawng kha kaevang-a awng ö te na vi dy. Tukätephüng-a nang ce lä kaevang-a awng saite khimi na kätyng sa ö.

Ephesi 6:12

Mä-ai lä khimi ce hai täre aety ö te y. Käni khösang üng haidae hai aenae awng saite angra na, hini älawng käving pre tea pyng saite angra käleng na, älawng qawng-a aenae awng saite na hai täre aety ö te vi.

2 Timote 2:26

Tudylä äni ce lä tüng te, tüng y te na mäny kha Setan angra sa saite mäthang thung üng aelawi ö ai. Setan angra lä äni ce tea äma ngai te kätyng sa hethang mäthang-a aemang hai ö te vi dy.

Hebrai 10:10

Säthaw üng aely kängai kätyng Isu Khrista lä äma üng ätabung tea qengtä löci aesa saite hai-a mä-ai üng hunghö na mäcai te vi dy.

Hebrai 10:14

Tukätephüng-a Khrista üng qengtä löci sa saite hai-a cai hai saite khimi na tea lä dungtäsa kätü tähang cungrü hai te vi dy.

Hebrai 11:6

Khimi lawngtä lä yng saite awng y dylä, Säthaw tea kawng hai haw y lyng. Ätephüng-a mei nädylä Säthaw tea ly saite khimi lä Säthaw awng vi näte yng kha äni bung ha saite khimi na tea lä ävang py ai näte tea yng hethang kae.

Hebrai 9:15

Tukätephüng-a Khrista lä Säthaw hai khimi ce säla-a kangthae aenai saite vi. Tudylä Säthaw ma ka saite khimi angxynlyng na lä Säthaw üng aedo saite dungtäsa tähang kähawi tea dang haw ö te vi. Khrista lä angcü üng aenai saite täkui-a hunghö sa saite khimi na bung bälawi hethang dü pa te vi dy te phüng-a, honi kätyng lawng te vi dy.

Jako 2:5

Kai üng bälung aevaw saite kangby jä-ai na ä, tängai ö! Säthaw lä hini älawngpre-a khimi kangtang na bung re te vi. Äni ce lä Isu tea yng te phüng-a, tätang tawngnang saite na vi. Säthaw lä äma tea bälung aevaw saite khimi na tea lä äma üng pre py hethang älo aedo te kätyng khimi kangtang na tea äma üng pre dang te thung-a qa hai ö te vi.

1 Piter 1:4

Säthaw ma mä-ai tähang lä Känipre ingthawng khai pa te vi dy. Honi lä pra haw y, täphra haw y, la ja haw y.

1 Piter 2:25

Nang ce lä lolang tämang saite beram na kätyng vi. Tungaila vaihi nang ce lä Beram rui saite hai nang ce üng hing saite angxynlyng na tea aedung hai saite Kung tea aekö haile tyng ö te vi dy.

1 Piter 2:9

Tungaila nang ce lä Säthaw ma re saite khimi na, Sanphrang üng mäthykung na, cai saite khimi na hai, Säthaw hai aesui saite khimi na vi. Äni ma nang ce bung lä käving thung üng käthoja kha äma üng cangxei saite kaevang thung-a khai vi dy. Tukätephüng-a nang ce lä Säthaw üng cangxei saite kälu phüng tea thui haw ö te vi.

1 Johan 1:9

Mä-ai üng hunghö na Säthaw tea täphawng dylä äni lä ae-y khü kha cüng saite phüng-a mä-ai üng hunghö na tea bälawi vi ai. Mä-ai üng kätüng y sa saite angxynlyng na tea la mäcai ai.

1 Johan 2:12

Kai üng bälung aevaw saite caw nade na ä, Säthaw ma nang ce üng hunghö na lä Khrista üng phüng-a bälawi vi dy näte phüng kai lä nang ce tea tärü te vi.

1 Johan 3:8

Hunghö na sa jawjaw saite na lä Setan angra hai aesui saite na vi. Ätephüng-a mei nädylä Setan angra lä angcü üng hai ma hunghö na sa te phüng-a vi. Tukätephüng-a Säthaw üng Cäpaw lä Setan angra üng kälu na tea täphra hethang ly te vi dy.

1 Johan 5:19

Mä-ai lä Säthaw üng caw nade na vi näte hini älawngpre üng khimi angxynlyng na tea Setan ma pyng ngaila mäny ö te vi.

Judae 1:1

Kai, Judae, Isu Khrista üng mawsawng hai Jaeko üng kangby ma hini cae tärü dy. Mä-ai üng Pä-ai Säthaw ma re ea äma üng bälung aevaw saite thung-a awng kha Isu Khrista ma aedung hai saite khimi angxynlyng na tea hini cae tärü te vi.

Lokphong 21:27

Tungaila ätete cai y saite na, kaejae sa saite na, kaeling thui saite na lä honi thung-a kung hethang dang ö y vi ai. Beram Caw üng dungtäsa kähing dang saite na üng ämüng tärü saite cae-u thung-a qa saite xyng na ni honi märü käleng pui thung-a kung ö ai.