Angtawtha 2:47 - Caekäcai Kangthae (Lemi)

⁴⁷ Äni ce lä Säthaw tea bälaw te hai, khimi angxynlyng na maw-a mimai dang ö vi. Tukha Areng Isu ma käni qütä khimi ce bung aeqang kha yng saite na lä aepu rae pa vi dy.

Asang Khongso New Testament

⁴⁷ Sithaw to pahlaw o moa mi boiboih khae hoitoah mikhmai kahoih to a hnuk o. Nithokkruek ah Angraeng mah pahlong ah kaom kaminawk to anihcae ih a bu thungah akunsak o toemoe.

Angtawtha 2:47 ပူးပေါင်းရင်းမြစ်များ

Luka 19:48

Tungaila äni ce lä hokä sa hethang älang haetä la dang haw pa ö y vi. Ätephüng-a mei nädylä khimipui na lä, äni üng lo kähawi-a tängai ö pa te phüng-a vi.

Luka 2:52

Tudylä Isu lä ryng kha bälunghae te hai awng rae pa vi dy. Säthaw hai khimi ce maw-a la mimai dang pa vi dy.

Angtawtha 11:21

Äni ce lä Areng Isu üng haidae na dang te hai-a, khimi awng mang te na lä Areng Isu tea yng kha äni leithung hui ö vi dy.

Angtawtha 11:24

Banaba lä khimi mitang pa vi kha Muilaw Käcai kawi te hai-a yng saite la cakhi te vi. Tukha khimi awng mang te na Areng Isu tea yng hethang tähang-a, äni lä säbawng bärai pa vi dy.

Angtawtha 13:48

Ceng kälang khimi na ma honi Älo angthang thai te kätü-a lä, anghawtho te hai ma Säthaw üng Angthang tea bälaw ö vi dy. Säthaw ma dungtäsa hing saite dang hethang re saite khimi na lä yng ö vi dy.

Angtawtha 14:1

Pawlae ni Banaba lä Aikonia märü-a äni ce üng reitae kätyng Judae na üng ingkäcai-a kung hawi kha Isu üng phüng haidae hai thui pa vi dy. Tukha Judae khimi na hai Käri khimi na lä awng mang-a yng pa ö vi dy.

Angtawtha 14:21

Pawlae hai Banaba ni lä Derbe märü-a Angthang Kähawi thui kha khimipui na lä awng mang-a yng ö mang pa vi dy. Tupyng-a änini lä Lutara, Aikonia hai Antioh märü na mang-a vawi haile tyng hawi dy.

Angtawtha 16:5

Tukätephüng-a kangkawng khimi ce üng yng cakhi rae kha käni qütä yng te khimi ce lä awng mang pa vi dy.

Angtawtha 17:12

Judae khimi na lä yng ö mang vi dy. Ämüng aethang saite Käri nawngmädi, nawngmäcaw na la awng mang-a yng ö vi dy.

Angtawtha 2:39

Säthaw ma hini aedo saite lo lä, nang ce hai nang ma ce üng nade na tähang py te vi. Hini aedo saite lo lä, kähanglaw-a awng saite nang ce angxynlyng na tähang vi. Mä-ai üng Säthaw ma ka saite khimi angxynlyng na tähang vi.”

Angtawtha 2:41

Äni üng älo tängai saite Khimi ce lä baptismae la ö dy. Tukha honi käni-a khimi sang thungtä tingtang Isu tea yng kha äni ce üng äpy na-a lawng ö vi dy.

Angtawtha 4:21

Tupyng-a Judae mätawngky na lä angtawtha ni tea kätei kha bälawi hawi vi dy. Makä sa kha änini tea dengpy ai mei näte mäny ö pa y vi dy. Äte makäte phüng-a mei nädylä, khimi ce angxynlyng lä angtawtha ni sa saite kamarae phüng-a, Säthaw tea bälaw kha awng pa ö te vi.

Angtawtha 4:33

Angtawtha na lä Säthaw ma Isu dü te üng mätha haile te phüng haidae käleng hai-a thui ö vi dy. Tukha äni ce tea Säthaw ma tähang kähawi awng mang-a py pa dy.

Angtawtha 4:4

Tungaila angthang thai saite khimipui thung üng yng saite na lä awng mang pa vi. Tupyng-a Yng saite khimi nawngmäcaw na lä lawng sang bangtä tingtang awng pa vi.

Angtawtha 6:1

Honi kätü-a yng saite na lä khimi rui awng mang rae vi dy. Tukha Käri lo aepe saite Judae khimi na hai Hebärai lo aepe saite Judae khimi na lä aede ö y vi. Käri lo aepe saite Judae khimi na lä äma ce te üng lömai nä-awi na tea mangtä ca nei he bäri hai y näkha Hebärai lo aepe Judae khimi na tea käsi thui pa ö vi.

Angtawtha 6:7

Tukha Säthaw üng älo Angthang Kähawi lä aehi haidü kha Jerusalem märü-a, Yng saite khimi na lä nyng rae pa vi dy. Mäthykung awng mang saite na la, honi Angthang Kähawi tea tängai kha yng ö vi dy.

Angtawtha 9:31

Honi kätü-a Judae khö, Kalile khö hai Samari khö mityng qütä-a kangkawng na lä awngneng pa vi dy. Kangkawng üng khimi na lä Areng Isu tea ri te bälung hai-a, awng kha Muilaw Käcai ma, äni ce tea säbawng kha aethaw py pa vi. Tukha yng saite na lä awng mang rae pa ö vi dy.

Angtawtha 9:35

Luda märü hai Saron khö-a awng saite khimipui na lä, Ania bung nung kha Areng Isu tea yng ö vi dy.

Pawlae ma Rom märü üng kangkawng tähang tärü saite cae 14:18

Hini älang hai-a Khrista üng kälu sa dylä, nang lä Säthaw tea anghawtho hai kha khimi ce ma la nang tea bälaw ö vi ai.

Pawlae ma Rom märü üng kangkawng tähang tärü saite cae 8:30

Tudylä Säthaw lä ka hethang äma aedawng rüng saite na bung ka pa te vi dy. Äni ma ka saite khimi ce tea lä khimi käcüng na-a mäthi kha äma üng phung-ang la äni ce tea py pa vi dy.

Pawlae ma Rom märü üng kangkawng tähang tärü saite cae 9:27

Buisaw Isaia ma Isrelae khimi na üng phüng thui pa te lä, “Isrelae khimi na lä Pangle pyng-a awng saite täpung älawng ngangdi kätyng awng mang ö ngaila, Säthaw lä äjecäcaw na tea ni aeqang vi ai.

1 Korin 1:18

Khimi phütä na lä Khrista üng thinglang qawng-a dü saite angthang tea kangthö lo na kae näkha dawng ö vi. Hini khimi ce tea lä Säthaw ma täphra vi ai. Tungaila Säthaw ma aeqang saite mä-ai tähang, hini angthang lä Säthaw üng haidae awng vi.