Angtawtha 22:4 - Caekäcai Kangthae (Lemi)

⁴ Kai lä Areng Isu üng lolang bäjui saite khimi na bung bädü he khytä sakälö khü pa te vi. Nawngmädi nawngmäcaw na bung ne kha thawng thung-a pä-ung pa te vi dy.

Asang Khongso New Testament

⁴ Hi Loklam ka pazui kaminawk to duek khoekto ka pacaek ka pahlaek. Nongpuinawk hoi nongpanawk to ka naeh moa thongim thungah ka pakhrak.

Angtawtha 22:4 ပူးပေါင်းရင်းမြစ်များ

Angtawtha 16:17

Honi nawngmädi mawsawng lä Pawlae hai kai ce leithung hui vi. Äni ma “Hini khimi ce lä aesangky saite Säthaw üng mawsawng na vi kha nang ce tea aeqang saite angthang thui pa” näkha ätüng käleng hai thui pa vi.

Angtawtha 18:26

Äni lä Judae na üng ingkäcai-a, ri y te hai älo thui vawng vi dy. Precila hai Akuila ni äni üng thui saite älo thai ea lä, äni bung ing-a kähyng kha Säthaw lä khimi ce tea ätemakä aeqang mei näte phüng na kähawi-a, thui mäcai hai pa vi dy.

Angtawtha 19:23

Honi kätü-a Ephesi märü-a, Areng Isu üng angthang mätu saite phüng-a, aepuilung hai pa vi dy.

Angtawtha 19:9

Tungaila khimi phütä na lä bälung tangkö kha yng he ngai ö pa y vi. Khimipui maw-a Areng üng mätu saite phüng na tea käsi thui pa ö vi. Tukätephüng-a Pawlae lä Judae na üng ingkäcai üng tho kha Yng saite khimi na bung nähai vi dy. Tairana näsaite khimi üng cae aetu nae mityng-a, käni qütä älo na aedüng aethui pa vi dy.

Angtawtha 24:14

Tungaila kai ce üng kangsi na üng Säthaw tea cäphaw kha Areng Isu üng mätu saite älang kai lä bäjui te vi. Äni ce lä honi tea tämang saite vi näkha aedawng ö te vi. Tungaila Mosi üng Ubädi hai buisaw na tärü kha thui saite angxynlyng na tea kai lä yng vi.

Angtawtha 7:58

Äni bung märü üng ärang mang-a, re kha äni tea bädü hethang kälung hai käde ö dy. Stephen phüng hawi y thui saite na lä, Sawlae näsaite särai tea kä-o na khai pa ö vi dy.

Angtawtha 9:21

Äni üng älo thai saite khimi angxynlyng na lä cangxei ö phi vi dy. Äni ce ma “Hini khimi lä Jerusalem märü üng Isu tea Yng saite khimi na bung bädü saite khimi y mei. Hini mityng üng käyng na bung ne kha mäthykung käleng na tea nähai hethang äni lä ly te y vi mei.”

1 Korin 15:9

Kai lä angtawtha na thung-a aely lengky y saite lawngtä vi. Kai lä Säthaw üng kangkawng tea mätangbälai hai te phüng-a, kai tea lä angtawtha näkha mäthi hethang mäteng ma aeteng te y.

Galati 1:13

Jangni-a Judae khimi na üng reitae tea kai hui te lä nang ce thai ö pyng te vi dy. Säthaw üng kangkawng tea kai lä mätangca-a sakälö khü kha täphra hethang ngai näte nang ce lä mäny ö pyng te vi dy.

Filipi 3:6

Kai lä Khrista bung yng saite khimi na tea mätang bälai sa te hai Säthaw tähang bälung aepy phi saite khimi vi. Ubädi üng särilo na tängai te mang-a la kai lä cy nae äte haetä la awng te y.

2 Piter 2:2

Säthaw üng khimi awng mang saite na lä äma ce üng saerae hethang hawi saite lang-a hui ö ai. Tukha yng y saite khimi kälang na lä älang kätüng phüng tea käsi na thui ö vi ai.