Angtawtha 22:5 - Caekäcai Kangthae (Lemi)

⁵ Kai thui saite lo tätang vi näte mäthykung kälengky na hai Sanhendrin kawngci üng Judae khimi mätawngky na lä mäny kha thui haw ö vi. Kai lä äni ce te üng Damasaka märü-a awng saite Judae khimi mätawngky na tea py hethang cae na dang te vi dy. Tukha Isu tea Yng saite khimi na tea bäjeng hethang tähang hai, ne kha Jerusalem märü-a nähai hethang honi cae ma, kai tea aenae py te vi.

Asang Khongso New Testament

⁵ Qaihma Kalen hoi lokcaekhaih Kawngsi kacoetanawk boih mah ka thuih ih hae loktang ni tito saksi ah angdoet o haih thai. Anihcae khaeah Damaskas ih kaom Judah naukamzanawk hanah tarik pae ih canawk to ka lak. Topongah hi kaminawk hae naeh hanah toah to ka caeh, sumqui hoiah pahlet moa raek hanah Jerusalem ah ka caeh haih.

Angtawtha 22:5 ပူးပေါင်းရင်းမြစ်များ

Luka 22:66

Kädang khö aevang ea lä, khimipui thung üng mätawng na hai, mäthykung käleng na hai, Ubädi särae na lä mangtä Sanhendrin kawngci-a aeting ö qu dy. Tukha Isu bung äni ce maw-a nähai pa ö dy.

Angtawtha 1:15

Kätü käni qae saite kätü-a, Isu tea Yng saite khimi lawng cungvai kuisytä na lä aekäcö ö kha awng ea Peterae lä aedaw kha älo thui pa dy.

Angtawtha 13:26

“Isrelae kangby jä-ai na ä, Abraham üng kaesui hai Säthaw tea yng saite ceng kälang khimi na ä, Säthaw lä khimi bung makä sa kha aeqang mei näte angthang mä-ai tea mäny hai te vi dy.

Angtawtha 2:29

“Rawijae na ä, nang ce tea tätang khü-a kai lä thui te vi. Mä-ai üng kangsi Davidae lä dü kha äni bung khimi ce ma ö pa te vi. Tukha äni üng täprawng lä vaini khytä hi-a awng rawng.

Angtawtha 22:1

Pawlae ma “Kangby jä-ai na hai Ä-ai na ä, vaihi kai thui he ngai saite älo tea tängai ö re ba. Kai lä sa tämang te awng y näte thui mäcai he ngai vi” näpa.

Angtawtha 23:1

Pawlae lä Sanhendrin kawngci na tea kheng bädiki ea “Kangby jä-ai na ä, kai lä vaini khytä Säthaw üng maw-a, caiping te bälung kaedawng hai-a awng kha kälu sa te vi” näpa.

Angtawtha 23:6

Tupyng-a Pawlae lä Sanhendrin kawngci thung-a phütä lä Sadukai na hai kälang phütä lä Pharisai na näte mäny ea lä “Kangby jä-ai na ä, kai lä Pharisai vi. Pharisai üng cäpaw la vi. Dü saite na aetha haile tyng ai näte lä kai üng aethang khai saite vi. Tukätephüng-a vaihi kai lä älo cei hethang aeting saite khimi vi” näkha näpa.

Angtawtha 26:10

Hini kätyng Jerusalem märü-a kai lä sa te by vi dy. Mäthykung käleng üng aenae hai Yng saite khimi angxynlyng na bung kai ma thawng thung-a pä-ung pa te vi. Äni ce bung bädü saite kätü-a lä kai la bälung mangtä aedü te by vi.

Angtawtha 26:11

Kai lä Judae na üng ingkäcai-a ly kha äni ce tea bäjeng hai tütü te vi. Äni ce üng yng saite na khaisö hai hethang kai aethawsa te vi. Äni ce tea kai lä esäre phi te vi. Tukha kai lä pre kälang üng märü na mang-a ly kha äni ce tea sakälö khü pa te vi dy.

Angtawtha 26:12

“Hini kätyng sa hethang kai lä mäthykung käleng üng aenae hai-a, äni ce te üng dang te cae süng kha, Damasaka märü-a ly te vi dy.

Angtawtha 28:17

Käni thungtä qae pyng ea Pawlae ma Judae mätawngky na bung kähyng vi dy. Äni ce lä aekäcö qu ea Pawlae ma “Kangby jä-ai na ä, kai lä mä-ai üng khimi na tea hai, kangsi na üng reitae tea äte haetä la sa tämang te awng y. Tungaila Judae khimi na lä Jerusalem märü-a kai bung ne kha Rom khimi na tea a ö te vi dy.

Angtawtha 28:21

Äni ce ma “Kai ce lä nang üng phüng Judae khö üng cae lä dang te y vi. Isrelae pre üng ly saite kai ce üng yng te khimi ämi lawngtä la nang üng phüng hawi y saite na thui te y vi.

Angtawtha 3:17

“Rawijae na ä, nang ce lä nang ma ce üng mätawngky na ma, Isu lä Mesia vi näte mäny y te phüng-a, hini kätyng sa te kai lä mäny vi.

Angtawtha 4:5

Nitä pyng-a lä Judae kälengky hai mätawngky na hai Mosi üng Ubädi särae na lä Jerusalem märü-a aeting ö dy.

Angtawtha 5:21

Angtawtha na lä Säthaw üng angtawtha ma thui te kätyng khö aevang ea lä Ingkäcai baesung thung-a ly kha khimi ce tea Isu phüng mätu pa ö vi dy. Mäthykung kälengky hai äma üng rawijae na tyng ea äni ce lä Sanhendrin kawngci-a awng saite Isrelae mätawngky angxynlyng na bung aekäcö hai pa vi dy. Tupyng-a angtawtha na bung nähai hethang Ingkäcai ty saite na bung thawng thung-a mätaw ö dy.

Angtawtha 9:14

Tukha Areng tea Yng saite khimi angxynlyng na bung ne hethang mäthykung käleng na te üng aenae dang pyng saite khimi vi” näkha näpa.

Galati 1:13

Jangni-a Judae khimi na üng reitae tea kai hui te lä nang ce thai ö pyng te vi dy. Säthaw üng kangkawng tea kai lä mätangca-a sakälö khü kha täphra hethang ngai näte nang ce lä mäny ö pyng te vi dy.

Filipi 3:6

Kai lä Khrista bung yng saite khimi na tea mätang bälai sa te hai Säthaw tähang bälung aepy phi saite khimi vi. Ubädi üng särilo na tängai te mang-a la kai lä cy nae äte haetä la awng te y.

1 Timote 4:14

Nang lä Muilaw Käcai ma py te sa kaw saite tea aedawng ba. Kangkawng üng mätawngky na ma nang qawng-a äkö thyng kha aetang ea Säthaw lä buisaw na üng lo hai-a, nang tea lä Muilaw Käcai üng sa kaw saite py pyng te vi dy.