Angtawtha 24:5 - Caekäcai Kangthae (Lemi)

⁵ Hini khimi lä pre tea täre mäsa saite vi. Äni lä älawngpre qütä üng Judae khimi qütä na tea aepuilung hethang bäleng pa vi. Äni lä Nazare kangkawng khimi na üng mätawngky lawngtä vi näte kai ce lä mäny ö te vi.

Asang Khongso New Testament

⁵ Hi kami loa zithaih kaom lokpunghaih ka sahkung ni tihae ka hnuk o; longnui bum boih ih Judah kaminawk salak thungah lokpunghaih a sak moa Nazareth bu kaminawk ih pahoikung ah a oh.

Angtawtha 24:5 ပူးပေါင်းရင်းမြစ်များ

Mathai 10:25

Aetu saite lawngtä lä äma üng särae kätyng aelawng hethang hai mawsawng lawngtä la äma üng areng kätyng aelawng hethang anghawtho vi ai. Äni ce ma kai tea Belzebul angra näkha ka vi dylä, nang ce tea hini qawng-a cang y siky saite ämüng ka ö vi ai.

Mathai 2:23

Tukha Josefae lä Isu ni änä-awi Maeri hai mangtä Nazare näsaite märü-a awng dy. Areng ma buisaw hai-a thui saite lo cungrü hai hethang hini kätyng vi. Buisaw ma “Khimi ce lä Isu tea Nazare khimi” näkha näpa.

Marka 1:24

Äni ma “Nazare märü üng Isu ä, nang lä kai ce tea ätemakä sa hethang ngai te mei. Täphra hethang ngai te mei. Nang lä Säthaw üng cai saite Cäpaw näte kai lä mäny vi” näkha thui pa dy.

Luka 23:19

(Baraba lä Jerusalem märü tea xhuxa hethang aethawsa te phüng-a hai khimi bädü te phüng-a thawngkae te vi.)

Luka 23:2

Tudylä äni ce ma Isu tea kaekhe lawng thui pa te lä “Hini khimi lä kai ce Isrelae khimi na tea älang tämang hai te vi. Äni lä Sica sanphrang kälengky tähang angko py te na tea mäkhang te vi. Tukha äma tea Mesia näsaite sanphrang lawngtä vi näkha thui te vi” näpa.

Luka 23:25

Khimi bädü kha Jerusalem märü tea xhuxa hethang aethawsa te phüng-a thawngkae saite Banaba bung lä äni ce mäkai te kätyng Pilata ma bälawi pa vi dy. Tukha mätawngky Pilata lä Isrelae khimi na üng kängai-a Isu bung a pa vi dy.

Luka 23:5

Tungaila äni ce ma “Äni lä Kalile khö üng hai aetawng kha Judae khö üng khimi angxynlyng na tea äni üng mätu saite lo hai käsi sa te hai xhuxa hai te vi. Vaihi äni lä Jerusalem märü-a tyng te vi dy” näkha käsi thui pa ö vi dy.

Angtawtha 15:5

Tungaila Pharisai na thung üng Yng saite khimi phütä na lä aetha kha, “Ceng kälang Khimi na lä lengkhüng täke hethang kae. Mosi üng Ubädi tea bäjui hethang äni ce tea thui he kae” näkha näpa ö vi.

Angtawtha 21:28

Äni ce ma “Isrelae khimi ce ä, säbawng ö jo kae-e. Hini khimi lä mityng qütä-a ly kha Isrelae khimi na phüng läsy, Mosi üng Ubädi phüng läsy, Säthaw üng Ingkäcai phüng läsy, käsi thui kha khimi ce angxynlyng tea mätu pa vi. Honi cang y vaihi äni lä Käri khimi na bung Säthaw üng Ingkäcai baesung thung-a nähai ea hini Ingkäcai üng caiping te tea täphra vi dy.” (

Angtawtha 22:22

Khimi ce lä Pawlae ma ceng kälang khimi na tea Angthang Kähawi thui te khytä tängai ö vi dy. Tupyng-a hini kätyng Pawlae thui te thai ea lä “Hini khimi bung älawng qawng üng mäthoja la. Äni lä hing hethang aeteng y vi dy” näkha ätüng käleng hai hang ö vi.

Angtawtha 24:14

Tungaila kai ce üng kangsi na üng Säthaw tea cäphaw kha Areng Isu üng mätu saite älang kai lä bäjui te vi. Äni ce lä honi tea tämang saite vi näkha aedawng ö te vi. Tungaila Mosi üng Ubädi hai buisaw na tärü kha thui saite angxynlyng na tea kai lä yng vi.

Angtawtha 24:4

Kai ce lä nang üng kätü na byng rung khytä sa he ngai y lyng. Tungaila kädawi byng-a kai ce thui saite na tängai kü ba.

Angtawtha 25:7

Pawlae tyng saite kätü-a lä, Jerusalem märü üng ly saite Judae khimi na ma äni tea sävenglü kha käsi thui pa ö vi dy. Tungaila äni ce lä äte sasi lo na mätü haw pa ö y vi.

Angtawtha 26:5

Kai bung äni ce mäny te lä qae vi dy. Kai lä Judae na üng kangkawng thung-a Ubädi kähawi-a tängai khü saite Pharisai vi näte äni ce ma ngai dylä thui haw mang.

Angtawtha 28:22

Tungaila nang hai aesui saite hini kangkawng phüng ae-e kha mityng qütä-a thui saite na kai ce lä thai vi. Tukätephüng-a nang üng yng saite phüng na kai ce lä thai hethang ngai vi” näpa.

Angtawtha 5:17

Tukha mäthykung kälengky hai Sadukai thung-a awng saite äni üng rawijae na lä pä-e te bälung awng ö vi. Äni ce tea bäjeng hethang dawng khaw ö vi dy.

Angtawtha 6:13

Tupyng-a äni ce lä Stephen phüng kätüng y-a, thui saite khimi na bung nähai pa ö vi. Honi khimi ce ma “Hini khimi lä Säthaw üng Ingkäcai hai Mosi üng Ubädi phüng tea käsi prawng vävawi te vi.

1 Korin 11:19

Nang ce thung-a aetäphü saite na lä awng hethang kae. Hokä ea ni ämi lä Säthaw üng aely kängai-a awng mei näte mäny haw ai.

1 Korin 4:13

Khimi ce ma kai ce tea käsi thui te kätü-a mäteng ma, kai ce lä äni ce tea älo kähawi na mäthang haile ö te vi. Vaihi khytä hini älawngpre üng khimi na lä kai ce tea angnüng angsaw kätyng dawng ö te vi. Äni ce lä kai ce tea aetütü saite khimi na kae näkha mäthi ö te vi.

1 Piter 2:19

Nang ce lä Säthaw üng aely kängai mäny te phüng-a, sa tämang y käla mätang bälai ö dylä, Säthaw lä nang ce tea tähang kähawi py vi ai.