Angtawtha 22:16 - Caekäcai Kangthae (Lemi)

¹⁶ Tukätephüng-a äte tea aering kha awng te mei. Aetha kha baptismae la lawi. Nang üng hunghö na aelawi hethang Areng tea aetang lawi’ näkha näpa.

Asang Khongso New Testament

¹⁶ Topongah vaihi tipongmaw na zing khing loa? Angthawk aloa baptisma to la aloa na zaehaih ihnawk boih to khophoehhaih hoiah thoengcaisak ah.

Angtawtha 22:16 ပူးပေါင်းရင်းမြစ်များ

Johan 13:8

Peterae ma “Areng ä, kai üng äkho tea manila mäse hang” näpa. Isu ma “Nang üng äkho tea kai mäse y dylä, nang lä kai hai aesui te y dy” näkha näpa.

Angtawtha 2:21

Areng tea ka saite khimi angxynlyng na bung, Säthaw ma aeqang ö pa vi ai näkha ätüng käleng hai-a thui pa dy.’

Angtawtha 2:38

Peterae ma lä äni ce tea “Nang ce angxynlyng hunghö thung üng aedawng mäkhüng ö lawi. Isu Khrista üng ämüng hai-a, nang ce lä baptismae la ö. Tudylä nang ce üng hunghö na Säthaw ma bälawi ai mang. Tukha nang ce lä Muilaw Käcai dang ai.

Angtawtha 7:59

Tukha Äni ce ma kälung hai käde saite kätü-a, Stephen lä “Areng Isu ä, kai üng Muilaw bung la lawi ba” näkha aetang pa vi.

Angtawtha 9:14

Tukha Areng tea Yng saite khimi angxynlyng na bung ne hethang mäthykung käleng na te üng aenae dang pyng saite khimi vi” näkha näpa.

Angtawtha 9:18

Qengtäma Sawlae ämi thung üng mawili kätyng-a, ämi üng aeqa pa vi dy. Ämi la aevang haile tyng pa. Äni lä aetha kha baptismae la vi dy.

1 Korin 1:2

Korin märü-a awng saite Säthaw üng kangkawng, Säthaw ma Isu Khrista hai-a cai hai kha Säthaw üng khimi käcai-a Isu Khrista hai bungtä mäthi saite nang ce tea hini cae kai lä tärü te vi. Mityng qütä mä-ai üng Areng Isu Khrista tea cäphaw saite khimi angxynlyng na tähang hini kätyng sa te vi. Khrista lä äni ce hai mä-ai üng Areng vi.

1 Korin 12:13

Honi kätyng-a, Säthaw ma mä-ai angxynlyng na, Judae khimi na, khimi ceng kälang na, mawsawng tangnae na hai, khimi kaelawi na tea lä Muilaw Käcai hai-a mä-ai bung ätabung haetä thung-a baptismae py te vi dy. Säthaw lä mä-ai üng bälung thung-a mangtä saite Muilaw Käcai bung mäkung pyng vi dy.

1 Korin 6:11

Angcü üng hai ma nang ce thung üng khimi phütä lä honi kätyng käsi na sa ö te vi. Tungaila Säthaw lä nang ce üng hunghö na tea bäse pang kha cai hai te vi. Areng Isu Khrista hai Säthaw üng Muilaw hai-a nang ce lä Säthaw üng maw-a khimi käcüng-a lawng ö vi dy.

Galati 3:27

Khrista hai bungtä awng hethang baptismae la ö te vi dy. Tudylä nang ce angxynlyng na lä kä-o kangthae aelawng te kätyng, Khrista üng hing saite tea aelawng ö te vi dy.

Ephesi 5:26

Mä-ai tea cai hai hethang Khrista lä hikä sa te vi dy. Tui hai-a mäse te kätyng-a Säthaw üng lo hai Khrista lä kangkawng tea mäcai te by vi dy.

Hebrai 10:22

Tukätephüng-a mä-ai lä Säthaw üng äteng-a mitang khaw saite bälung, yng khü te hai ly ö si. Khrista üng äthi lä mä-ai üng käsi kähawi mäny saite bälung kaedawng na tea mäcai pa te phüng-a, mä-ai üng sa saite hunghö na tea lä aedawng ö vi hang lawi. Mä-ai üng ätabung na tea lä tui käcai hai mäse pang vi dy.

1 Piter 3:21

Hini tui lä baptismae phüng tea thui te äsäny vi dy. Vaihi Säthaw ma nang ce tea lä baptismae hai-a aeqang te vi. Baptismae üng tui lä nang ce üng ätabung üng pawprae saite na tea mäse te y. Nang ce lä baptismae la te hai käsi kähawi mäny saite bälung käcai hai-a Säthaw tea älo aedo ö te vi. Honi baptismae phüng-a Isu Khrista üng aetha haile tyng saite hai-a Säthaw lä mä-ai bung aeqang te vi.